نوبيرا

[psycho2002]

أنا عندى نوبيرا 2002 وبسمع صوت طقة عند الكاوتشتين الامامى فى طلعة العربية و الطقطقة بتزيد لو طلعت بسرعة
وياريت لو سمحتم أنا كنت عايز أعمل صيانة ال 30000 اية افضل مكان اروحله

[محمد الشامي]

أنا عندى نوبيرا 2002 وبسمع صوت طقة عند الكاوتشتين الامامى فى طلعة العربية و الطقطقة بتزيد لو طلعت بسرعة

صوت طقه مستمره مع المشي بعد الطلعه ؟؟ ولا صوت بينتهي بعد اول طقه مثلا ؟

[tompina]

حدد أكتر الطقة دي عاملة إزاي ؟
والعجل الأمامي تقيل وللا خفيف ؟

[Hany A Fattah]

الصوت ده من جلب المقص

[MMamdouh]

الصوت ده من جلب المقص

+1

MMamdouh

[bshndi]

السلام عليكم ورحمة الله وبركاته
أسف علي تدخلي دون إفادة ولكن بسؤال !
أعاني من نفس المشكلة في سيارتي ، وهي واقفة أثناء عدلة الدركسيون علي أرض ناعمة وتحريكة يميناً ويساراً أسمع طقة خفيفة جداً ، قالوا في التوكيل علبة دركسيون فهل ليها ضبطه معينه ولا لازم نغير العلبة ، وهل ممكن يكون ليها أسباب ثانيه ؟ أنا مشيت بالعربية علي الأول وقعدت أحرك الدركسيون يمين وشمال في حركات مفاجئة بقيت بحس بالطقه دي أكتر من وقفتها وخصوصاً لو علي أرض ناعمة !
(العربية عاملة 10000 كيلو فقط )
شاكر لكم الإهتمام

[MMamdouh]

ممكن علبة دركسيون او جلب الافزان بتاعت العلبة... بس غريبة الكلام دة عند 10 الاف فقط

MMamdouh

[samirayad]

أعاني من نفس المشكلة في سيارتي ، وهي واقفة أثناء عدلة الدركسيون علي أرض ناعمة وتحريكة يميناً ويساراً أسمع طقة خفيفة جداً ، قالوا في التوكيل علبة دركسيون فهل ليها ضبطه معينه ولا لازم نغير العلبة ، وهل ممكن يكون ليها أسباب ثانيه ؟ أنا مشيت بالعربية علي الأول وقعدت أحرك الدركسيون يمين وشمال في حركات مفاجئة بقيت بحس بالطقه دي أكتر من وقفتها وخصوصاً لو علي أرض ناعمة

فعلا زى ما أبو يوسف بيقول

ممكن تكون كراسى تحميل علبة الدركسيون مش متربطه كويس على صدر الغرفه من تحت
أثناء عمليات التجميع للسياره

أو المسامير هوت شويه ( لأنها كانت متربطه من غير ضمير ولا عزم رباط مناسب )

وأنا أتوقع ذلك فعلا ( لأنى عارفهم وحافظهم كويس )

وممكن برضه تكون محتاج شوية شحم لبلى البطاحات

يمكن ............يكون هو اللى بيسمع معاك وبيعمل صوت الطقه


أما أحتمال العلبه
فأعتقد صعب شويه

لأن العيب بيبقى عندنا كمصريين ( بسبب عدم الضمير )

أثناء عمليات التجميع للسيارات عامة

مفيش ضمير للأسف وظروفنا كده

كل موظف عاوز يقضيها وخلاص

وده موجود عندى منه كتير فى شغلى

بس اللى بيجىء تحت أيدى وأهرشه بروقه وأظبطه على الشعره

[Badrawy]

نوبيرا 2002 وعاوز تعمل صيانة ال 30 الف ؟؟؟؟ !!!!!

[psycho2002]

الف شكر على المشاركة
انا لسه شارى العربية من واحد كان تقريبا مش بيمشي خالص و الحمد لله مفيش فيها اى حاجة غير الطقه اللى بسمعها مرة واحدة بس وانا طالع وبعدين تروح و لو طلعت بسرعة صوت الطقة يبقى اقوى شوية

[vespa]

نفس صوت الطقة ده كان عندي و اكتشفت انه من مسمار قاعدة الماتور اللي تحت علبة فلتر الهواء

[bshndi]

السلام عليكم ورحمة الله وبركاته
شاكر لكل السادة الخبراء الروس :) بس عاوز مفردات أقولهم عليها في التوكيل بعد إذن السيادة يا ممدوح بيك أو يا باشمهندس سمير
علشان كده كتير والله الناس دي فاكرانا دافعين ورق كراريس في العربيات دي مش دافعين فيها دم قلبنا .
تحياتي وإحتراماتي

[samirayad]

أنا أول ما أشتريت العربيه وهى زيرو حدث معى الآتى

1- غيرت جوز يايات خلفيه (على حسابى )

بعد ما أخدت شوط محترم معاهم ( بين أبو رواش والأسماعيليه )

2- بعد شهرين برضه
داخل بأجرش العربيه وسمعت صوت كركبه ودربكه جوه الحوض

وطلع السبب عدم ربط قفيز بضمير على خرج طلمبة الباور

البيه اللى بيجمع العربيه

خاف على المانكير اللى فى صوابعه لا يتجرح ولا حاجه ( اللهم ينشك فى صوابعه )
فربط القفيز بطريقة 2-1 -7

حط كل الفريق فى الهجوم
وساب خط الدفاع عريان

وبالتالى حصل المراد ونزل الزيت كله على الأرض

[bshndi]

السلام عليكم ورحمة الله وبركاته
معلش الضمير إنعدم والله وما فيش مراعيه لأرواح الناس وممتلكاتها ، والله أنا طبعت كلامك يا سيد سمير وكلام المحترم ممدوح بك علشان أقولهالهم في المرة الجاية دول هايشوفوا مني أيام زي ...... ، بس مش عارف ليه بفكر أغير بتوع جسر السويس المرة دي وأشوف بتوع أبو مرواش بيقولوا شغلهم كويس ، وبعدين هاروحلهم في يوم من أوله وأقعد معاهم وهاروح معايا غدايا كمان ده أنا عاوز أقولهم علي فروق يظبطوها ومش هاستلم إلا لما أشوفها إتعملت :) ، أصل في مهندس في أبو غالي حسسني إني راكب فسبه (ولا بلاش فسبه أصلها بقت بـ20 ألف)كنت بقوله علي صوت في ماكينه الزجاج الأمامية يقولي أهم حاجة إنها شغاله بكفاءه إنت راكب لانوس سكت والله ما رديت عليه !
تحياتي وإحتراماتي