بعد الامطار ... العربيه ضاعت و يا ريت تساعدوني

[romeo_6887]

روح بيها السويس وللا بور فؤاد .. وللا اقطع نص الطريق لسيناء وتعالى .. أنا بحسدك أساسا على المكان الاستراتيجي الفظيع اللي انت قاعد فيه .

ايه وجه الاستراتيجيه في بورسعيد ؟
هي الميزه الوحيده فيها انها صغيره
و لو عجباك بورسعيد اوي
تعالي عندنا و سوق نص ساعه بس
هتكره نفسيتك و هتكره السواقه
بس مقولتليش علي رأيك في البلاوي اللي حصلت

[tompina]

ايه وجه الاستراتيجيه في بورسعيد ؟
هي الميزه الوحيده فيها انها صغيره
و لو عجباك بورسعيد اوي
تعالي عندنا و سوق نص ساعه بس :e_braces[1]:
هتكره نفسيتك و هتكره السواقه :i_angr1[1]:
بس مقولتليش علي رأيك في البلاوي اللي حصلت

أنا باتكلم من منظور استراتيجي بحت ..
على المستوى المدني والمستوى الحربي ..
والجغرافي والسياسي ..
أما مسألة السواقة والذي منه فأنا عمري ما شوفت بور سعيد ولا أعرف عن طرقها حاجة .. أنا معلوماتي عنها خرائط وبس .

تعالى بقى لموضوع المية .. بصراحة ..(ياما دقت على الراس طبول) وماتنساش إني من الأعضاء القليلين هنا اللي غيروا ضفيرة بالكامل .. يعني موضوع الكهرباء ده أنا متعلم علي فيه التعليمة التمام ..
ولأن عربيتي بتكره المية موت .. كنت لما أغسلها بسيبها يومين كاملين في الشمس (تكون طينت تاني أساسا !) لحد ماتنشف وإلا باخد أحلى تهييس من السنتر والأيدل والتي بي إس وكل الليلة !
يعني أنا من رأيي إن السادة الأعضاء يسيبوا عربياتهم شوية لحد ما تنشف تماما .

[otefa]

هي العربية وقفت علي مكان فيه ماية عالية ولا ايه

[memoo305]

قولت انزل بالعربيه بقالها كتير ممشتش و لكن :

1- صوت المكنه كانها مكنه عربيه نص نقل
2- رجه بالعربيه ساعه الدواره سواء سخنه و لا بارده
3- صوت المارش بقي عالي و غريب
4- علي السلانسيه ال rpm بقي عالي
5- رجه ملحوظه علي السلانسيه
6- عضه في الفتيس علي جميع الغيارات تقريبا
7- المكنه بقت بتسقف كتير
8- دواسه الفرامل بقت بتقاوم الدوسه شويه
9- العربيه مع الفرامل بتزحف
10- تاخير في الدواره

اما حاله العربيه فهي كالتالي :
1- البوجيهات لسه جديده ( لسه شاريها من اسبوعين )
2- فلتر البنزين و الهوا متنضفين برشاش الهوا من اسبوعين
3- السيور لسه بشوكها ( لسه نيو يعني )
4- التيل لسه زيرو ( مغييره من 3000 كيلو بس )

قولولي بقي ايه الحلول العمليه في البلاوي دي

ياباشا ماأعتقدش أن ميه المطر والعربية راكنة ممكن تعمل كل ده إلا لو كانت سيل لاقدر الله . بعني ممكن تلاقي العربية محتاجة تتنظف لو فية حته فيها صداء ممكن تربي بارومة ...إلخ بس مش أكثر.

بس على فكرة جزء كبير من الأعراض إلي أنت بتقول عليها بتيجي من الركنة لفترة كبيرة(صوت الفرامل رجرجة في الماتور في أول الدوارة تلاقي صوت عالي شوية أثناء المشي) ودية بتروح لما تعمل مشوار معقول بالعربية...

[yaserbasha2000]

ايه وجه الاستراتيجيه في بورسعيد ؟

لا يا راجل معندكش حق

دي ناصية بحري شرقي يعني احلا ناصية
قدامك البحر يعني محدش يجرحك خالص

يعني موقع ملوش حل


معلش يا جماعة اصلي بدور علي شقة و هو ده اللي باسمعه اليومين دول

[romeo_6887]

بس على فكرة جزء كبير من الأعراض إلي أنت بتقول عليها بتيجي من الركنة لفترة كبيرة(صوت الفرامل رجرجة في الماتور في أول الدوارة تلاقي صوت عالي شوية أثناء المشي) ودية بتروح لما تعمل مشوار معقول بالعربية...

