الخرطوم ده بتعمل إيه؟

[Dr.lancer]

إمبارح لقيت الخرطوم ده بيلمع أول ما جيت أنضفة لاقيته إتخرم زى ما هو باين فى الصورة و النهاردة لقيته مطرطش زيت زى ما إنتو شايفين. بتاع إيه الخرطوم دة و لما أغيرة أقول للبايع إسمه إية. شكؤا مقدما

[engoss1990]

اعتقد انه تبع دورة التزييت بياخد الزيت من عند التاكيهات الى الكرتيرة
بس اياً كان, ده اتخرم فاروح غيره بسرعة

[samirayad]

يظهر الفسيخ يادكتور / شريف
كان حامى شويه


المهم

الخرطوم ده بتاع أستكمال خط التهويه الجبرى القادم من ماسوره راكبه على الكرتير منن خلف المكنه وموصل لزور حوض التاكيهات كماهو موضح بالصوره

وببساطه شديده

حتفصله من نهايتيه ( من عند الماسوره الخلفيه اللى طالعه من الحوض
ومن عند الزور بتاع حوض التاكيهات )

وتروح بيه لواحد بتاع قطع غيار لانوس
وقوله عاوز الخرطوم ده

هاته وركبه تمام

وخلصت

ملحوظه


أعتقد تمنه مش حيزيد عن عشرون جنيه

[mohsen]

حضرتك ده مش خرطوم
دى اسمها كاوتشة بخار
وتمنها 5 جنيه فقط ومفيش منها انواع هى منتج مصرى فقط
وممكن تفكها وتركبها بنفسك كما يلى:

1-فك الافيزين المعدن وفك الكاوتشة المقطوعة هتلاقى ماسورة راسية طالعة من تحت واخرى افقية خارجة من التاكيهات
2-ركب الافيزين المعدن فى الكاوتشة الجديدة بيحث يكون المسمار بتاع الافيز على يمينك وحاول قبل ما تركب الكاوتشة تقرط شوية على الافيز التحتانى بحيث ميهربش من الكاوتشة الجديدة
-3ركب الكاوتشة فى الماسورة الراسية ومتخليش الافيز يهرب لتحت ثم اضغط على الجزء الافقى بتاع الكاوتشة لتحت هتلاقيه لبس فى الماسورة الافقية
4-قرط على الافيزين

[samirayad]

حضرتك ده مش خرطوم
دى اسمها كاوتشة بخار

مفيش فرق بين المسميين

والصح أنه خرطوم على خط التهويه الجبرى

وطبعا كما تقول
بيسمى بلغة السوق ( كاوتشة بخار )

وليه سماها الصنايعيه بالشكل ده

لأنها بتحمل أبخرة الكارتير الغير مرغوب فيها الى حوض التاكيهات

[mohsen]

مفيش فرق بين المسميين

والصح أنه خرطوم على خط التهويه الجبرى

وطبعا كما تقول
بيسمى بلغة السوق ( كاوتشة بخار )

وليه سماها الصنايعيه بالشكل ده

لأنها بتحمل أبخرة الكارتير الغير مرغوب فيها الى حوض التاكيهات

يا سمير باشا انا اسف جدا انا كتبت الرد بتاعى ومكنش فيه ولا واحد رد على الاخ صاحب الموضوع وبعد ما بعت لقيت حضرتك واخوة افاضل ردو
سؤال بقى لحضرتك
انا امبارح كنت بغير الكاوتشة دى بنفسى ومكنتش مقطوعة ولكن كانت منفوخة جدا بشكل غريب
المهم بعد ما خلعت الكاوتشة القديمة الفضول خلانى ابص فى الماسورة الراسية اللى جاية من الكارتيرة وجبت كشاف ونورت بيه جوة الماسورة لقيت كمية كبيرة جدا من الزيت المحروق المسود سمكها 5مم لازقة فى جدار الماسورة جبت مفك ولمدة نص ساعة لحد مانضفت الجلخ ده
المشكلة بقى ان الماسورة عاملة حرف اس متقدرش تعرف ايه الوضع فيها من تحت
طب الزيت المحروق ده كله جه منين وسببه ايه وهل ممكن الماسورة تكون مقفولة جزئيا من اسفل
وهل انتفاخ الكاوتشة ده كان مؤشر لحاجة غير طبيعية بتحصل مع انى بغير زيت بانتظام وكل مرة بغير فلتر الزيت

[samirayad]

يا سمير باشا انا اسف جدا انا كتبت الرد بتاعى ومكنش فيه ولا واحد رد على الاخ صاحب الموضوع وبعد ما بعت لقيت حضرتك واخوة افاضل ردو

متقولش الكلام ده يامحسن باشا

فلاتوجد مشكله أطلاقا

وأنت بتتكلم صح برضه ( لأن دى لغة السوق )

بس لازم نربط بين لغة السوق ولغة العلم (اللى فى الكتالوجات )

