سبب : رائحة شياط مثل المكواه أثناء الركن ؟

[bshndi]

السلام عليكم يا أعضاء أحلي منتدي يارب تكونوا بخير جميعأً جميعاً خبراء وأعضاء جدد
بعد التحية
أود الإستفسار عن شيء ظهر في السيارة الأيام الماضية فقط (بالأخص في الجو البرد إلي مصر شافته) بعد مشوار سفر الإسماعيلية والرجوع في درجة حرارة منخفضو وحرارة السيارة طبيعية جداً المؤشر قبل المنتصف شميت رائحة شياط تشابه رائحة المكواه في مرحلة التسخين ومش عارف ده من إيه نزلت وفتحت الموتور قلت ممكن حاجة تكون لازقه علي أي جزء معدني وهي إلي مسببه الرائحة ما لقيتش حاجة .
رحت بعد كده مشوار في التجمع ورجعت لقيت نفس الريحة وأنا بركن مش عارف دي ممكن تكون سببها إيه ؟
أرجو الإفادة يا سادة ؟
(ملحوظة : السيارة شيفورلية لانوس 2010 )

[batviser]

بص على كل مواسير و علب الشكمان ... ممكن تلاقى كيس بلاستيك لازق فيه او حاجه ... بتحصل كتير ..

[bshndi]

شاكر ليك يا باشا علي الرد ، والإهتمام ، أنا نزلت تحت العربية وبصيت عليها وما فيش حاجة لازقه ، فهل يعتقد أي من السادة الزملاء والخبراء بوجود عيب مثلاً في تيل الفرامل (قافش)أوما شابه ، وإذا كان فهل هناك إختبار معين حتي يتبين صحة هذا التخمين من عدمه .
مرة آخري شاكر علي الرد

[KoDaK_Gti]

بعد مشوار طويل حط ايدك على الجنوط وشوفها

[samirayad]

شيل موكيت الشنطه وبص على الماده الشمعيه اللى تحته على صاج الشنطه من الداخل

أحتمال تلاقى الماده الشمعيه دى
فيه أجزاء منها طالها حراره من أثر علبة الشكمان وعملت ريحه شبيهه بالشياط

وبرضه حاول تتغلغل تحت موكيت الصالون ( بجوار ومن حول عصاية الفتيس )

أحتمال تكون فيه ماده شمعيه ( زى اللى فى الشنطه ) وطالتها حراره من أثر علبة النص أو البيئه
وحرقت أجزاء من هذه الماده الشمعيه

[bshndi]

-للأسف كسيت أرضية العربية من جوه جلد ، بالنسبة لموضوع الشنطة هاشوفه لما أروح .
- مش عارف ليه برضه برجح إختبار حرارة الجنط ويارب يخيب ظني وما تكونش حاجة في الفرامل علشان لو كده هاركنها لحد ميعاد الصيانة وإلا التيل يتاكل وبالبالتي ترتفع التكلفة لتغييير التيل :)
تحياتي وإحتراماتي

[samirayad]

شميت رائحة شياط تشابه رائحة المكواه في مرحلة التسخين ومش عارف ده من إيه

ركز بأه على موضوع الزيت اللى بينقص عندك ده

ممكن يكون ليه دخل بريحة الشياط برضه

مكان معين بيهرب زيت
والزيت بينزل على جزء ساخن ويعمل ريحة زيت محروق

وده يبان أكتر لو زيت بيسيل من المكنه من جوان التاكيهات وبينزل على صاجة فرن الشكمان وهى سخنه وبيتحرق من أثر السخونه


طبقا لما ورد من مفهوم فى هذا الموضوع

http://www.nilemotors.net/Nile/135220-10-000-a.html

[zocor742]

انا عندى الجنط اللى قدام بيسخن بس الفرامل مش قافشة
ياترى دة عادى ولا كدة فية مشكلة ؟

[samirayad]

لو الأثنين اللى قدام زى بعض

وحرارتهم ملحوظ أنها عاليه عن اللى اللى وراء

يبقى ده طبيعى

أما لو فيه فرق بين الأثنين اللى قدام فى الحس الحرارى ....يبقى فيه عيب

سواء بلى أو فرامل

[bolbol2005]

المياه بتنقص معاك

[bshndi]

كالعادة ، يفحمنا رجال المنتدي بالأدب البالغ والله
المهندس سمير متابع العربية من موضوع تاني والله أنا لو مكانه مش بركز كتبت إيه فبل كده :)
الإخوة الزملاء برضه كله بيدلي بدلوه .
بالنسبه لإحتماليه الموكيت ، تم فحصها وكذلك الشنطة = سلبي
بالنسبة لحرارة الجنط = إيجابي
"-الأمامي ساخنة بشكل لم أعهده من قبل
-موضوع نقصان الزيت محتاج ضوء نهار قوي وأنا ما بشوفش العربية غير الساعة 8 بالليل :) أو 5.30 الصبح علشان أفحص الموتور من جوه بالإضافة إني لابد أن أغسل الحوض كله علشان نفحص هل هناك تسرب أم لا لأن في آثار زيت وتراب في عده أماكن كده هاشوف النظام فيها إيه وده إن شاء الله يبقي يوم السبت في التوكيل
- بالنسبة لموضوع المياه راجعته ومستوي المياه ثابت وكويس
- بالنسبة للتفرقة بين حرارتي الجنطين الأماميين فلم أللاحظ ذلك بالشكل المذكور
النتيجة النهائية إني قمت بالإتصال بأبوغالي وقلت لهم علي الموضوع قاموا بتحويلي لأحد المهندسين الذي قال لي إنه حجز لي ميعاد النهارده إلي طبعاً مش هاروحه وقولت له خليها مع الصيانه الي جايه ولحد اليمعاد ده نسيب العربية مركونه أه نريحها شويه