على رقبتى اغسل المكنة تانى

[zocor742]

والله ياجماعة انا تعبت كل ما بغسل المكنة لازم تجيب حساس الكارتة تضرب
النهارد كنت بغير زيت ورفعت العربية غسلتها وبالمرة غسلت المكنة المكنة
بعد ما نزلت ودوردت لقتها طبيعية جدا يادوب رجعتها ورا عشان تتغسل برة وجوة
لقيت الار بى ام بقى على 2 طبعا اتصدمت بطلت ودورت كذا مرة زى ما هى سيبتها دايرة مفيش فايدة بكلم العامل قالى مشوار وهترجع تانى .
بعد ما العربية خلصت قولت اروح للميكانيكى احسن عقبال ما روحت بقى السلانسية على 2.5 كمان

قولتلة على اللى حصل قالى هو غسل بمياة بعد الجاز قولتلة اة صابون ومياة قام فاكك الايدل منظفة وركبة العربية عليت اكتر جاب واحد تانى جربة مفيش فايدة قام فاكك ال tps وجاب واحد تانى وركبة العربية اتظبتت عمل ايدل ليرن ورجعت العربية زى ما هى .واخد 100ج على الحساس و20 مصنعية بس بجد داخ لحد ما ظبتها.
بالزمة دة يرضى ربنا عشان اغسل العربية اغير حساس على العموم الحمد لله على كل شىء. مع انى منبة على العامل خلى بالك الحساسات قالى هو انا اول مرة اغسل عربية ولا اية قولت خلاص بقى دة خبرة
بس ليا استفسار على الزيت
انا غيرت الفلتر جى ام وزيت شيل الاصفر
العامل حط ال4كيلو كلهم مش المفروض 3.5 ك بالفلتر و3كيلو من غيرة ولا كدة مظبوط
هو المقاس فوق الماكس بشوية

[nasroo]

انا غيرت البوجيهات وسلوكها وفلتر بنزين بعد ما غسلت الانوس ومن ساعتها الميكانيكي هو اللي بيغسل لما بكون بعمل عنده حاجة

[dr.hany]

وهو ده المفروض لان الميكانيكى فاهم كويس الحاجات اللى ياخد باله منه

ومن ساعتها الميكانيكي هو اللي بيغسل لما بكون بعمل عنده حاجة

اما بخصوص الزيت فاعتقد زى ما الاخوه سبق وقالوا انها بالفلتر بتاخد 3.75 لتر

[محمد الشامي]

قدر الله وما شاء فعل ,,, الواحد مش بيتعلم ببلاش , ولازم تستفيد من تجاربك

بس خلي بالك بعد كده

[zocor742]

متشكر ياجماعة على الردود
وفعلا بعد كدة لو اتضريت اغسل حوض المتور هخلى الميكانيكى هو اللى يتعامل وعلى ضمنتة زى ما قالى النهاردة

بس اللى مجننى الدنيا كلها بشوفها بتغسل المكن عادى من غير مشاكل
انا بقى منين ما بغسلة لازم اغير حاجة .
فعلا الواحد مبيتعلمش ببلاش والحمد لله على كل شىء

[romeo_6887]

اللانوس بتاخد 4 لتر بالفلتر
3.5 للمكنه و نص للفلتر

[abo_lamar]

بلاش غسيل الموتور بالجاز لأن ده في مجازفة كبيرة وانت وحظك بقى ,, أحسن حاجة انفخه بهواء الكمبروسور .

[alexcdx]

متشكر ياجماعة على الردود
وفعلا بعد كدة لو اتضريت اغسل حوض المتور هخلى الميكانيكى هو اللى يتعامل وعلى ضمنتة زى ما قالى النهاردة

بس اللى مجننى الدنيا كلها بشوفها بتغسل المكن عادى من غير مشاكل
انا بقى منين ما بغسلة لازم اغير حاجة .
فعلا الواحد مبيتعلمش ببلاش والحمد لله على كل شىء

لما تيجى تغسل بعد كده سواء فى محطه أوعند ميكانيكى لازم تغطى البوابه و الكويل بكيس بلاستيك قبل المايه..
و من رأى تراجع بنفسك على كابل الفيشه بتا tps حساس البوابه أكيد فيه حاجه متعريه أو شريط لحام ...
علشان ما تتكررش تانى أن شاء الله
والناس اللى الكارت الكونترول بتاعهم تحت الكرسى يخلى بالهم من الغسيل الداخلى .

