بخصوص ارتفاع درجه حرارة اربه المياه

[hageen2002]

من يومين وبعد مشور طويل بسيارتى اللانوس لاحظت بعد التوقف والسياره شغاله ان المروحه مش بتفصل خالص ودرجه حراره الامبر عاديه بس
الموشر فى المنتصف فتحت الكبوت لاقيت المياه فى الخراطيم سخنه جدا حتى فى اربه المياه ولعربيه الاداء بتاعها مش اوى بحس بخشونه فى سحب الموتور انا بلاحظ السياره دلوقتى بعد مشوار تانى طويل لقيت الاربه المياه عاليه فيها جدا عن الوضع الطبيعى والمياه بداخل الاربه سخنه
على الرغم انى كشفت على الريتاتير ومفيش فيه مشكله والمياه بتنقص بمعدل بسيط جدا هل ده جوان وش سلندر والا ايه وانا سالت واحد
عنده دايو اللى اناه فى حساس فى غطاء الاربه فتحت ونظفته كويس ياترى ده ممكن يكون جوان وش سلندر والا ايه فى العربيات اسابقه او المودلات الاديمه شويه كان من السعل الواحد يعرف وش السلندر من خلال غطاء الريداتير وهو مدور ياريت حد يفدنى

[hageen2002]

ياريت حد يساعدنى ارجوا الرد

[ahmedsrs]

لو العربية سخنة وفتحت الأربة الميه هتعلى عادى وفى حالة جوان وش السلندر الميه المفروض تقل مش تعلى عشان بتسرب فى الموتور اعتقد ان المشكلة عندك ابسط من كده لو سحب الربيه وحش شوف البوجيهات والسلوك لأن لو فى مشكلة فى البوجيهات ممكن العربية تسخن

[hageen2002]

متشكر للاخ احمد بس انا رجعت دوره التبريد كويس هى الاربه المياه فيها بتعللى بعد السياره ما بشتغل
فترة بدون ما افتحها بس بعد ما بتبرد السيارة بتنقص عن اخر مره مزود فيها المياه وبعدين انا اعرف ان مياه الاربه مش بتوصل لدرجه السخونه العاليه ده جايز الاربه فيها شرخ والا حاجه وموضوع الزيت ده انا اعرف انه مش شرط ان الزيت يطحن ممكن الجوان يكون بايظ من الخارج يعنى مش من ناحيه البستم ممكن يكون من الناحيه الخارجيه للسلندر يعنى من الحرف الخارجى من من ناحيه الزيت ارجوا
المشاركه على فكره انا عندى مروحه واحده على الريداتير مش اثنين علشان العربيه مش مكيفه هو لازم استعمل مروحه تانيه

[memoo305]

أعتقد طالما المياه بتعلى وبتوطى يبقى البلف شغال كويس.نقص المياه يمكن يكون أفيز بتاع أحد خراطيم المياه مش محكوم كويس. لو جوان هتلاقي العربية بيتعرق من الشكمان كتير

[hageen2002]

متشكر للاخ ميمو فعلا علبه الشكمان بتعرق كتير خصوصا وانا بدور بتنزل كميه مياه كثيره شويه مش تعريق طبعا لا فعلا كميه مياه على العموم متشكر

[MMamdouh]

لو جوان الوش فيه حاجة حتلاقى اما الزيت دخل على الميه او كبس الموتور بيروح على دورة التبريد

هل الزيت عامل طحينة؟
فيه زيت فى ميه التبريد؟
فكيت البوجيهات و لقيت واحد او اكتر مصدى؟
بخار المية بيطلع فى كل الوقات حتى لو الجو مش بارد و الساعة 2 الضهر؟
هل الميه فى القربة فيها فقاقيع كتير و ريحتها متغيرة؟

MMamdouh

[kh_fawzy]

المشكله ابسط من كدة غير غطاء الريداتير والمشكله دى ان شاء الله هاتختفى خالص