نصيحه بخصوص بلي العجل الامامي - لانوس 1

[محمد الشامي]

السلام عليكم ياجماعه

من فتره قريبه جداا بدات اسمع صوت خشونه في البلي الامامي خاصه مع السرعه , وبصراحه قررت اني اغيير البلي الامامي , واغيير البلي الخلفي كمان لو لزم الامر

المهم النهارده نزلت شارع شامبليون في وسط البلد عند موزع اسمه سرور , اظن انه معروف شويه , وسألته على البلي فقالي :-

عنده الكوري الـ GM الاصلي بـ 160 جنيه الاتنين اللي ادام , والاتنين اللي ورا بـ 130 جنيه , وطبعا شوفت البلي وفعلا محفور عليه Korea

وسألت عند موزع تاني فقالي :-
عنده الألماني احسن من الكوري 100 مره (قال : الكوري الاصلي ده مضروووووب) الاتنين اللي ادام بـ 180 جنيه , والاتنين اللي ورا بـ 160 جنيه

بصراحه انا اسمع ان جوده الالماني احسن , وده طبعا اذا كان اصلي

فياريت ياجماعه لو حد عنده نصيحه سواء في النوع او المكان اللي اشتري منه يقولي , لاني بدات احتار بعد ما كنت مستقر على البلي الاصلي الكوري


على فكره انا سألت كمان (عند سرور) على طقم الدبرياج قالي عنده فاليو اصلي بـ 300 جنيه
وطلمبه الميا الكوري الاصلي بـ 90 جنيه , وعنده نوع الماني بـ 110 على ما اتذكر

ايه رأيكم في الاسعار دي ؟ لاني عايز اعمل شويه صيانه للعربيه

[samirayad]

شارع معروف ( فى وسط البلد )

فيه كل بتوع رولمانات البلى

وأختار المتاح كالآتى

1- skf
2- فاج الألمانى ( على فكره توكيل فاج فى معروف برضه )

3- فيه بلى يابانى برضه ومش فاكر أسمه
تقريبا nyb على ما أفتكر

[محمد الشامي]

شارع معروف ( فى وسط البلد )

فيه كل بتوع رولمانات البلى

وأختار المتاح كالآتى

1- skf
2- فاج الألمانى ( على فكره توكيل فاج فى معروف برضه )

3- فيه بلى يابانى برضه ومش فاكر أسمه
تقريبا nyb على ما أفتكر

ازيك يا باشمهندس
انا والله عديت على شارع معروف ده بس قولت اروح لموزع معتمد GM احسن
وكمان شارع شامبليون في كتييييير موزعين SKF وكمان الفاج الالماني ده موجود بـ 180 جنيه الاتنين اللي ادام , وكمان الياباني موجود وهو KYP

بس افهم من كلام حضرتك اني مجبش الكوري الاصلي ده واجيب الـ skf او الفاج الالماني ؟

[samirayad]

بس افهم من كلام حضرتك اني مجبش الكوري الاصلي ده واجيب الـ skf او الفاج الالماني ؟

نعم
بلاش الكورى

لأن وضعه الفنى وكفاءته مش واضحه زى الفاج او ال skf

وكمان الفاج الالماني ده موجود بـ 180 جنيه الاتنين اللي ادام

والتمن ده كويس

دا غير أن الألمان ( أم الميكانيكا على مستوى العالم )

[محمد الشامي]

نعم
بلاش الكورى

لأن وضعه الفنى وكفاءته مش واضحه زى الفاج او ال skf



والتمن ده كويس

دا غير أن الألمان ( أم الميكانيكا على مستوى العالم )

جزاك الله كل خير والله وبجد مشكوووووووور على ردك

[samirayad]

الله يخليك يامحمد بيه

[MMamdouh]

خللى بالك ان مش كل حاجة "كورى" تبقى "اصلى"

اساسا البلى الاصلى بتاع اللانوس صناعة يابانى مش كورى ولا المانى فا متصدقش اى حد يقولك ان دة "الاصلى" لمجرد انة "صنع فى كوريا"

MMamdouh

[محمد الشامي]

خللى بالك ان مش كل حاجة "كورى" تبقى "اصلى"

اساسا البلى الاصلى بتاع اللانوس صناعة يابانى مش كورى ولا المانى فا متصدقش اى حد يقولك ان دة "الاصلى" لمجرد انة "صنع فى كوريا"

