مشكلة بالفرامل ارجو المشورة

[ahmedfra]

عندى مشكلة بالعربية لانوس ون الفرامل خفيفة شويتيين و غيرت الماستر كذا مرة و مرة غيرت الماستر و السيرفو و العربية تتعدل كام يوم و ترجع تانى ذى ما كانت بالظبط و حتى من غير ما اغير اى حاجة اذا اتاخد هوا من الفرامل تتظبط كام يوم و ترجع تانى حتى مرة الميكانيكى الى فيها هوا و فتح مكان اخ الهوا فى الأربع عجلات لقى الباكم نزل على طول يعنى مافيش هوا و لا حاجة و الفرامل اتعدلت كام يوم من فتحة الهوا بس . انا مش فاهم ازاى حد فهم حاجة . يا ريت حد يكون عنده مشورة و تفسير لشغل العفرايت ده . شكرا

[dr_3eshoo]

بص يا عمده
راجع الطنابير و زيت الفرامل و انت مغير السيرفو و الماستر و انت مجبتش سيره تيل الفرامل
بتهيقلي روح التوكيل يجبوا المشكله من الاخر

[dr_3eshoo]

استاز ممدوح خبره في الدايو هو هيفيدك اكتر مني مليون مره

[ahmedfra]

اسف نسيت اذكر انى غيرت كل حاجة تيل امامى و خلفى طنابير امامى و خلفى مخلتش كله اتغير حتى التوكيل رحته و كل الى عملوة اخدوا هوا و كانت زى الفل 4 أو 5 أيام و بعدين هبطت تانى

[ahmedezzat78]

عندى احساس ان ماسترين العجل الامامى عندك تقيل وده ممكن يعمل العيب ده جرب تفكهم وتعملهم نظافة و طقم اصلاح كمان

الاحتمال الاخير ان يكون احد لواكير مواسير الفرامل منفس تنفيس خفيف عشان كده بتاخد هواء بعد كذا يوم برجاء مراجعة كل الواكير و التاكد ان كل مواسير الفرامل سليمة و مش متنيه تنيه ممكن تقفل مسار الزيت

[ahmedfra]

شكرا يا جماعة لكم كلكم و خصوصا ahmedezzat عشان متابعنى فى موضوع الجنوط كمان

[ahmedezzat78]

العفو يا باشا

بس يا ريت تطمن عملت ايه

[ahmedfra]

انا رحت للميكانيكى و نظف الماستر و راع على الدورة كلها و مشافش اى عيب انا حتجنن لدرجة انى فكرت ابيع العربية و اخلص

[ahmedezzat78]

يعنى فكيت ماستر العجلتين الاماميتين و ركبتلهم طقم اصلاح

[m.farouk]

انا عندى عبية نوبيرا وكان عندى كل الىبتشتكى منة دة وعملت كل حاجة جوة التوكيل وبرة التوكيل وبرضة هى كام يوم وترجع تانى بم فيهم تغير التيل 3 مرات وهو جديد لان البعض قالى ممكن يكون عيب تيل ولا يوجد فرق الى ان ذهبت لواحد فى جسر السويس اخصائى فرامل وكل الى عملة انة فك المستر العمومى وفك البلوف الموجوده بة اى لاغاها خالص شلها و ركب المستر على كده وام سالتة هم دول ملهمش لازمة اخبرنى انهم لم بيكونو جداد بيشتغلو كويس وبيوزعوا الضغط على العجل الخلفى وام بيلغيهم بيبقى ظغط الزيت مباشر على الاربع عجلات ومن ساعتها وانا حسيت باختلاف قوى فى الفرامل وبالامان قبل كده كانت السيارة اذا ضغط على الفرامل فجئة بتهدى فقط

[ahmedezzat78]

غريبه فعلا !!!! امال هما حاطينها ليه
طيب ليه ما غيرتهمش؟؟

طيب هل لما بتفرمل العربيه بتنزل من قدام اكتر من الاول؟؟
يعنى فرامل قدام اصبحت اقوى من الاول و اللى ورا بقت اضعف من الاول؟

يا ريت تشرحلنا لو امكن
مع الشكر

[ahmedezzat78]

تقصد حضرتك الجزء رقم 7 فى الصورة؟

[m.farouk]

الجزء رقم 7 صح ولكن هو شال البلف الموجود داخلهم وركبهم بدون البلوف والفرامل الخلفية اصبحت قوية جدا السياره مبتنزلش من الامام اكثر من الاول وانا مغيرتش المستر لان كل الى شافة بم فيهم التوكيل قالى المستر مفيهوش حاجة والتوكيل قالى ان العيب من تيل الفرامل لانة مش اصلى وغيرو التيل وركبة الاصلى وبعد 3 ايم رجعت ريمه لعدتها القديمه وعلشان كده قولت اجرب الحل بتاع البلوف ده واذا باظت الحكاية هشترى مستر جديد وخلاص لانى برده كنت شاكك فى المستر ولكن الحمد لله التجربة نجحت والسياره اصبحت بتزحف قبل دواسة الفرامل مل تصل الى نهاية مشوارها على عكس الاول

[m.farouk]

ملحوظه الراجل قلى ان العربية شغالة الان بنظام دراكات اى ان الزيت يصل الى كل العجل فى نفس الوقت ام الاولف فان الزيت كان بيصل للعجلت الامامية ثم تقوم البلوف بتوزيع الزيت للعجل الخلفى وعندما تكون مسدود او مش نظيفة نتحدث المشاكل السابقة ولكن الراجل قالى انهم لم بيكونوا سلام بيكون ادائهم افضل ولكنى لم اشترى المستر الجديد لان الاداء الحالى ان مبسوط منة جدا وخاصتا انى بجرى بالعربية وخفت اشترى المستر ابو 450 جنية والمشكلة تظل كما هى

[Sherif Khalifa]

ممكن مكان الراجل دة ؟

هل التعديل دة اخد وقت منة ولا كانت حاجة بسيطة
يريت لو تعرفنا الخطوات الى عملها