إعـــــــلان

Collapse

.

,
See more
See less

اتفقت على لانوس2008

Collapse
X
 
  • Filter
  • الوقت
  • Show
Clear All
new posts

  • اتفقت على لانوس2008

    الحمد لله انا اتفرجت على عربيىة2008 امبارح عاملة 60 الف كيلو رشة حزام خارجى وصاحبها قالى خد العربيىة ووديها زى منت عايز طبعا انا مش فاهم حاجة فى العربية الاننى كنت راكب فيورا 85 ودى طبعا غير دى خالص فبعد اذنكم اودى العربية فين علشان اتاكد ان كله تمام ارجو الاهتمام

  • #2
    المشاركة الأصلية كتبت بواسطة ragab مشاهدة المشاركة
    الحمد لله انا اتفرجت على عربيىة2008 امبارح عاملة 60 الف كيلو رشة حزام خارجى وصاحبها قالى خد العربيىة ووديها زى منت عايز طبعا انا مش فاهم حاجة فى العربية الاننى كنت راكب فيورا 85 ودى طبعا غير دى خالص فبعد اذنكم اودى العربية فين علشان اتاكد ان كله تمام ارجو الاهتمام

    محطه بنزين شيل في اول الهرم من بعد النفق ,, الكشف بالكامل على العربيه بيتكلف 99 جنيه

    يشمل الكشف :-
    1- الكشف على كبس وكفاءه الموتور
    2- الكشف على دواخل وخوارج العربيه
    3- الكشف على العفشه والكبالن
    4- فحص الحاله العامه للعربيه (سواء داخل الكابينه او حوض الموتور او الشكل العام)

    بالإضافه الى :-
    1- فحص عن طريق مهندس موجود في المحطه بيكشف على العربيه بنفسه وبيقولك عيوبها ومميزاتها بما يرضى الله
    2- تسليمك تقرير مطبوع من على الكمبيوتر مكتوب فيه حاله العربيه بالظبط
    3- لو ظهرت مشكله في العربيه عند الفحص المهندس بيقترح عليك الحلول وتكلفه الحلول دي اد ايه
    4- تقدر تعرف من المهندس ده على جنب كده سعر العربيه مناسب ولا لا

    العنوان بالظبط :-
    اول محطه شيل على اليمين وانت داخل شارع الهرم من بعد النفق - هتلاقي محطتين شيل ادام بعض (هي على اليمين) , ومواعيد شغلهم على ما اتذكر من 9 صباحاً لغايه الساعه الساعه 9 بالليل

    بس نصيحه : متحاولش تسيب صاحب العربيه من الصنايعيه اللي بيشكفو على العربيه لوحدهم عشان ممكن يلاغيهم بكلمتين وتيجي على دماغك انت

    وكمان حاول تقييم العربيه انت من وجهه نظرك لانها 2008 يعني وانت بتشوفها اعتبر نفسك بتتفرج على عربيه زيرو , طبعا مش شرط في الشكل بس اقصد في المضمون

    وبعدين بصراحه 65 الف كيلو دي كتير شويه على عداد لانوس 2008
    انا معايا لانوس 2000 وعامله لغايه دلوقتي 115000 كم , يعني حوالى 11 الف كم في السنه , يعني لو العربيه 2008 المفروض تعمل نص العداد المذكور تقريبا

    ملحوظه :- المفروض قبل ما تروح المحطه للكشف على العربيه تتفق مع صاحبها ان لو ظهرت اي عيوب بخلاف اللي انت عرفتها منه خلال الاتفاق هو اللي هيشيل الـ 100 جنيه المدفوعه
    [CENTER] شكـــــــراً نايـــــــــل موتـــــــورز

    [/CENTER]

    Comment


    • #3
      المشاركة الأصلية كتبت بواسطة mohammad_alshamy مشاهدة المشاركة
      محطه بنزين شيل في اول الهرم من بعد النفق ,, الكشف بالكامل على العربيه بيتكلف 99 جنيه

      يشمل الكشف :-
      1- الكشف على كبس وكفاءه الموتور
      2- الكشف على دواخل وخوارج العربيه
      3- الكشف على العفشه والكبالن
      4- فحص الحاله العامه للعربيه (سواء داخل الكابينه او حوض الموتور او الشكل العام)

      بالإضافه الى :-
      1- فحص عن طريق مهندس موجود في المحطه بيكشف على العربيه بنفسه وبيقولك عيوبها ومميزاتها بما يرضى الله
      2- تسليمك تقرير مطبوع من على الكمبيوتر مكتوب فيه حاله العربيه بالظبط
      3- لو ظهرت مشكله في العربيه عند الفحص المهندس بيقترح عليك الحلول وتكلفه الحلول دي اد ايه
      4- تقدر تعرف من المهندس ده على جنب كده سعر العربيه مناسب ولا لا

