كله بيسأل عن إستهلاك البنزين وأنا( كنت) معاهم

[karimmelegy]

أغلب الناس فى المنتدى بتدور على إستهلاك البنزين وإزاى تقلل الإستهلاك وبصراحة أنا واحد من الناس دى وكل ماألاقى موضوع بيتكلم عن الإستهلاك أدخل علية وأدور عن السبب وطيران أروح أنفذ على العربية ....



بس من يوميين وصلت لحاجة كانت تايهه عنى ... وبفضل المهندس / محمد ممدوح وصلت بل تيقنت بأن العربية إستهلاكها صح


أنا معايا دايو نوبيرا 2 كورى وأنتوا عارفين إن فيه بعض الإختلافات بين المصرى والكورى
كانت السيارة بتعمل معايا على الفل تانك 240 ( وهنا المشكلة 240 إيه .....!! ) يعنى المفروض إن الواحد لازم يكون عارف إن الرقم اللى على العدادات ده بالإيه ... !!( كيلو متر ولا حاجة تانية )

ودى المشكلة اللى أنا كنت واقع فيها إن العدادات عندى مش بالكيلو متر .. أنا عندى العدادات بالميل

المشكلة أنى كنت بغير الزيت على أساس كيلو متر ( يعنى تقريباً كنت بغير الزيت بعد ماأكون مشيت بيه حوالى 8046 كيلو متر )................ والله حرام

المهم أنا لما شكيت فى الموضوع ده رحت مشوار مع واحد صاحبى وصفرنا العدادات مع بعض عملت أنا 7.500 ميل وهو عمل12.200 كيلو متر ومن هنا إتأكدنا إن الموضوع مش إستهلاك بنزين عالى ...


طلعت الحسبة غلط

ودى قصتى مع البنزين ...

[dr.hany]

يعنى الحمد لله اطمنت .قصدى الاستهلاك كده تمام؟

[karimmelegy]

أنا والله عملت الموضوع ده على أساس أعرف من الناس إن فى عدادات بالشكل دة ولا أنا بس اللى عندى كده

[M.Zaher]

معنى كده ان عداد السرعه بتاعك اخره 140 مدام العربيه عندك بالميل ؟؟؟ صح كده ولا ايه؟؟؟؟

[dr.hany]

طب انت كده كنت ممكن تقع فى الرادار؟؟؟؟؟؟

[dr.hany]

انا ابن عمى معاه لانسر مكواه وبرضه العداد عنده كان ماشي بالميل.راح لواحد بتاع استيراد وغير الورقه اللى عليها الارقام بس.
بس برضه انا مش فاهم ازاى كده.
لان مثلا لو هو ماشي بسرعة 60 كيلو فى الساعه,هل هى فعلا مظبوطه كده

أنا والله عملت الموضوع ده على أساس أعرف من الناس إن فى عدادات بالشكل دة ولا أنا بس اللى عندى كده

[Mo.Kareem]

لا ياريس
لازم يغير العدادت كلها من جوه
حصلت معى فى عربيتى والراجل الرزل اخد 90 جم علشان يعمل الموضوع ده

[karimmelegy]

معنى كده ان عداد السرعه بتاعك اخره 140 مدام العربيه عندك بالميل ؟؟؟ صح كده ولا ايه؟؟؟؟

أنا العداد عندى بالميل والكيلو ميت أيضاً بس مكتوب بالصغير بلون اصفر واللى مكتوب بالكبير وبلون أبيض هو اللى بالميل

[karimmelegy]

راح لواحد بتاع استيراد وغير الورقه اللى عليها الارقام بس.
بس برضه انا مش فاهم ازاى كده.
لان مثلا لو هو ماشي بسرعة 60 كيلو فى الساعه,هل هى فعلا مظبوطه كده

الفكرة إن الأرقام اللى مكتوبة على اللوحة بتكون أقرب لبعض شوية فى الكيلو متر

بيتهيألى أرفع صورة للعداد عندى على الأقل أصحاب النوبيرا يقولولنا اللى عندهم زى دة ولا أنا بس ؟


بس حدور بس على الصورة وحرفعها على طول

[karimmelegy]

شباب دى صورة العداد



طبعاً زى ماأنتوا شايفين العداد اللى مرسوم بالأبيض ده بالميل والعداد اللى مرسوم بالأصفر ده بالكيلو


لكن انا كانت مشكلتى فى عداد الأرقام اللى بيحسب المسافات اللى إتقطعت بالسيارة


ياريت من كل واحد عنده نوبيرا أو ركب نوبيرا يقولى العداد اللى بينزل فى الدايوا المصرى زى ده ولا لأ ؟


ولو زيه .. العداد الرقمى اللى بيحسب المسافة بالكيلو ولا بالميييييل ؟؟؟؟؟

[Mo.Kareem]

عداد الارقام لازم حد يظبطه علشان هو كمان بيعد بالميال ، روح لحد بتاع عدادت هيخليه يعد بالكيلو وده عن تجربه شخصية

[hosar]

متهيألى لو الموضوع صعب ممكن تغير العداد كلة

[karimmelegy]

عداد الارقام لازم حد يظبطه علشان هو كمان بيعد بالميال ، روح لحد بتاع عدادت هيخليه يعد بالكيلو وده عن تجربه شخصية

أنا بصراحة بخاف من الناس اللى بتلعب فى العدادات دول ... بحس أنهم ممكن وهو بيظبط الكليومتر ألاقى مؤشر الحرارة ضرب
وهكذا
على العموم انا حسأل هنا فى حد بيعمل الكلام ده ولا لأ ... أصل أنا فى قطر مش مصر والميكانيكا هنا ماأولكش مهنة أى حد مش لاقى شغل يعنى أى حد بيفتى وخلاص

[MMamdouh]

غير طقم العدادات

MMamdouh

[karimmelegy]

غير طقم العدادات

mmamdouh

هل ينفع أغيرة بنفسى ؟؟؟