[shankosi]

معنى الكلام ان حساس tps كان واصله شوية مياه من الغسيل.

كان المفروض ينفخه بالهواء من الكمبريسور ويشتغل تاني عادي

الحساس ده مفيهوش حاجة معجزة ده مجرد مقاومة متغيره بتتغير مع فتحة بوابة الهواء ولا يتلف بسهوله لمجرد انه وصله شويه مية

ارجو انك تكون احتفظت بالقديم لانه سليم...

[MMamdouh]

اللانوس بتاخد 4 لتر بالفلتر
3.5 للمكنه و نص للفلتر

اللانوس و النوبيرا بياخدو 3.75 لتر بالفلتر

MMamdouh

[zocor742]

السلام عليكم

بلاش غسيل الموتور بالجاز لأن ده في مجازفة كبيرة وانت وحظك بقى ,, أحسن حاجة انفخه بهواء الكمبروسور .

والله انا كنت متضر اغسلها عشان كان عندى ترشيح زيت من عند الكارتيرة والميكانيكى مكنش موجود فا الصبى هو اللى اتعاملو لقى الكارتيرة مهوية فقرض عاليها وقالى يبقى اغسلها من تحت عشان نتأكد ان كان لسة فية ترشيح ولا كدة خلاص فا انا بغير الزيت قولت هو دة وقتها وانا فاضى بالمرة فهو دة السبب . بس اعتقد ان الترشيح خلاص اختفى انا متابع الموضوع.بس تفتكر الهوا المضغوط لوحدة كافى ولا اية انا شكلى هرجع للفوم تانى هيا نتيجة نص نص بس عمرة ما بوظ حاجة.

لما تيجى تغسل بعد كده سواء فى محطه أوعند ميكانيكى لازم تغطى البوابه و الكويل بكيس بلاستيك قبل المايه..
و من رأى تراجع بنفسك على كابل الفيشه بتا tps حساس البوابه أكيد فيه حاجه متعريه أو شريط لحام ...
علشان ما تتكررش تانى أن شاء الله
والناس اللى الكارت الكونترول بتاعهم تحت الكرسى يخلى بالهم من الغسيل الداخلى .

احنا عملنا كدة بالظبت وحتى راجعنا على جميع الحساسات لقيناها كلها تمام حتى اللى كان عاليها شريط لحام اتفك واتعمل من جديد زيادة تأكيد يعنى . بس بالنسبة لل tps سلك الفيشة كان سليم ومش عالية اى شريط لحام .

معنى الكلام ان حساس tps كان واصله شوية مياه من الغسيل.

كان المفروض ينفخه بالهواء من الكمبريسور ويشتغل تاني عادي

الحساس ده مفيهوش حاجة معجزة ده مجرد مقاومة متغيره بتتغير مع فتحة بوابة الهواء ولا يتلف بسهوله لمجرد انه وصله شويه مية

ارجو انك تكون احتفظت بالقديم لانه سليم...

هو فعلا القديم معايا الميكانيكى قالى خلية معاك تعيش وتفتكر بس والله الحق يتقال الراجل مركبش الحساس التانى غير لما حاول معاة 100 مرة بالوا وسابة شوية فى الشمس ويركب يلاقية بيعلى المكنة اكتر يفكة وينفخة بالهوا لحد ما اتأكد انة مفيش منة رجا ( هو اللى عاجبنى فى الراجل دة انة امين فى شغلة وبيخاف على زباينة ) عشان كدة اى حاجة بتحصل بجرى عالية .

اللانوس و النوبيرا بياخدو 3.75 لتر بالفلتر

mmamdouh

استاذ ممدوح
هو المقياس عندى فوق الماكس بحوالى نص سنتى او اقل شوية فا اية رأيك اسيبة ولا انزلهم احسن
هو كان عندى ترشيح من عند الكارتيرة فا انا بقول اسيبهم كام يوم عشان لو لسة الترشيح موجود الزيادة تنزل الترشيح اختفى يبقى انزلهم .
ولا اية رأى حضرتك

انا مش عارف اقولكم اية بجد انا شاكر وقفتكم جنبى جميعا ويارب ميوقع حد منكم فى ضيقة ابدا

[MMamdouh]

نزل الزيادة افضل طبعا... و عالج سبب الترشيح

MMamdouh