ارجو مساعدتكم فى قدرى

[toty5681]

انا يا جماعه حصلت ليه حادثه ربنا ما يكتبها لحد عربيتى لانوس 2 موديل 2008 عامله 700 ك تانى يوم العيد كان الجو شتاء غزير
غصب عنى خرجت بعربيتى عشان اوزع اللحمه ماشى فى طريق سريع فى مرغم بالاسكندريه وكنت ماشى بسرعه بطيئه نتيجه الجو واخد جنب يمين
ومشغل الانتظار كانت ماشيه قدامى عربيه برده مهديه ومشغله الانتظار فجاه العربيه الى قدامى هدت وانا هديت وراها الاقى صدمه من ورا
حسيت كانى بحلم استوعبت الى حصلى وخرجت بره العربيه الاقى الشنطه الجنب المين بالرفرف رايحين والازاز بتاع البرابيز اتكسروالى خبطنى من ورا ميكروباص من النوع مازدا
التقيل ربنا ما يكتبها لحد ابدا استشهدت انى خرجت منها سليم الحاجه الى مهونه عليه الموضوع ان عيالى كانوا نازلين معايا وهما لابسين قولتلهم اقعدوا
عشان الجو وحش وده قدر بتاع ربنا وانا مسلم امرى لله والسواق البجح يقولى انا مفيش فى بيتى الا ربع جنيه عملت معاينه واتصلت بالنجده الى مجتش الا بعد ساعتين من الحادثه بالتحايل وعملت محضر تصوروا امين الشرطه بيقولى انا الواجب الى انا حعملهوللك انى حخليك تروح بعربيتك
وعلى قد الواجب ده قدره عاوز رشوه يعنى شوفتوا وصل بينا الحال لاقيه لا حول ولا قوه الا بالله والا اقطع المحضر....موت وخراب ديار ادى بلدنا
على فكره العربيه مكنتش مامن عليها انا دايخ السبع دوخات حاليا على شنطه للعربيه تكون استعمال الموضوع ده حيتكلف تقريبها 5 الاف جنيه
ومقدرش اعمله فى التوكيل لحسن لو رحت التوكيل مش اقل من 20 الف جنيه
الحاجه الى مصبرانى هما عيالى مجوش معايا وده ستر من ربنا انا عاوز حد يدلنى انا عاوز انزل القاهره اشوفها ممكن حد يدلنى وحكتب رقم موبيلى
يا ريت الى يلاقى الشنطه دى عند حد يتصل بيه وجزاه الله خيرا 0125634045

[أبو ياسين]

الحمد لله انك سليم
ان شاء الله هسال لحضرتك

[KarimAbulEla]

اخى العزيز ربنا معاك و ما اكثر الحوادت التى سببها لنا سواقين الميكروباصات الذين لا يبالوا
لا بارواح و لا بمتتلكات الاخرين و الحمدالله رب العالمين انك لم تصاب باى اذى و افضل شىء انك
كنت ملتزم باداب الطريق و ما يعزيك فى الحادث انك كنت تقوم خارج لعمل الخير ، فتحياتى لك و تقبل الله منك واجب الاضحية ... عذرا على الاطالة و بخصوص موضوع شنطة السيارة
ممكن ان تقوم بزيارة منطقة فيصل و بالتحديد ش العشرين المتفرع من ش فيصل فى محافظة الجيزة
يوجد هناك ش اسمه ش الملكة يوجد به العديد من تجار السيارات المقطعة و المجزئة و نسبة كبيرة منها تخص الدايو و يوجد تقريبا 10 محلات أو اكثر منتشرة بالشارع الرئيسى و الشوارع الجانبية

ارجو ان تجد ضالتك هناك خصوصا انك ممكن تعدى على هذه المنطقة اثناء قدومك من الاسكندرية فى طريقك يعنى تخش من ميدان الرماية على منطقة ش فيصل مباشرة و تقوم باستكمال الطريق الى ان تصل الى ش العشرين الذى سوف يكون يسار الطريق فى حالة القادم من ميدان الرماية و تقوم بسؤال المارة هناك عن ش الملكة او عن تجار قطع غيار السيارات و لا تتسرع فى الشراء قبل ان تقوم بالمرور على مجموعة من المحلات ..

تحياتى لك

[mohsen]

قدر الله وما شاء فعل
حضرتك الموضوع بسيط وسهل للغاية وتكلفته مش هتوصل ربع ال 5000 جنيه
انت لو نزلت القاهرة ورحت حرفيين السلام هتلاقى كل الى انت عايزه من قطع غيار استيراد او صنايعية ممتازين
ولو امكن تيجى بالعربية هترجع بيها احسن من الزيرو

الحاج يوسف : راجل محترم ومتوفر عنده حاجة اللانوس بس برده تفاصل معاه
0126259725

[Sherif Khalifa]

الحمد للة انها جت على كدة انا كنت ماشى فى مدخل الاسكندرية فى نفس اليوم و فعلا الامطار كانت كثيفة جدا جدا و كنت شايف حوادث كتير بردة ميكروباصات

و فعلا حاجة تغيظ موقف امين الشرطة بس حضرتك مكنتش تسيبة
انا دلؤتى على الرغم انى اعتبر شخصية هادئة اى سواق بيهبل على الطريق بنزل اضربة من كتر غيظى
و اخرها اول امبارح مسكت سواق كان هيموتنى فعلا و نزلت فية ضرب من غيظى لدرجة ان ادى و جعتنى

قدر اللة و ماشاء فعل

[MMamdouh]

انا دلؤتى على الرغم انى اعتبر شخصية هادئة اى سواق بيهبل على الطريق بنزل اضربة من كتر غيظى
و اخرها اول امبارح مسكت سواق كان هيموتنى فعلا و نزلت فية ضرب من غيظى لدرجة ان ادى و جعتنى

دا تصرف غير مقبول بالمرة يا استاذ شريف...





