الوزة مالها طمنوني عليها

[domty78]

السلام عليكم باشمهندس سمير والله انا بقالي ساعة انا وزميلي في الشغل ميتين علي نفسنا من الضحك من ساعة لما قرينا تعليقاتك وتعليقات السادة الاعضاء لكنننننننننننننننننن انا بحب اسجل براءة اختراع للاسم بتاع عربيتي جوليت الوزة بس دي وزتي انا بس ولكل الناس اللي عاوزة تشوف الوزة وتتصور معاها العنوان الكيت كات شارع الفرارجي القفص التالت شمال وكمان بحب اقولك ان الرشاشات سليمة والحمد لله بدليل التسارع بتاع الوزة من الثبات لحد ال140 وثانيا اية اعراض تلف البمب الخاصة بابنزين وهل الاسكانر بيجيب الضغط الخاص بيها وهل دة هوة الي مأثر علي السحب في السرعات العالية وسؤال كدة السوستة اليمين ورا اتكسر جزء منها ودة خلي العربية تميا ميلة بسيطة وانا مسافر بيها ارجو الرد ينفع امشي بيها كدة والا لا خصوصا اني مخلص اسبوع شغل ومروح وشكرا ليكوا صاحب الوزة

يرجى تحرى الدقة فى كتابه لفظ الجلالة

مشرف دايـــو

[samirayad]

انا بقالي ساعة انا وزميلي في الشغل ميتين علي نفسنا من الضحك من ساعة لما قرينا تعليقاتك وتعليقات السادة الاعضاء

ربنا يبسطكم كمان وكمان

هو حد واخد منها حاجه

دا كل اللى أنت شايفه
شويه وحتلاقيه فى الباى باى

لكنننننننننننننننننن انا بحب اسجل براءة اختراع للاسم بتاع عربيتي جوليت الوزة بس دي وزتي انا بس ولكل الناس اللي عاوزة تشوف الوزة وتتصور معاها العنوان الكيت كات شارع الفرارجي القفص التالت شمال

طيب ليه كده ....
هو فيه مخترع بيخترع حاجه لأستعماله الشخصى فقط

والحمد للة بدليل التسارع بتاع الوزة من الثبات لحد ال140

ربنا يباركلك فى وزتك
وزى ماقولتلك
بلاش تضغط عليها زياده عن كده

علشان تفضل تكاكى معاك ( بحاله جيده )

وثانيا اية اعراض تلف البمب الخاصة بابنزين وهل الاسكانر بيجيب الضغط الخاص بيها وهل دة هوة الي مأثر علي السحب في السرعات العالية

لا الأسكانر ...مبيجبش ضغط رشاشات الوزه شخصيا

بس بيعرفك كفاءة الحريق ( لكل غرفه من غرف حريق مكنة الوزه )

فأكشف على بيوجيهات الوزه الأول

وشوف أخبارها أيه فى هضم الطعام

وياريت متنساش تبص برضه على فلاتر مكنة الوزه ( أو غيرها )

وسؤال كدة السوستة اليمين ورا اتكسر جزء منها ودة خلي العربية تميا ميلة بسيطة وانا مسافر بيها ارجو الرد ينفع امشي بيها كدة والا لا خصوصا اني مخلص اسبوع شغل ومروح وشكرا ليكوا

لا مينفعش تمشى بالوزه بالشكل التعبان ده

فحاول تغير السوسته دى على طول
وياريت الأثنين ( شمال ويمين )

لأن شكل الوزه حيبقى وحش أوى وهى ماشيه بالشكل الملفت للنظر ده

صاحب الوزة

أسأل الله أن يباركلك فيها

ويكفيك شر عضتها وتمردها عليك

[domty78]

