يا جماعة تكلفة تغيير جوان وش السلندر كام نوبيرا اتو 2001

[shesho]

انا رايح بكرة ان شاء الله عند ميكانييكى هيغير جوان وش السلندر وهايبص على السيور هيشوف اللى هيتغير وكمان طلمبة المياة ويشوف الدنيا فيها اية وقالى هياخذ 200 جم كتير ولا لآ وشكرا واسف على الاطالة


____________________

يرجى مراعاة الدقه فى كتابة لفظ الجلاله والمشيئه

مشرف القسم

[samirayad]

وقالى هياخذ 200 جم

طيب هو ليه بيقاطع كده
قبل مايشوف الدنيا فيها أيه

حتحتاج روديه ولا لا
وهل حتغير سير كاتينه
ووووووو
يعنى المفروض ينتظر شويه فى تحديد مصنعيته

لحين معرفة حجم الشغل

[dr_mak]

جوان وش السلندر ب 25 جنية بس المصنعية هتكون عالية علشان هتاخد شغل شوية ....ولو على شغل طلع على الجوان بس مش اكتر من 100جنية

[A.samy]

لو بقالك فترة معملتش صيانة للمحرك يبقى بالمرة تعمل الاتى وبنفس المصنعية اللى قال عليها

1 - طقم جوانات ماتور ( جوان وش السلندر - جوان فرن الشكمان - جوان غطا التكيهات )
4 - سير كاتينة وخلية يبص على الشداد بتاع الكتينة
5 - وياريت تغير بالمرة طقم كاوتش الصباب وتخلية يعملك روديه هيفرق معاك قوى
6 - وطبعا خلية يحدد حالة طلمبة المياة ولو انت مغيرتهاش من فترة غيرها بالمرة عشان تبقى مصنعية واحدة وتريح دماغك
7 - وطبعا طقم بوجيهات ngk جديد وياريت تغير سلك البوجيهات بالمرة
8 - فلتر هواء وفلتر بنزين وفلتر زيت وطبعا اكيد هتغير زيت
9 - ومتنساش تاخد معاك منظف كربراتير عشا ينظف المانفولد والبوابة وتاخد معاك جركن بنزين عشان يغسلك البلوك والاجزاء الداخلية للمحرك ويسلك المجارى الخاصة بمياة التبريد
10 - لو قالك وش السلندر هيروح للخراط ياريت تروح معاة وتشوف الخراط هيعمل اية
معلش هى عالقة بس هتتعب يوم وبعدين هترتاح فترة طويلة ولو محتاج اى مساعدة ابعتلى على الخاص

[shesho]

يا جماعة بجد فعلا ان مش عارف اقولكم اية فعلا ناس محترمة وموفع محترم ان بشكركم كتير -بالنسبة الى رد ا-astsaae - هل اشترى الحاجات دى الاول - واروح بيها ولا احتاجة خلية يعملة ويركبة من عندة هو بالمناسبة فى عمارات رامو خلف الشبراوى سيتى تارز وشكر خاص م-سمير عياد ولكل الاعضاء -

[memoo305]

5
- وياريت تغير بالمرة طقم كاوتش الصباب وتخلية يعملك روديه هيفرق معاك قوى

معلش ياباشا ممكن شرح أكتر للنقطة دية و يعني إيه روديه

[samirayad]

بالنسبة الى رد ا-astsaae - هل اشترى الحاجات دى الاول - واروح بيها ولا احتاجة خلية يعملة ويركبة من عندة

لما يطلع رأس السلندر ويقلبها على وشها
ويشوف وضع تطبيع الصبابات على قواعدها بالرأس
حيقدر يحكم
هل أنت محتاج روديه ولا لا

ولو حتعمل روديه .....حتغير كاوتش الصباب

أما شغل منطقة الكاتينه فده حيتعمل عادى بنفس الوضع المشروح

[samirayad]

معلش ياباشا ممكن شرح أكتر للنقطة دية و يعني إيه روديه

الهدف الرئيسى من الروديه
هو أحكام تطبيع وغلق الصبابات على قواعد الصبابات على أماكنها برأس السلندر
وبالتالى الحفاظ على ناتج الأحتراق كاملا بعد أحتراقه داخل الغرف دون أى تفويت وهروب لبعض نواتج الحريق من مناطق حبك الصبابات على رأس السلندر الى مجمع العادم أو السحب والتأثير أيضا على كفاءة كاوتش الصبابات
وتحويله الى شغل ميكانيكى على عمود الكرنك
والأستفاده من كل الطاقه الحراريه الناتجه من أحتراق خليط الهواء والبنزين
أى رفع كفاءة المكنه

[tompina]