MMamdouh

ربنا يخليك يا باشمهندس على كلامك لاني فعلا مكنتش عارف حكايه ان مش عشان الكوري يبقه اصلي دي
بس حضرتك تنصحني بإيه , اجيب الـ kyp الياباني ولا اجيب فاج الماني ولا الـ skf ؟؟
وكمان اجيب منين ؟؟ ياريت بس لو مكان قريب من وسط البلد , بحكم شغلي وسكني
وياريت كمان حضرتك تقولي اخبار الاسعار اللي قولتها دي

معلش هتعبك معايا , بس جزاك الله كل خير

[MMamdouh]

انا جايب البلى الامامى ماركة SKF و تقريبا كان اسبانى... الخلفى كان المانى ماركة Viaco

الطقم الامامى مش فاكر بكام... يمكن 110 او 120 للفردة... الخلفى ب 45 الفردة

انا جايب الحاجات دى من عند ابو الحسن فى شارع المرور - بين السرايات بالجيزه

MMamdouh

[محمد الشامي]

انا جايب البلى الامامى ماركة SKF و تقريبا كان اسبانى... الخلفى كان المانى ماركة Viaco

الطقم الامامى مش فاكر بكام... يمكن 110 او 120 للفردة... الخلفى ب 45 الفردة

انا جايب الحاجات دى من عند ابو الحسن فى شارع المرور - بين السرايات بالجيزه

MMamdouh

كلمه شكر لا تكفي , لكن اشكرك فعلا

[batviser]

و انا كمان مركب ال skf الامامى و زى الفل الحمد لله ...

بس حاسس انه تقيل شويه ... حتى لما ارفع العربيه و احاول ادور العجله بيدى بحس العجله تقيله ... بس مفيش صوت ولا اى حاجه ...

[أبو ياسين]

ممكن اعرف اى هى اعراض تلف البليه
عشان عندى العربيه صوتها بيبدتى يعلى بعد 2000 ار بى ام ؟؟

[MMamdouh]

الاعراض هى صوت هدير عالى مع السرعة... للتاكد ان الصوت من البلية امشى على سرعة و مور و بطل الموتور... لو الصوت موجود يبقى 99% بلى عجل

خللى بالك ان لما تطفى الموتور السيرفو ممكن يفضى لو استعملت الفرامل بشكل متكرر والعربية مبطلة و كمان ممكن لو حودت الدركسيون المسوجر يقفل على الدركسيون و متعرفش تحود فا خلليك حذر جدا و انت بتعمل الاختبار دة

MMamdouh

[mahmoudysf]

الاعراض هى صوت هدير عالى مع السرعة... للتاكد ان الصوت من البلية امشى على سرعة و مور و بطل الموتور... لو الصوت موجود يبقى 99% بلى عجل

خللى بالك ان لما تطفى الموتور السيرفو ممكن يفضى لو استعملت الفرامل بشكل متكرر والعربية مبطلة و كمان ممكن لو حودت الدركسيون المسوجر يقفل على الدركسيون و متعرفش تحود فا خلليك حذر جدا و انت بتعمل الاختبار دة

mmamdouh

لو بطل بس بدون ما يدي المفتاح اخر لفه الدركسيون مش هيسوجر

[محمد الشامي]

ياجماعه ان الحمد لله جبت البلي الامامي الـ skf الاسباني (اصلي) و الواحده عامله 110 جنيه والنهارده ركبته (وطبعا على مكبس) والحمد لله العربيه ماشيه زي الفل على الاخر , نعومه كنت مفتقدها من فتره فعلا

اما بالنسبه للبلي اللي كان راكب فـ كان ضااااااااايع , خلو بالكم ياجماعه ان السوق غرقان بنوع إيطالي كده مش فاكر اسمه ! بس هو الواحده بـ 45 جنيه وفي علبه صفرا ومكتوب عليها حروف بالازرق ,, النوع ده انا عرفت انه صيني و مضروووووب كمان وكانت شحنه جايه مصر ومغرقه السوق بقالها بتاع سنتين , اللي يلاقي بلي بالمواصفات دي بلاش يجيبه لانه مش هيكمل 6 شهور وبالكتير اوي سنه وبعدها هتحس انك راكب جرار زراعي مش عربيه , واللي محدش يعرفه بقه ان النوع ده اللي كان راكب عندي

حبيت بس اقولكم على اخر الاخبار , عشان الموضوع يكون متكامل

ملحوظه :-
انا جبت البلي ده من شركه اسمها (العنتيبي) متخصصه في البلي وبس في شارع رمسيس قريب اوي من جريده الجمهوريه , والسعر 110 جنيه زي ما قولت للبليه الواحده الاسباني , حبيت اضيف المعلومه دي يمكن تفيد حد