الحمد لله مشكلة الوزة اتحلت الموضوع كان من خط الطرد الخاص بمخة البنزين الضعط قبل الفلتر وبعدة ضعيف والضغط من المضخة من عند التنك تحت الكنبة شديد وبالتتبع ظهر ان خط السحب مخبوط خبطة صغيرة مما ادي الي خنق الخط وبالتالي ضعف في السحب وتم تغير البوجيهات ببوجيهات 3 شمعة ngk وكنت شاري سلوك بوجيهات امريكي من بورسعيد والحمد لله الوزة رجعت تكاكي في المحروسة وبقوة واختبرتها علي الطريق والحمد لله 165 والمكان مسمحش بعد كدة اشكر البشمهندس سمير والاستاذ ايمن يونس اللي لفت نظري تجاة المضخة وارجو من الكل الحذر من المطبات والخبطات السفلية ومراجعة الخطوط اسفل العربية صاحب الوزة وشكرا

[محمد الشامي]

الحمد لله مشكلة الوزة اتحلت الموضوع كان من خط الطرد الخاص بمخة البنزين الضعط قبل الفلتر وبعدة ضعيف والضغط من المضخة من عند التنك تحت الكنبة شديد وبالتتبع ظهر ان خط السحب مخبوط خبطة صغيرة مما ادي الي خنق الخط وبالتالي ضعف في السحب وتم تغير البوجيهات ببوجيهات 3 شمعة ngk وكنت شاري سلوك بوجيهات امريكي من بورسعيد والحمد لله الوزة رجعت تكاكي في المحروسة وبقوة واختبرتها علي الطريق والحمد للة 165 والمكان مسمحش بعد كدة اشكر البشمهندس سمير والاستاذ ايمن يونس اللي لفت نظري تجاة المضخة وارجو من الكل الحذر من المطبات والخبطات السفلية ومراجعة الخطوط اسفل العربية صاحب الوزة وشكرا

مبروك حل المشكله يا باشا

[samirayad]

وارجو من الكل الحذر من المطبات والخبطات السفلية ومراجعة الخطوط اسفل العربية صاحب الوزة وشكرا

بغض النظر عن كل اللى أتقال من حلول وخلافه

عاوز أوصيك وأحملك أمانه

دايما طمنا على أخبار الوزه

لأنى حبتها الصراحه


وأنا قولتلك

خللى بالك من الوزه
وبلاش السرعات الكبيره دى

علشان تفضل تكاكى معاك

زى مابيحصل معاك دلوقتى من حكات فى المطبات

وكسور فى جناح الوزه

بسبب ضغطك الزائد على أكسراتير مكنة الوزه

وبدل مادوس عليها بعنف علشان تشد معاك

خليك حنين معاها
علشان تفضل تتبختر معاك مثل الغزال

واختبرتها علي الطريق والحمد للة 165 والمكان مسمحش بعد كدة

يانهار أبيض ومش باينله معالم

أنت كنت عاوز تخللى الوزه تشد كمان عن 165 كم /س



الله يكون فى عونها وفى صحتها اللى أنت عاوز تخلص عليها بدرى

[تامر.محمد]

الحمد للة مشكلة الوزة اتحلت الموضوع كان من خط الطرد الخاص بمخة البنزين الضعط قبل الفلتر وبعدة ضعيف والضغط من المضخة من عند التنك تحت الكنبة شديد وبالتتبع ظهر ان خط السحب مخبوط خبطة صغيرة مما ادي الي خنق الخط وبالتالي ضعف في السحب وتم تغير البوجيهات ببوجيهات 3 شمعة ngk وكنت شاري سلوك بوجيهات امريكي من بورسعيد والحمد للة الوزة رجعت تكاكي في المحروسة وبقوة واختبرتها علي الطريق والحمد للة 165 والمكان مسمحش بعد كدة اشكر البشمهندس سمير والاستاذ ايمن يونس اللي لفت نظري تجاة المضخة وارجو من الكل الحذر من المطبات والخبطات السفلية ومراجعة الخطوط اسفل العربية صاحب الوزة وشكرا

مبروك يا صاحب الوزة
بس على فكرة بقى , انا وزتي من يناير 2009 , وزة قديمة يعني :)))))))))

[samirayad]

بس على فكرة بقى , انا وزتي من يناير 2009 , وزة قديمة يعني :)))))))))