      العنوان بالظبط :-
      اول محطه شيل على اليمين وانت داخل شارع الهرم من بعد النفق - هتلاقي محطتين شيل ادام بعض (هي على اليمين) , ومواعيد شغلهم على ما اتذكر لغايه الساعه الساعه 9 بالليل
      ربنا يكرمكم جميعاً اصدقاء المنتدي سرعة في الرد وصدق في المعلومة واعطاؤها بلا ادني تكلف او تصنع
      فعلاً المنتدي ده حلو وجميل بمن فيه
      وربنا يجعلها في ميزان حسناتكم جميعاً

      Comment


      • #4
        انا ليا رأي

        اكشف عليها كشف شامل في التوكيل , هاتبقى غلبة شوية , و هاتكلف يمكن الضعف , لكن النتيجة احسن لك بكتير اوي

        انا لما اشتريت عربيتي كشفت عليها في بنزينة كالتكس , كان تقريرهم , بلية دينامو خشنة , رشح في كارتيرة الزيت , موتور كويس , عفشة متوسطة

        خد عندك بقى , البلية اتصلحت , و الكارتيرة اتغير لها الجوان , و كله تمام
        بعدها بمافيش عرفت ان الكاوتش حالته سيئة , و الشكمان , و كان فيه رشح في مكان تاني في الحوض فوق الفتيس تقريبا وما قالوش عليه حاجة , و التيل خلصان , و بلي العجل خشن

        انا مشيت بالتيل الخلصان فترة بعدها و انا مش عارف كده (كانت خبرتي صفر ) و كنت هاعمل حادثة بسبب كده , مش عارف مشيي ده خلا الطنابير اتاكلت ولا هي اصلا متاكلة و الصرر كان فيها بوش هي كمان

        شوف كام حاجة , الحاجات دي غلبتني بعد كده , الخلاصة , عن تجربة رأيي تكشف في التوكيل
        ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

        [sor2]http://imageshack.us/a/img838/2058/8l0n.jpg[/sor2]

        Comment


        • #5
          لو رحت بنزينة الهرم دي (أنا كشفت فيها على عربيتين) خد بالك إن مفيش غير واحد بس بيفهم والباقيين يا إما نصابين يا إما بطيخ !
          للأسف مش فاكر اسمه الميكانيكي ده .
          الباقي (والله العظيم) فتايين .
          [CENTER][marq="3;right;3;scroll"]حمو[/marq][/CENTER]
          [CENTER][CENTER]:rfds: [SIZE=5]No Body Is Perfect[/SIZE] :rfds:
          مدونتي
          [URL]http://tompina-egypt.blogspot.com/[/URL]
          [/CENTER]
          [/CENTER]

          Comment


          • #6
            السلام عليكم
            بعد التحية : تأكيداً لكلام بعض الزملاء فالفحص خليه في التوكيل أحسن وبعدين يبقي بالنص لو كان في قولان في حالة العربية أو إخصم تمنهم من ثمن العربية بعد الوصول إلي إتفاق ، أنا سألت عن قصة الفحص والتقرير في توكيل أبو غالي آخر جسر السويس كانت بـ 250 فحص شامل للسيارة عفشة وموتور وحوض وخلافه . فمع إحترامي للصنايعيه الموجودين في البنزينه فهم لايرون إلا جانب واحد من العيوب أو علي أقصي تقدير إثنين وهو ما يعرفونه بينما التوكيل قصة مختلفة
            وبعيدن عندي إقتراح من الآخر تاخد معاك ثلاثة أو أربعه من عتاولة المنتدي بتاعنا وتروح :) بس تعمل حسابك تعزمهم بعدها علي حاجة جامدة :)
            تحياتي وإحتراماتي

            Comment


            • #7
              المشاركة الأصلية كتبت بواسطة tompina مشاهدة المشاركة
              لو رحت بنزينة الهرم دي (أنا كشفت فيها على عربيتين) خد بالك إن مفيش غير واحد بس بيفهم والباقيين يا إما نصابين يا إما بطيخ !
              للأسف مش فاكر اسمه الميكانيكي ده .
              الباقي (والله العظيم) فتايين .

              انا بمنتهى الأمانه اتعاملت معاهم ما يقرب من 10 مرات وبصراحه محستش الكلام ده !!! لان على الاقل الواحد بيكون واقف وشايف كل حاجه بعنيه ويقدر يفرق بين الصح والغلط

              بس عالعموم مشكور على التوضيح
              [CENTER] شكـــــــراً نايـــــــــل موتـــــــورز

              [/CENTER]

              Comment


              • #8
                المشاركة الأصلية كتبت بواسطة bshndi مشاهدة المشاركة
                فمع إحترامي للصنايعيه الموجودين في البنزينه فهم لايرون إلا جانب واحد من العيوب أو علي أقصي تقدير إثنين وهو ما يعرفونه بينما التوكيل قصة مختلفة
                طيب حضرتك كان ليك تجربه مع البنزينه دي او غيرها ؟؟؟
                [CENTER] شكـــــــراً نايـــــــــل موتـــــــورز

                [/CENTER]

