كارتيرة الزيت دخلت لجوه شويه

[dr.hany]

طب معلش يا سمير باشا....استحمل اخوك شويه..دلوقتى الكارتيره فيها مستوين ,معايا. مستوى عالى ومستوى واطى.بالطبع لازم الطبه تكون فى المستوى الواطى عشان لما تصفى الزيت ينزل كله لاخر قطرة وما يفضلش منه حاجه .الخبطه برضه فى المستوى الواطى .يبقى الطبه فى المكان اللى اتطبق.المستوى العالى بقي ماينفعش يتخبط اساسا ولا ينفع يترفع منه بالكوريك لان ماسورة الشكمان اللى جايه من الفرن معديه من عليه.وانا عملت رسمه بسيطه كده ( قطاع طولى )عشان اوصلك تخيلى>بس ماتضحكوش عليا


رقم 1 المستوى السفلى

رقم 2 المستوى العلوى

رقم 3 ماسورة الشكمان ( بتلف من حواليه)

رقم 4 ديه اللى اتطبقت واللى انا بقول فيها الطبه

رقم 6 الفلتر

لازم تعاين مكان الحادث مره تانيه

علشان تعرف أن الطبه مستحيل تبقى هنا

لازم تبقى فى البير ( أى حوض المصفه )

[samirayad]

هذا ماتوقعته تماما

وماحدث عندك لم يؤثر على شىء أطلاقا
سوى حدوث أنبعاج وتطبيق للداخل لحوض الزيت للداخل ( الجزء المجوف من الكارتير )

_ عند حدوث هذا الأنبعاج للداخل

قل الحيز الذى يحتوى على الزيت .....أطبق للداخل ( زى العلبه الصفيح )

قوم أيه ................على رأى أبو صلاح

الزيت راح رايح للحته السليمه ومدارى تحتها وساب الحوض

قوم أيه تانى برضه

المصفه بأه مفيش تحتها زيت كتير والطلمبه بتسحب أو تكاد تكون مبتسحبش زيت

يعنى الزيت قليل من الطلمبه الى الأجزاء الميكانيكيه
وخصوصا منطقة التاكيهات

يعنى المنطقه اللى فوق .....ريقها ناشف من قلة الزيت

قامت عملت الأصوات اللى أنت سمعتها

غير كده محصلش حاجه تانيه عندك

والكرنك لم يلمس حوض الزيت نهائيا ولا الخبطه ( التطبيقه يعنى ) وصلت للكرنك أو أثقال التوازن أو المصفه

الخبطه برضه فى المستوى الواطى .يبقى الطبه فى المكان اللى اتطبق.المستوى العالى بقي ماينفعش يتخبط اساسا ولا ينفع يترفع منه بالكوريك لان ماسورة الشكمان اللى جايه من الفرن معديه من عليه.وانا عملت رسمه بسيطه كده ( قطاع طولى )عشان اوصلك تخيلى>بس ماتضحكوش عليا

ما أنا قلت كده من الأول

وده اللى توقعته لأن لازم التحميل بتاع المنجد حيكون جه فى المستوى الواطى

(التكريشه أو الحوض بتاع الكرتير يعنى اللى فيه المصفه وعليه الطبه من تحت مايله )


_______________________________

بس رجعت تانى معاك فى الكلام وكنت غير مقتنع برضه أن الكرنك أو أوزان الثثاقل

ممكن تلطش الكرتير من الداخل فى الجزء الأعلى فى المستوى لأنها حتبقى مشكله فعلا
____________________________________

بس لغيت عقلى معاك
وقولت لنفسى

بأه ياواد ..... حتكدب الراجل اللى شاف بعينيه

(اللى حياكلهم الدود يوم القيامه )

وتصدق نفسك .....وتعمل أبو على فيها وتدوحر فى الكلام
________________________________

قمت ساكت ولامم الدور وعمت على عوم الكلام وخلاص

__________________________________

وبقيت ماشى معاك ولا بيدى

وأتضح أنى كنت
ماسك الهواء بأيديا

على رأى حلم .......................

[dr.hany]

الله يفتح عليك

[MMamdouh]

الطبة مش ناحية الفلتر... الطبة ناحية صدر العربية و هى فعلا فى المستوى المنخفض من الكارتيرة

انا اصلا استغبيت التصميم دة لان عشان تفك الطبة لازم تزحف من الاكصدام الامامى لحد اخر الكارتيرة عشات تملك الطبة... ما كانوا عملوها فى الناحية التانية و سهلوا علينا الشغلانة بدل وجع القلب دة

MMamdouh

[samirayad]

انا اصلا استغبيت التصميم دة لان عشان تفك الطبة لازم تزحف من الاكصدام الامامى لحد اخر الكارتيرة عشات تملك الطبة... ما كانوا عملوها فى الناحية التانية و سهلوا علينا الشغلانة بدل وجع القلب دة

والله عندك حق فى كلامك ده

أنا بأتعب فعلا لما أجى أحلها من تحت العربيه

وحاسس أنها ركبه بطريقة

ودنك منين ياجحا ............