اعمل مشوار ايه ؟
انا شغال طول يوم
و شغل قرب البيت
عموما ربنا يساهل

[romeo_6887]

هي العربية وقفت علي مكان فيه ماية عالية ولا ايه

الميه كانت واصله لحد ربع الكاوتش كده

[romeo_6887]

في انتظار رد المهندس سمير
و شكرا جزيلا لكل الناس اللي ردت عليا

[romeo_6887]

انا عربيتى سيينا ، وحاسس برضوا بأن صوت الماتور على (بعد 2.5 rpm) وكمان فى رجة فى العربية

حضرتك المفروض تعمل موضوع منفصل في قسم الفيات

[samirayad]

في انتظار رد المهندس سمير
و شكرا جزيلا لكل الناس اللي ردت عليا

تحت أمرك يا أخى

وحدرس الموضوع كويس
وأقولك رأيى
إن شاء الله

[samirayad]

شوف يا أستاذ / أحمد

الصح حاليا

أنك تشوف كهربائى كويس ( فى بورفؤاد مثلا )

فيه واحد فى الحزب أسمه أبو رامى ( بتاع قطع غيار )
عنده واد كهربائى كويس ( مش متذكر أسمه حاليا )

خليه يحل كل الفيش الكهرباء

( رشاشات - بوبينا - حساس الكرنك - حساس الحراره ...وهكذا )

وينظف الفيش كويس من الداخل بمنظف ألكترونيات ويقفلها تانى كويس

وهو حيشوفلك المارش برضه

وأعمل الشوية الشغل دول الأول
وجرب العربيه وبعد كده نكمل لو فيه مشاكل تانيه

وكله بالصبر حيتعمل إن شاء الله

[tompina]

شوف يا أستاذ / أحمد

الصح حاليا

أنك تشوف كهربائى كويس ( فى بورفؤاد مثلا )

فيه واحد فى الحزب أسمه أبو رامى ( بتاع قطع غيار )
عنده واد كهربائى كويس ( مش متذكر أسمه حاليا )

خليه يحل كل الفيش الكهرباء

( رشاشات - بوبينا - حساس الكرنك - حساس الحراره ...وهكذا )

وينظف الفيش كويس من الداخل بمنظف ألكترونيات ويقفلها تانى كويس

وهو حيشوفلك المارش برضه

وأعمل الشوية الشغل دول الأول
وجرب العربيه وبعد كده نكمل لو فيه مشاكل تانيه

وكله بالصبر حيتعمل إن شاء الله

ياباش مهندس معلش سؤال برة الليلة خالص :
أنا بحط زيت موبيل الـ3000 ولما جيت أغير الزيت .. واحد سواق قاللي حط زيت (فيسكو) الـ10000 بـ75 جنيه .. طبعا ماخليتوش يكمل كلامه وقلت له الزيت ده تخليقي وللا معدني ؟
بلم !
قلت له بلاش دي .. ماينفعش أغير من الزيت الـ3000 للـ10000 مرة واحدة .

المشكلة دلوقت إني نسيت إحنا بنعمل إيه عشان نغير من زيت 3000 لـ10000

[samirayad]

واحد سواق قاللي حط زيت (فيسكو) الـ10000 بـ75 جنيه .. طبعا ماخليتوش يكمل كلامه وقلت له الزيت ده تخليقي وللا معدني ؟

مفيش زيت تخليقى ب75 ج ياحمو

المشكلة دلوقت إني نسيت إحنا بنعمل إيه عشان نغير من زيت 3000 لـ10000

طيب أنت عاوز تغير ليه من معدنى لتخليقى

ومكنتك نظامها أيه

عامله كام كيلو وبتاكل زيت ولا لا

وأنت بتعمل كام كيلو بالعربيه فى السنه بصوره تقريبيه

[tompina]

مفيش زيت تخليقى ب75 ج ياحمو

هو قاللي كده وموضحش تخليقي وللا مسبك !

طيب أنت عاوز تغير ليه من معدنى لتخليقى

مش عارف !

ومكنتك نظامها أيه

بنت حلال وغلبانة !

عامله كام كيلو

135 ألف كيلو

وبتاكل زيت ولا لا

لا .. بصراحة هي عينها مليانة !

وأنت بتعمل كام كيلو بالعربيه فى السنه بصوره تقريبيه

لو قاعد في مصر .. يبقى 16000 كيلو في السنة .

الفكرة إني مش أغير أو لا .. الفكرة إن التغيير كان ليه قواعد وأنا نسيتها .

[samirayad]

الفكرة إن التغيير كان ليه قواعد وأنا نسيتها .

ولا قواعد ولا عمدان

كبر دماغك
الموضوع كله تغيير الفلتر والزيت وخلاص
وطالما المكنه صوتها كويس
يبقى ملوش لزمه عمل فلش قبل التحول من نوع لنوع