المرة الجاية ابقى كلمنى اجى اضرب معاك مش تضرب لوحدك :D

MMamdouh

[wildwest100]

الف حمد الله على السلامة وقدر الله وماشاء فعل
ودا فا ظافر عيل من عيلاك والحمد لله انها جت على اد كدا

[mummy_47]

الف الف حمدالله على السلامه....ومتزعلش على انك ممكنتش مأمن على العربية...انا ليه واحد زميلي في الشغل..لكن هو من الاسكندرية شاري شيفرولية افيو مبقلهاش 3 شهور مش محصلة 3000 كم..وعربية نقل خبطتت فيه من الخلف على طريق مصر اسكندرية.. الشنطة والاكصدام الخلفي اتبهدلو ..الحمدالله جات سليمة والعربية كانت في التامين..وداها التوكيل..اتكلفت 15 الف بعد 3 شهور اصلاح.. دفعهم من جيبه وبعدين يصطفى مع شركة التامين وبعد ما استلمها بيومين وفي العيد اللي فات ..زي حضرتك..تقريبا اول يوم..لقى عمود الكامة اتكسر..الراجل اتجنن خالص..وداها تاني التوكيل..قالوالو ده عيب صناعة ومكنوش مصدقين ان عمود الكامة يتكسر في عربية زيرو...
قصدي اقول لحضرتك...ان كل شئ نصيب يعني لو سلمت من الحوادث هتلاقي عيوب الصناعة حواليك..(حد يصدق عمود كامة يتكسر لوحدة كده..حاجة تغيظ فعلا)مش عارف الواحد يعمل ايه او يروح فين..

[ahmedsrs]

فعلا سواقين الكروباص دول همج انا شوفت واحد ماشى فى الشبورة على سرعة مش اقل من 110 معتمد على الفتاكة والفهلوة انا لو منك كنت جبت الكريك وكملتلة على بقيت الميكروباص

[Ashraf A.Kader]

طب ده سواق ميكروباص0انا اول امبارح وماشي في امان الله ومعايا المدام واستاذ فاضل صاحبي والمدام بتاعته وفي وسط الشارع في تقاطع وعربيتين قدامي واقفين وانا كمان واقف وفجأة صوت فرامل وطططططططخ نزلت لقيت شاب اقل مايقال عليه (تافه) بيدلع بالعربية بتاعته او بالاصح اللي جايبهاله والده وماشي اخر سرعة في شوارع مزدحمة وراح مكسر الاكصدام الخلفي لعربيتي0انا والله كنت نازل ناوي خير بس طريقة الولد في الكلام معجبتنيش رحت متصل بالنجدة(اللي مجتش خالص) ثم حضر بعض من اصحابه اللي فضلوا يتحايلوا شوية ومن كتر مازهقت اتصلت بالتوكيل اللي اكدلي ان الموضوع مش محتاج محضر وسوف يتم الاصلاح عن طريق التأمين0ساعتها بس اكتفين بالساعة اللي زنبته فيها لدرجة انه كان حيبكي في الاخر0وكمان هو عربيته اتبهدلت من قدام خالص وباين انه مش مأمن عليها

[badblood]

الحمد لله ان ربنا سلم
المهم الحاجات اللي عايز تجبها في كتير في الحرفيين وكويسين جدا
والف حمد لله ع السلامة

[ahmedezzat78]

قدر الله و ما شاء فعل

الحمد لله انت و اولادك بخير وانت كنت بتعمل خير

انصحك بالحرفين

اعرف مركز سمكرة ودوكو المعارض بتصلح عندو العربيات اللى اتخبطت اثناء النقل و الجمارك و بيبيعوها على الزيرو لا يمكن تعرفها

هوا مكانو صعب قوى اوصفو بس هوه اسمو الحاج محمود و رقمه 0100555305

[dr_3eshoo]

قدر الله و ما شاء فعل
زي ما الاستاز احمد قال احسن مكان هو الحرفيين
ربنا يعوض عليك خير ان شاء الله

[Tamer-Ezzat]

أولا حمدا لله على سلامتك ... وقدر الله وما شاء فعل ...
أنا ملاحظ ان سيادتك لحد دلوقتى مسألتش فى التوكيل ومكتفى بسابق خبرة أنه غالى طيب متسأل وتشوف يمكن يطلع المبلغ بسيط ...

[toty5681]

نزلت اول امبارح الحرفين وغربلتها ملقتش خالص الشنطه الانوس لعربيتى كان فى واحده مستعمله
وكمان فيها شغل حيتعمل لقيتها 1400 ج ومتمسك اوى فى السعر ده وبعد كده روحت التوفيقيه كانى بدور على ابره فى كوم قش ورجعت اسكندريه والحمد لله بشويه اكسسورات ربنا عثرنى بواحد فى اسكندريه بعتنى لمنطقه اسمها مرغم فى اسكندريه واشتريتها جديده ب 850 ج والفانوس الخلفى 90ج
وربنا يسهل بالباقى رغم ان انا كنت بدور على شنطه استعمال بس للاسف مفيش وجزاكم الله خيرا على ردودكم والله الموفق