لمبة فرامل اليد بتنور

[weka_sa]

انا عندى لمبة فرامل اليد بتنور لما اجى اسحب بنزين وبتفضل تنور وتطف زى مايكون اللمبة بترعش ولما اجى انقل غيار او اسيب دواسة البنزين بتطفى
مع العلم ان الزيت مزبوط واتاكدت منه
بس الطنبور بتاعة الفرامل بتشيع جابت اخرها
فهل اللمبة بتنور من المشكلة دى ولا ايه ؟ ارجو الرد سريعا

[محمد الشامي]

انا عندى لمبة فرامل اليد بتنور لما اجى اسحب بنزين وبتفضل تنور وتطف زى مايكون اللمبة بترعش ولما اجى انقل غيار او اسيب دواسة البنزين بتطفى
مع العلم ان الزيت مزبوط واتاكدت منه
بس الطنبور بتاعة الفرامل بتشيع جابت اخرها
فهل اللمبة بتنور من المشكلة دى ولا ايه ؟ ارجو الرد سريعا

الموضوع ده محتاج منك شويه توضيح اكتر

عربية حضرتك نوعها ايه ؟؟ وموديل كام ؟؟
لمبه الفرامل شغاله عادي مع رفع الفرامل وتنزليها ولا فيها مشكله ؟؟
تقصد ايه بسحب البنزين !!! تقصد انك بتدوس بنزين جامد يعني ؟؟؟
هل حصلت اي مشكله في فرامل اليد وتم اصلاحها مثلا قبل كده ؟؟؟

يعني كلمنا شويه عن عربيتك عشان الاخوه يقدروا يشاركو بأرائهم

[weka_sa]

عربيتى دايو لانوس 2005
الحمد الله اتصلت ببتاع لتوكيل وقولتله ان لمبة الفرامل بتنور منى وانا ماشى فقالى زود زيت الفرامل فزودته والعربية بقت تمام واللمبة بقيت تمام بتفى على طول لما انزل فرامل اليد

[weka_sa]

بس انا عندى مشكلة تانى ارجو الرد فيها بسرعة جدا لانى مش عارف سببها وهى:
لما بمش على الغيار التانى بسرعة 30 او 35 بحس ان العربية فيها رعشى يمين وشمال
انا بعتقد انا دة ممكن يكون الكاوتشات عايزة تتغير ول ايه ؟ ولا ممكن يكون المشكلة فى عفشة العربية؟

ارجو الافادة

[weka_sa]

معنى كلامى دة اني بحس ان العربية مش ثابتة على الطريق

[محمد الشامي]

مبروك على وصولك لسبب المشكله وحلها , ولو انك قولت

مع العلم ان الزيت مزبوط واتاكدت منه

[dr.hany]

اكشف على الكاوتش الاول قد يكون محتاج ترصيص

[weka_sa]

اوك يا دكتور هانى هكشفى على الكاوتش النهاردة واقولك النتيجة

[memofree]

انا عندى لمبة فرامل اليد بتنور لما اجى اسحب بنزين وبتفضل تنور وتطف زى مايكون اللمبة بترعش ولما اجى انقل غيار او اسيب دواسة البنزين بتطفى
مع العلم ان الزيت مزبوط واتاكدت منه
بس الطنبور بتاعة الفرامل بتشيع جابت اخرها
فهل اللمبة بتنور من المشكلة دى ولا ايه ؟ ارجو الرد سريعا

بوص يا سيدى الموضوع ده حصل معايا اول ما جيبت العربية
لائيت الاتى
زيت الفرامل كان و العربية وائفة (راكنة يعنى) ميه ميه.بس كان يادووب على العلامة ولما امشى كان بتنور معايا و بترعش نفس اللى عندك على السرعة ترعش و اخوش رجلى من على البنزين (السحب يعنى) كانت بتطفى ده عشان السائل فى حالا العربية و هي ماشية على السرعة العاليه بيتحرك فى الاربه بتعتوا للخلف فيئل المقياس بتاعة و عند ازالة القدم من دواسة البنزين او دوسة فرامل يتحرك الزيت للامام فيملى المقياس تطفى اللمبه

هو ده تفسيرى اصل انا دوخت فى الموضوع ده

م\مؤمن

[weka_sa]

هو فعلا يا ميمو لقيت الزيت اكتر من النص بحاجة بسيطة فلما كنت بدوس بنزين فجاة كان الزيت بينزل عن النص واللمبة تنور ولما كنت بسيب البنزين اللمبة تطفى
انا فعلا قعدت يومين محتار

[weka_sa]

يا جماعة انا امبارح كان عداد البنزين نازل للعلامة الحمرة فقولت وانا ماشى امون بس بعد ما مشيت حوالى 50 متر كدة لقيت عداد البنزين اترفع وبقى فوق العلامة البيضة الى قبل الحمرة مباشرة
وبيحصل معايا سعات انى بلاحظ عداد البنزين بينزل لما اجى مثلا احرق جامد او لما اشد مع صحابى ولما ابطل العربية واجى اشغلها بعد فترة الاقى العداد اترفع شوية
هل دة شيئ طبيع ولا ايه؟