عاوز اركب انذار و(خايف من التوكيل)....

[sokasoon]

انا عاوز اركب انذار فى العربية بس مش عارف ممكن يلغولى الضمان ولا ايه

وتقريبا التوكيل مش بيركب الانذار

ايه الحل اركبوو بره ولا لا ولو ركبتوو الضمان هيتلغى

[Abonora]

بص يا سيدي انا كلمت المهندس / علي جمعة وده مهندس الاستقبال باحد مراكز خدمة دايو موتورز ورده كان كلاتالي

تركيب الانزار بره التوكيل مبيلغيش الضمان بس ممكن يعملك مشاكل لو متركب وحش او في مكان غير معروف وبالتالي ممكن الكهربائي في مركز الخدمة يتلكك ويطلب انك تشيلة عشان يشتغل بس مبيلغيش الضمان

وهو نصح بتركيب نوع جيد عند واحد من التالي ذكرهم :

ادريان
كلاريون
في شارع دمشق ( السجان )
في شارع دمشق ( اولاد مرسي ) هناك فيه م. ايهاب ممكن تكلمة وتقولة انا من طرف م. علي جمعة اللي في توكيل دايو

[sokasoon]

شكرا ليك يا ابو نورا

وان شاء الله هروحلو قريب جدااا

[Nader]

واحسن نوع فالسوق هو الـWolf وممكن تجيب الفي ريموت مفتاح

[Ahmed Hassan]

احب اضيف معلومه كمان.. انا عندي مشكله اكبر شويه و هيه ان العربيه ليها مفتاح بريموت.. بس مفيش انذار, و علشان كده كان طلبي الصعب شويه اني اركب انذار يشتغل على نفس الريموت بتاع العربيه. امبارح رحت للسجان اللي في شارع دمشق و قاللي ممكن بس ده انذار ايطالي غالي شويه و هايوصل بعد اسبوع ان شاء الله. هبقا اتابع معاه و ابلغكوا النتيجه لمن يهمه الأمر :)

[Abonora]

فعلا انا فاكر مشكلتك يا استاذ احمد في كونتكت وساعتها قولتلك ان ممكن كهربائي حرفوش يركبلك الانزار علي نفس دايرة السنتر ،،،

ياريت تتابعنا لما تحل المشكلة وتقولنا عملت ايه

[sokasoon]

ما انا عاوز اركب الانذار على السنتر علشان السنتر والانذار يبقا شغال بريموت واحد

مش كده افضل

[Nader]

اكيد افضل واريح كمان

[محمود نجيب]

انا ركبت الانذار في التوكيل

[abou_sama]

انا ركبت الانذار والعربيه عامله 100 كم
فى التوفيقيه عند لهيطه
بلا توكيل بلا وجع دماغ
وبروح اعمل صيانه عادى جدا

[gebreel]

يا جماعة انا انهاردة عديت على منصور و سألت على القصة دي المهندس محمد على و بتاع المبيعات في فرع مدينة نصر (رابعة) و كان الرد كالاتي:
التوكيل مش بيركب لا انذار ولا سنتر
و لو ركب برة هيطلع الضفيرة و متعلقات الكهرباء برة الضمان لاكن باقي العربية هتفضل زي ماهية

انا كمان حابب اعرف الاستاذ اللي ركب الانذار في التوكيل ركبه تبع منصور ولا ابو الفتوح و بكام؟!
شكرا

[waleedrahmy]

سيبك من التوكيل واعمل ال انت عاوزه

[محمود نجيب]

يا جماعة انا انهاردة عديت على منصور و سألت على القصة دي المهندس محمد على و بتاع المبيعات في فرع مدينة نصر (رابعة) و كان الرد كالاتي:
التوكيل مش بيركب لا انذار ولا سنتر
و لو ركب برة هيطلع الضفيرة و متعلقات الكهرباء برة الضمان لاكن باقي العربية هتفضل زي ماهية

انا كمان حابب اعرف الاستاذ اللي ركب الانذار في التوكيل ركبه تبع منصور ولا ابو الفتوح و بكام؟!
شكرا

عند منصور الفرع اللي علي طريق مصر اسكندرية الزراعي عند أول قرية دفره العربية بها سنتر لأنها كاملة وأنا ركبت انذار ووحدات رفع بــ130 جنيه

[gebreel]

أ وليد انا معاك بس برده انت عارف التقفيل المصري الممتاااااااااااااااااز اللي عادي جدا ان يكون العربية فيها اي مشكلة من اي نوع بعد ماتستلمها مباشرة من المعرض و انت رايح ترخص
فلما يطلعلة الضفيرة و اي حاجة تانية للكهرباء برة الضمان بسبب تركيبي الحاجات دي برة التوكيل هيتلككلي في اي حاجة و يقولك ان ده بسبب الانذار اللي انت مركبو لاكن بمجرد الضمان ما يخلص كل سنة و انت طيب التوكيل ده مش هدخلو غير علشان الصيانات الدورية اللي زي صيانة ال 60000 و كل سنة و هما و باقي التوكيلات طيبين


أ/ محمد نجيب معلش انا مش عارف المكان بالظيط اللي حضرتك بتقول عليه هل هو على طريق القليوبية زي غبور مثلا في قليوب؟! و هل هو تبع منصور ولا مركز معتمد و خلاص و هل هو تبع منصور ولا دايو؟!

معلش اسئلتي كتير بس ده العشم منكم برده

[محمود نجيب]

أ وليد انا معاك بس برده انت عارف التقفيل المصري الممتاااااااااااااااااز اللي عادي جدا ان يكون العربية فيها اي مشكلة من اي نوع بعد ماتستلمها مباشرة من المعرض و انت رايح ترخص
فلما يطلعلة الضفيرة و اي حاجة تانية للكهرباء برة الضمان بسبب تركيبي الحاجات دي برة التوكيل هيتلككلي في اي حاجة و يقولك ان ده بسبب الانذار اللي انت مركبو لاكن بمجرد الضمان ما يخلص كل سنة و انت طيب التوكيل ده مش هدخلو غير علشان الصيانات الدورية اللي زي صيانة ال 60000 و كل سنة و هما و باقي التوكيلات طيبين


أ/ محمد نجيب معلش انا مش عارف المكان بالظيط اللي حضرتك بتقول عليه هل هو على طريق القليوبية زي غبور مثلا في قليوب؟! و هل هو تبع منصور ولا مركز معتمد و خلاص و هل هو تبع منصور ولا دايو؟!

معلش اسئلتي كتير بس ده العشم منكم برده

توكيل لمنصور لعمل الصيانة لجميع سيارات شيفورلية حتي الدبابة ، وكذلك لحجز السيارات الزيرو

مكانه : و انت قادم من القاهرة لطنطا علي الطريق الزراعي ، قبل مدخل طنطا بـــ 3 كيلو تقريبا علي الجهة اليسار عند مدخل قرية دفرة .