الهدف الرئيسى من الروديه
هو أحكام تطبيع وغلق الصبابات على قواعد الصبابات على أماكنها برأس السلندر
وبالتالى الحفاظ على ناتج الأحتراق كاملا بعد أحتراقه داخل الغرف دون أى تفويت وهروب لبعض نواتج الحريق من مناطق حبك الصبابات على رأس السلندر الى مجمع العادم أو السحب والتأثير أيضا على كفاءة كاوتش الصبابات
وتحويله الى شغل ميكانيكى على عمود الكرنك
والأستفاده من كل الطاقه الحراريه الناتجه من أحتراق خليط الهواء والبنزين
أى رفع كفاءة المكنه

على فكرة يا باش مهندس .. حضرتك بتغريني لما أنزل إن شاء الله أروح أشيك على الصبابات عندي وأعمل روديه وأغير الجوانات .
بس مش عارف الليلة دي تكلف كام ؟
طقم كاوتش + روديه + جوانات + مصنعية

[samirayad]

على فكرة يا باش مهندس .. حضرتك بتغريني لما أنزل إن شاء الله أروح أشيك على الصبابات عندي وأعمل روديه وأغير الجوانات .
بس مش عارف الليلة دي تكلف كام ؟
طقم كاوتش + روديه + جوانات + مصنعية

لا بلاش
أحنا بنلجأ للروديه فى حالات خاصه

1- تلف كاوتش الصباب ( وده بيبان من شكل البوجيه لو كان معرق زيت على طول )

2- أنا حالل رأس السلندر لأى سبب
سير أنقطع فجأه وعوج صبابات - حغير جوان رأس وهكذا

بس طالما أنا مش حعمل شنبر وأمورى ماشيه
أسيبها ماشيه

[samirayad]

عاوز برضه أوضح أنى ممكن أضطر أعمل روديه وأغير صبابات كمان ودلايل
لو أنا عملت أختبار كبس

وتبين أن فيه تفويت كبير من عند الصبابات

وده بيبان مع أختبار كبس المكنه

وكان واضح على المكنه الضعف والهزيان فى سحب العربيه

[tompina]

والله يا باش مهندس أنا عاوز أطمئن على المكنة عشان حسيت إنها (بعد ركنة شهرين) تعبانة شوية وفي صوت بيطلع لما باكبس بنزين جامد (هو ممكن يكون من عصفورة الشكمان اللي أنا مركبها) فرررررررروم !
وبحس إن في منطقة حيادية لما باكبس بنزين بعد كده الحريق بيزيد والسرعة بتعلى ببطء والاستهلاك بيعلى .
فكنت عاوز أروح لميكانيكي نكشف على الليلة ونعمل ما يلزم .

[A.samy]

يا جماعة بجد فعلا ان مش عارف اقولكم اية فعلا ناس محترمة وموفع محترم ان بشكركم كتير -بالنسبة الى رد ا-astsaae - هل اشترى الحاجات دى الاول - واروح بيها ولا احتاجة خلية يعملة ويركبة من عندة هو بالمناسبة فى عمارات رامو خلف الشبراوى سيتى تارز وشكر خاص م-سمير عياد ولكل الاعضاء -

ماتشتريش حاجة الا لما هو يحتجها بالنسبة للاجزاء الداخلية للمحرك زى
طقم جوانات ماتور ( جوان وش السلندر - جوان فرن الشكمان - جوان غطا التكيهات )
طقم كاوتش الصباب وتخلية يعملك روديه الحجات دى الميكانيكى هواللى بيحددها اما البوجيهات والفلاتر وتنظيف البوابة والمانفولد فدة انت ومزاجك
ومتنساش تاخد المياة الخضراء معاك عشان ميحطلكش مياة من الحنفية

[A.samy]

والله يا باش مهندس أنا عاوز أطمئن على المكنة عشان حسيت إنها (بعد ركنة شهرين) تعبانة شوية وفي صوت بيطلع لما باكبس بنزين جامد (هو ممكن يكون من عصفورة الشكمان اللي أنا مركبها) فرررررررروم !
وبحس إن في منطقة حيادية لما باكبس بنزين بعد كده الحريق بيزيد والسرعة بتعلى ببطء والاستهلاك بيعلى .
فكنت عاوز أروح لميكانيكي نكشف على الليلة ونعمل ما يلزم .

المكنة دى عايزة مشوار محترم وتقرص على الغيارات شوية لاكن ان شاء الله مفهاش حاجة

[tompina]

المكنة دى عايزة مشوار محترم وتقرص على الغيارات شوية لاكن ان شاء الله مفهاش حاجة :s_thum1[1]:

ماشي يا باشا .. إن شاء الله لما أنزل (كمان 3 شهور كده ) هافرمها !