الكرسي مش مريحني

[Walidghali]

السلام عليكم يا شباب
عربيتي دايو 2008 لانوس بشتكي من كرسي القيادة حاسس انه مش مريحني في القعدة وبيتعب ظهري ورجلي في الغيارات سواء مفرود على الآخر أو في وضعه الطبيعي او أي وضعية هل ممكن يتعالج ولا لازم يتغير
ملحوظة: من اول ما اشتريت السيارة وانا حاسس ان الكرسي حادف شمال شوية

شكرا

[shankosi]

اعتقد إن الكرسي له رجلاش وممكن تظبط وضعيته. أي سروجي ممكن يعدل الكرسي زي ما انت يريحك.

ولو حضرتك أصلاً ضهرك تعبان مش حتستريح في أي وضع، فهل عند حالة صحية معينة بتتعبك من الجلوس بشكل عام؟

[msobhy]

كراسى اللانوس للأسف ممله وخصوصا انها واطيه وعليه مش مريحة
حضرتك انا وانا مسافر شبه بنزل من العربية مشلول ومشكلتى ان طولى 187 سم

[bshndi]

اعتقد إن الكرسي له رجلاش وممكن تظبط وضعيته. أي سروجي ممكن يعدل الكرسي زي ما انت يريحك.

ولو حضرتك أصلاً ضهرك تعبان مش حتستريح في أي وضع، فهل عند حالة صحية معينة بتتعبك من الجلوس بشكل عام؟

كلام مضبوط الحل سروجي محترم يضبط لك الكرسي ويعلليه وكمان يضع أسفنج أسفل الفرش في آخر الظهر

[jojowork1]

اعتقد لو فعلا حضرتك مش بتعاني من تعب اصلا يبقي المشكله في الكرسي عندك انا بصراحه اريح كرسي قعد عليه كان الدايو مقارنه بالعربيات العاديه طبعا شهاين والفيت بانوعها والفيرنا والاوبل بصراحه انا برتاح جدا علي كرسي الدايو وخاصه في السفر الطويل
عمتا قارن بكرسي عربيه تاني عشان تتاكد وتعرف ايه المشكله عندك وتظبطه عند اي سروجي

[dr.hany]

انا ركبت سكودا قبل الانوس وبصراحه كرسي السكودا كان اريح بكتييييييير. وتحس كده ان الكرسي بيحتويك اول ما بتقعد عليه

[mahmoudysf]

للاسف كرسي اللانوس غير مريح بس بعد فترة اتعودت عليه

[abo_lamar]

للاسف كرسي اللانوس غير مريح بس بعد فترة اتعودت عليه

+1

[m_arazik]

كرسى الانوس غير مريح

[tompina]

أنا أكثر الأعضاء معاناة من كراسي اللانوس لأن بالإضافة لعدم الراحة أثناء الجلوس عليه لفترات طويلة .. ماكيناة الضهر بايظة .. يعني كملت من مجاميعه ومش لاقي حل .

[Walidghali]

شكرا جزيلا للرد يا جماعة وعلى العموم يبقى مش انا لوحدي اللي بشتكي بغض النظر عن ظهري انا اللي تعبان شوية
الحل اني فعلا اروح لسروجي يظبطه وهبلغكم بالنتيجة ان شاء الله بس لو حد يعرف مكان كويس اقصده يبقى خير وبركة
وعلى العموم انا جربت كرسي اللانسر ولقيته اريح واغوط شوية وما بيوجعش الرجلين في الغيارات
تحياتي للجميع وفي انتظار ترشيحاتكم
وليد

[esam_refaat]

بالنسبة لوجع الرجلين جرب انك توطى حافة الكرسى عن طريق البكرة اللى تحت ايدك الشمال ، فى جنب الكرسى هتلاقى بكرتين هى واحدة منهم

[mahmoudysf]

بالنسبة لوجع الرجلين جرب انك توطى حافة الكرسى عن طريق البكرة اللى تحت ايدك الشمال ، فى جنب الكرسى هتلاقى بكرتين هى واحدة منهم

اللانوس مفيهاش الاوبشن ده

[dr.hany]

تماااااااااااااام

اللانوس مفيهاش الاوبشن ده

[Badrawy]

انا عندي فى النوبيرا حوار البكر الى بيعلي ويوطي الكرسي بس المشكله انه انا حاطط العربيه فى جراش وكل الى شغالين فيه قصيرين كل ما اظبط الكرسي على وضع يريحني بعد محاولات كتير ارجع تاني الاقيهم غيرو نظامه ومعرفش ارجعه زي ما كان بيريحني ..... حاجه تيت