علامات التنبيه الخاطئة

[KarimAbulEla]

عندى مشكلة غريبة و هى ان علامة تنبيه فرامل اليد تظهر فى التابلوه الامامى بشكل مستمر معى اثناء السير مع ان الفرامل غير مشدودة و احيانا تختفى و احيانا تستمر فترات طويلة ، و احيانا تظهر و تختفى بشكل متلاحق .

هل واجهتم مشكلة مماثلة ؟ هل هناك اقتراحات عن كيفية حلها .

شكرا جزيلا

[limo]

اكشف على زيت الباكم

[mido777]

افتح الغطاء بتاع زيت الفرامل واقفله تانى....... حصلت معايا قبل كده فى اللانسر

[KarimAbulEla]

انا فعلا زيت الفرامل مرة لقيتة القربة بتاعته مفيهاش و لا نقطة رحت حاطط زيت تانى
- بس من ساعتها براجع عليه بشكل دورى - بس المستوى تمام لا ينقص حاليا .
سوف اقوم بتفح العلبة و غلقها مرة اخرى - شكرا جزيلا على النصيحة

[أبو ياسين]

راجع الكابل الكهرباء بتاع فرامل اليد هتلقيه معلق او ملامس شوف الجاك بتاعه

[محمد المصرى]

لمبة الفرامل ده ليها وظيفتين

الاولى ان فرامل اليد مشدودة
الثانية : زيت الباكم قليل
ولازم تاخد بالك ان لما زيت الباكم يقل كده ان احتمال ان تيل الفرامل خلص
او تشفوم فيه تسريب فى زيت الباكم

[ahmedezzat78]

و ممكن و كل ده سليم يبقى السويتش اللى تحت فرامل اليد

على فاكرة سوكيت الكابل هتلاقيه تحت كرسى السواق

[KarimAbulEla]

معلومات مفيدة بحق - كما ان هناك معلومات لم اكن على دراية بها من قبل
انا اليوم واضح انه عندى قائمة بالاشياء التى سوف ابدء بفحصها بناء على اقتراحتكم المبجلة .

تحياتى لكم جميعا

[KarimAbulEla]

لقد اكشتفت ان زيت الفرامل فعلا تسرب بالكامل - اذا تيل الفرامل انتهى عمرها الافتراضى مظبوط ؟
يا ترى مصنعية تركيب تيل فرامل امامية جديدة يبقى فى حدود كام بجانب هل هناك انواع معينة من الفرامل يحرص الشخص على الحصول عليها او تفاديها - اشكركم على التوضيح السابق الذى ساعد التحليل السريع و السليم للمشكلة

[Dr Ahmed]

تسرب الزيت لا يعنى تلف التيل
ومش كل السيارات تضئ لمبتها عند تلف تيل الفرامل
برجاء استكمال الزيت وعرض السيارة على متخصص وعدم فتح موضوع التيل معه إلا بعد أن يقول لك رأيه

[KarimAbulEla]

شكرا يا احمد - فعلا المسألة كانت تحتاج الى متخصص نظرا لما حدث بعد ذلك ،
ماسورة زيت الفرامل تلفت لسبب او لاخر و تسبب بتسريب كل الزيت اللى قمت بملئه امس و الحمدالله ان ربنا ستر لانى مرة واحدة لقيت الفرامل على الدواسة و العربية مش عايزة تقف

و لما قمت بتعبئة الزيت الباكم داخل القربة الخاصة به لقيت تسريب على الارض من الناحية اليمين

و لما رحت لمركز خدمة يتعامل مع سيارات الدايو فقط موجود فى ش ترسا بالهرم قالى ان العيب سببه ماسورة تحتاج الى لحام - و تركت عنده السيارة و انشاء الله استلمها اليوم .

لحد امتى حافضل اتهاون فى المسأئل ديه انا مش عارف ، معلش انا اصلى بأنب نفسى لانى تكاسلت
عن اصلاح العيب و فجأة حدث ما لم اتوقع ، ناهيك عن ما ترتب من الغاء ارتباطات مهمة .