زيت الفرامل بينقص!!

[ibmtop]

السلام عليكم ورحمة الله وبركاته

قبل مامشي بالعربيه النهارده الصبح بصيت علي زيت الفرامل لقيته ناقص, بصراحه انا مكنتش ببص علي مستوي الزيت ده
فياريت تطمنوني ايه الاحتمالات بتاعه نقص الزيت ده؟؟

وشكرا

[dr.hany]

لو فيه تسريب غالبا بيكون سببه الاتى:
1/خزن الفرامل اللى عند كل فرده ودى ممكن تعرفها لو لاقيت فى تسريب زيت على الكاوتش.
2/الخراطيم اللى داخله الخزن.
3/شرخ فى الخزنه بتاعة الزيت اللى بنزود منها

وشوف راى باقى الاعضاء

[samirayad]

لو لم تجد تسريبات فى دورة الفرامل والدبرياج

فقد يكون هذا طبيعيا
نتيجة تآكل تيل الفرامل

وراجع بأه على الدورتين ( فرامل ودبرياج )

لقيت كله تمام

أكشف على التيل بسرعه وغيره
للحفاظ على الطنابير من الأحتكاك بالأجزاء المعدنيه المتواجده تحت بطانة التيل ( مع أستعمال الفرامل )

وقد تريج الطنابير وتخش فى فيلم مش حلو

[romeo_6887]

ممكن يكون تيل متاكل

[ibmtop]

متشكر جدا علي ردود اخواني

طيب ايه احسن نوع تيل فرامل موجود ؟ وبكام تقريبا؟؟

[romeo_6887]

التيل الجولد كويس و ب70 جنيه باين

[محمد الشامي]

التيل الجولد كويس و ب70 جنيه باين

لو سمحتلى يا باشا اني اصحح المعلومه ,, هو التيل الجولد بـ 40 او 45 جنيه بس

[abo_lamar]

نفس المشكلة حصلت عندي ولقيت التيل فعلا اتاكل وغيرته بتيل جولد وكلفني 50 جنيه

[احمد المصرى]

التيل ال ب 45 جنيع وحش خالص علشان فيه كربون كتير وانا جربته مرتين ورميته وجبت الاصلى من التوكيل والحمد لله شغال تمام