أحنا حنزور فى بيانات الطيور بتاعتنا ولا أيه ياهندسه

أنا شايف وزتك موديل 1999

ووزه كورى ..........مش بلدى

وسبحان الله

أول مره تطلع الطيور أو البط الكورى أحلى من البلدى

أكيد علشان طريقة التقفيل

[Hany A Fattah]

احنا فى منتدى الدايو ولا محل فرارجى ؟

[samirayad]

احنا فى منتدى الدايو ولا محل فرارجى ؟

أنت شايف أيه ياهانى .............؟

فكل لبيب بالأشارة يفهم

[Hany A Fattah]

[samirayad]

:u_thin1[1]::u_thin1[1]::u_thin1[1]::u_thin1[1]:

أنت لسه بتفكر

ومش عارف أنت فين ............؟

[تامر.محمد]

أحنا حنزور فى بيانات الطيور بتاعتنا ولا أيه ياهندسه
أنا شايف وزتك موديل 1999
ووزه كورى ..........مش بلدى
وسبحان الله
أول مره تطلع الطيور أو البط الكورى أحلى من البلدى
أكيد علشان طريقة التقفيل

لا يا باشمهندس وزتي بلدي اصيلة , هي اسمها وزة من يناير2009 , ال10 سنين اللي قبل كده الله اعلم بيهم بقى , انا اول ما جبتها اصل سننتها و عملت لها شهادة ميلاد

احنا فى منتدى الدايو ولا محل فرارجى ؟

أنت شايف أيه ياهانى .............؟
فكل لبيب بالأشارة يفهم

كده نبقى في مدينة البط

[samirayad]

لا يا باشمهندس وزتي بلدي اصيلة , هي اسمها وزة من يناير2009 , ال10 سنين اللي قبل كده الله اعلم بيهم بقى , انا اول ما جبتها اصل سننتها و عملت لها شهادة ميلاد

أحتمال ياباشا

الفتره اللى قبل تملكك لها كانت بتتزغط الأول

وارد برضه




الغريب بأه ياهندسه

أنى مبحبش لحم الوز فعلا...............ولكنى أعشق لحم البط

طبعا هنا المقصود (اللحوم الحقيقيه .........وليس صاج أو عفشة العربيه)

[تامر.محمد]

أحتمال ياباشا
الفتره اللى قبل تملكك لها كانت بتتزغط الأول
وارد برضه

الغريب بأه ياهندسه
أنى مبحبش لحم الوز فعلا...............ولكنى أعشق لحم البط
طبعا هنا المقصود (اللحوم الحقيقيه .........وليس صاج أو عفشة العربيه)

و للناس فيما يعشقون مذاهب يا باشمهندس
القلب و ما يريد , حتى في الأكل
عموما مافيش مشاكل , حد يتطوع و يسمي عربيته بطة


انا حاسس ان المشرف هايطلع دلوقت و يقول لنا انتوا خرجتوا من الموضوع و الله
:)

[samirayad]

انا حاسس ان المشرف هايطلع دلوقت و يقول لنا انتوا خرجتوا من الموضوع و الله

ليه ياباشا

طالما أحنا بنتحاور بأحترام

الأداره ملهاش عندنا حاجه ( طالما بنحترم قوانينها )

هو أحنا قاعدين فى فصل وقدامنا مدرس بيشرحلنا وممنوع
حد يبص حواليه أو يتنفس

أبدا

أحنا فى منتدى محترم ...وبنحترم قوانينه وقواعده

فهل فى قوانين المنتدى
مايمنع أننا نتكلم ونهزر مع بعض بأحترام متبادل بعيدا عن الأبتذال
والتهكم والشخصنه

أبدأ مفيش أى حاجه من دى

ولو كان فيه حاجه زى كده فى قواعد المنتدى بتقول ( كل واحد يقعد مربع وميبصش حواليه )

أنا كنت حقول للمنتدى .............السلام عليكم

لأننا مش صغيرين ....علشان نتعامل على أننا فى كى جى وان

طالما بنحترم بعض حتى لو بأسلوب فكاهى ومطعم بالدعابه بين الأخوه والأصدقاء

فمفيش حد ليه حاجه عندنا

مع أحترامنا الكامل لمشرف القسم والأداره عامة