فهل هناك سبب منطقى فعلايخلينى ألف اللفه دى
علشان أمسك الودن ( الطبه يعنى )
من الناحيه التانيه

[MMamdouh]

انا مش شايف سبب منطقى... انا اشتغلت على عربيات BMW و كانت الطبة فى الوش خالص

MMamdouh

[samirayad]

انا اشتغلت على عربيات bmw و كانت الطبة فى الوش خالص

لاتتعجل يا أبو يوسف

يمكن يكون ليها سبب فعلا

زى أنها لازم تبقى كده ....ومينفعش تبقى فى الوش مثلا

لكلا لاتتعارض مع جراب مقاس الزيت مثلا

لأن الطبه أو الجراب لازم يكونوا متسنطرين على أوطى نقطه فى حوض الزيت

ومينفش نخللى مقاس الزيت ورا والطبه قدام ( مثلا )

على فكره كل كلامى ده مجرد أفتراضات
وقد تكون سببا

وأنا مثلك تماما لسه مش شايف سبب منطقى

بس أنا وأنت عارفين
أن الناس بتوع بره دول
كل نقطه فنيه ( عندهم محسوبه بعنايه فائقه )

فجايز ....فجايز .....ومش كلام هجايس ( بمناسبة توقعيك )

يكون فيه سبب فعلا

وممكن يكون تصميم كارتير البى أم حاجه وأحنا حاجه ( وده أكيد )

بس أحنا اللى حظنا كده

وأنا عارف حظى دايما

ملبد بالصعوبات

[samirayad]

الله يفتح عليك

معلش
نسيت أقولك
وعليك لأنك

دوختنى على الآخر

[dr.hany]

هههههههه..ياسيدى معلش.. انا فعلا تعبتكم. انا على فكره ماغيرتش كلامى وانما حصل لبس. لان الصوره اللى وضعها الاخ otefa هى اللى لخبطتتنى ليه...ااقولك ,انا علمت الخبطه بفلتر الزيت.فلتر الزيت عنده فى الصوره ليس ناحيه المصفاه وانما الناحيه التانيه لانه قال ان ده موتور شيفر .فى الدايو بقي المصفاه والفلتر فى نفس الخط

معلش
نسيت أقولك
وعليك لأنك

دوختنى على الآخر

[otefa]

انا كنت حاطط الصورة علشان اوضح المصفاة ممكن تتسد ازاي...طيب ياباشا لو الميكانيكي قريب منك ممكن تساله ايه كانت المشكلة بالظبط وحلها ازاي ...لمجرد العلم بالشيء.

[dr.hany]

مانا فاهم قصد حضرتك.انا بقول عليا انا.
بالنسبه للميكانيكى قالى لازم الكارتيرة تتحل عشان تستعدل.بالرغم ان اخوه ميكانيكى برضه كان واقف وقالى خلاص كده تمام .تقريبا عاوز يعمل شغل وخلاص.لانه قالى الكرنك هو اللى كان بيخبط.انا بصراحه مش مستريح للراجل ده

انا كنت حاطط الصورة علشان اوضح المصفاة ممكن تتسد ازاي...طيب ياباشا لو الميكانيكي قريب منك ممكن تساله ايه كانت المشكلة بالظبط وحلها ازاي ...لمجرد العلم بالشيء.

[samirayad]

هههههههه..ياسيدى معلش.. انا فعلا تعبتكم. انا على فكره ماغيرتش كلامى وانما حصل لبس. لان الصوره اللى وضعها الاخ otefa هى اللى لخبطتتنى ليه...ااقولك ,انا علمت الخبطه بفلتر الزيت.فلتر الزيت عنده فى الصوره ليس ناحيه المصفاه وانما الناحيه التانيه لانه قال ان ده موتور شيفر .فى الدايو بقي المصفاه والفلتر فى نفس الخط

ولايهمك يادكتور / هانى

أنا بأداعبك طبعا لأننا كلنا هنا أخوات

وعندك حق طبعا بخصوص اللبس اللى حصل معاك

[dr.hany]

استكمالا للموضوع.انا روحت انهارده فكيت الكارتيره.عشان استعدلها .خدت حوالى ساعه ونص.فكوا مسامير الكارتيره.كانوا كتير اوى وفكوا وصله الشكمان اللى مابين الفرن وباقي الشكمان.المهم لاقيت الكارتيره تقريبا كانت لازقه فى ماصفة الزيت لانها كانت مخربشه الكارتيرة من جوه من اثر التطبيقة.يعنى ربنا ستر بجد على المصفاه وماحصلهاش حاجه.المهم عدلوها بالدق بحرص وصنفروا حرف الكارتيرة والمقابل ليه فى الموتور عشان اللزق القديم لانهم قالولى ان الفابريكه مابيكونش فيها جوان وانما لزق فقط.وروحت اشتريت جوان كارتيرة وجوان فرن وحطو ا اللزق اللى فى انبوبه واحده عليه واربط..