                Comment


                • #9
                  المشاركة الأصلية كتبت بواسطة mohammad_alshamy مشاهدة المشاركة
                  انا بمنتهى الأمانه اتعاملت معاهم ما يقرب من 10 مرات وبصراحه محستش الكلام ده !!! لان على الاقل الواحد بيكون واقف وشايف كل حاجه بعنيه ويقدر يفرق بين الصح والغلط

                  بس عالعموم مشكور على التوضيح
                  المشاركة الأصلية كتبت بواسطة mohammad_alshamy مشاهدة المشاركة
                  :oc_sun1[1]:

                  ما هو الراجل اللي بقول عليه ده طلع لي المستخبي في عربية نوبيرا كنت هاشتريها .. نص عمرة وتأخير في الجير وكفاءة موتور 50% ومشاكل في العفشة والشاسيه وخلافه .
                  المرة التانية الراجل ده ماكانش موجود اللي هناك قالولي عن عربية تانية إنها (حلوة) ! .. بس كده وخلاص ..
                  (ملحوطة: في المرتين كنت دفعت المعلوم)
                  والعربية اللي اشتريتها رحت بيها عندهم عشان يغيرولي زيوت وفلاتر كانوا هايتسببوا لي في مصيبة .
                  خلوا الفرامل واخدة هوا وكنت هاعمل حادثة فظيعة وهادهس واحدة ست في شارع الهرم لكن ربنا ستر .
                  [CENTER][marq="3;right;3;scroll"]حمو[/marq][/CENTER]
                  [CENTER][CENTER]:rfds: [SIZE=5]No Body Is Perfect[/SIZE] :rfds:
                  مدونتي
                  [URL]http://tompina-egypt.blogspot.com/[/URL]
                  [/CENTER]
                  [/CENTER]

                  Comment


                  • #10
                    المشاركة الأصلية كتبت بواسطة tompina مشاهدة المشاركة
                    ما هو الراجل اللي بقول عليه ده طلع لي المستخبي في عربية نوبيرا كنت هاشتريها .. نص عمرة وتأخير في الجير وكفاءة موتور 50% ومشاكل في العفشة والشاسيه وخلافه .
                    اهو ده كلام جميل , لان ده اللي كان بيحصل معايا دايما , بيطلع المستخبي فعلا , بس بصراحه انا مفتكرش شكل الراجل

                    المشاركة الأصلية كتبت بواسطة tompina مشاهدة المشاركة
                    المرة التانية الراجل ده ماكانش موجود اللي هناك قالولي عن عربية تانية إنها (حلوة) ! .. بس كده وخلاص ..
                    وارد جدا انه يحصل طبعا في غياب المراقب

                    المشاركة الأصلية كتبت بواسطة tompina مشاهدة المشاركة
                    (ملحوطة: في المرتين كنت دفعت المعلوم)
                    انا مكنتش بدفع , مش كفايه عليهم الـ 100 جنيه

                    المشاركة الأصلية كتبت بواسطة tompina مشاهدة المشاركة
                    والعربية اللي اشتريتها رحت بيها عندهم عشان يغيرولي زيوت وفلاتر كانوا هايتسببوا لي في مصيبة .
                    لغايه هنا انا مجربتش التعامل معاهم !!! بس معلومه مفيده عشان الواحد يخلي باله

                    المشاركة الأصلية كتبت بواسطة tompina مشاهدة المشاركة
                    خلوا الفرامل واخدة هوا وكنت هاعمل حادثة فظيعة وهادهس واحدة ست في شارع الهرم لكن ربنا ستر .
                    ربنا يستر طريقك وطريقنا , في التأني السلامه يا اخي
                    [CENTER] شكـــــــراً نايـــــــــل موتـــــــورز

                    [/CENTER]

                    Comment


                    • #11
                      الله يخليك يا باشا
                      [CENTER][marq="3;right;3;scroll"]حمو[/marq][/CENTER]
                      [CENTER][CENTER]:rfds: [SIZE=5]No Body Is Perfect[/SIZE] :rfds:
                      مدونتي
                      [URL]http://tompina-egypt.blogspot.com/[/URL]
                      [/CENTER]
                      [/CENTER]

                      Comment


                      • #12
                        شكر لجميع الاخوة اللى ردو وشاركو انا ان شاء الله نويت اروح التوكيل اضمن بس انا مش عارف التوكيل فين والعربية عاملة 60 الف كيلو وهى موديل2008 صاحبها بيقول انى اهله فى سوهاج وسافر سوهاج حوالى 12 مرة وبيقول انى المرة بتعمل 1000كيلو والباقى داخل القاهرة انا مكتبى فى الجيزة والعربية فى فيصل فياريت يكون فى توكيل فى الدقى مثلا

                        يرجى الدقة فى كتابة كلمة ان شاء الله وليس انشاء
                        060410

                        06:54

                        13ب
                        مشرف القسم

                        Comment


                        • #13
                          التوكيل أفضل بالفعل كما ذكر الإخوة

                          Comment


                          • #14
                            اكشف عليها في التوكيل

                            Comment


                            • #15
                              انا ساكن في حلمية الزيتون ... فين اقرب فرع لتوكيل الدايو ؟

                              Comment

                              Working...
                              X