ماهو لوعرفنا اللى فى الكتالوجات
حنعرف نتعامل بسهوله شديده مع السوق

وحضربك مثل يضحك وبفضل الله جبته من دماغى
لما ربطت بين لغة السوق ولغة الكتالوجات

الميكانيكيه بيقولوا على قطعه هندسيه

أسمها cam follower

وتسمى فى بعض الكاتولجات valve tappet

كستبان .....( دى تسمية السوق )

ولوعربناها علميا
يبقى أسمها تابع الكامه

ليه هو سماها كستبان ......
لأنه ملقاش حاجه ملموسه فى حياتنا العمليه يربط بينها وبين شكل هذه القطعه الهندسيه

غير الكستبان اللى بيحطه الخياط (الترزى ) فى صباع السبابه الشمال

(عامل شبه قرطاس من الحديد )

وبيحطه الخياط فى صباعه الشمال
علشان وهو ماسك الأبره بيده اليمنى بين الأصابع وبيخيط يدويا أو بيركب زراير للملابس
علشان الأبره متكشوش فى صباعه الشمال

شفت الصنايعيه بتربط بين الأشياء أزاى

_______________________________

انا امبارح كنت بغير الكاوتشة دى بنفسى ومكنتش مقطوعة ولكن كانت منفوخة جدا بشكل غريب

عادى حدوث هذا بسبب سخونة أبخرة الكارتير

لأن الخرطوم مصنع من الكاوتش ومع الضغوط للأبخره الساخنه
بيحصل تممد فى جزيئات الكاوتش ويتنفخ للخارج وممكن ينقطع ويتهتك بسبب أنهيار التماسك بين جزيئاته

لقيت كمية كبيرة جدا من الزيت المحروق المسود سمكها 5مم لازقة فى جدار الماسورة

عادى برضه
أفلا تسمع عن مرض تصلب الشرايين
وتراكم الدهون الضاره والكوليسترول على جدران الأورده والشريان
نفس القصه

بعض الراتنجات الزيتيه والكربونيه ( مع حريق المكنه وتغير خصاص الزيت ) بتكلبش فى جدران الماسوره دى من الداخل

وتعمل الوضع اللى أنت شوفته

جبت مفك ولمدة نص ساعة لحد مانضفت الجلخ ده

تصرف سليم ...........وليه سلبياته للأسف

ولو كنت طلعت الماسوره بره
فى أى مرات تغيير الزيت مثلا
وقمت بالواجب ......فكان ذلك هو الأفضل

المشكلة بقى ان الماسورة عاملة حرف اس متقدرش تعرف ايه الوضع فيها من تحت

لاحظ التعليق السابق مباشرة

وأنت وهى بره المكنه ( حتقدر تصرف معاها صح )

طب الزيت المحروق ده كله جه منين وسببه ايه وهل ممكن الماسورة تكون مقفولة جزئيا من اسفل

تصلب شرايين

وهل انتفاخ الكاوتشة ده كان مؤشر لحاجة غير طبيعية بتحصل مع انى بغير زيت بانتظام وكل مرة بغير فلتر الزيت

عمر أفتراضى لكاوتشة البخار ( علشان دى لغة السوق )

بسبب تعرضها للحراره وضغوط أبخرة الكارتير


وطالما مش مقطوعه أو مخرومه ومحكومه من نهايتها
ممكن تسيبها شويه (مع المتابعه )

أو تتخلص منها

طالما هى رخيصه زى مابتقول ( 5 ج )

[w-m-a]

متقولش الكلام ده يامحسن باشا

فلاتوجد مشكله أطلاقا

وأنت بتتكلم صح برضه ( لأن دى لغة السوق )

بس لازم نربط بين لغة السوق ولغة العلم (اللى فى الكتالوجات )

ماهو لوعرفنا اللى فى الكتالوجات
حنعرف نتعامل بسهوله شديده مع السوق

وحضربك مثل يضحك وبفضل الله جبته من دماغى
لما ربطت بين لغة السوق ولغة الكتالوجات

الميكانيكيه بيقولوا على قطعه هندسيه

أسمها cam follower

وتسمى فى بعض الكاتولجات valve tappet

كستبان .....( دى تسمية السوق )

ولوعربناها علميا
يبقى أسمها تابع الكامه

ليه هو سماها كستبان ......
لأنه ملقاش حاجه ملموسه فى حياتنا العمليه يربط بينها وبين شكل هذه القطعه الهندسيه

غير الكستبان اللى بيحطه الخياط (الترزى ) فى صباع السبابه الشمال

(عامل شبه قرطاس من الحديد )

وبيحطه الخياط فى صباعه الشمال
علشان وهو ماسك الأبره بيده اليمنى بين الأصابع وبيخيط يدويا أو بيركب زراير للملابس
علشان الأبره متكشوش فى صباعه الشمال

شفت الصنايعيه بتربط بين الأشياء أزاى

_______________________________



عادى حدوث هذا بسبب سخونة أبخرة الكارتير

لأن الخرطوم مصنع من الكاوتش ومع الضغوط للأبخره الساخنه
بيحصل تممد فى جزيئات الكاوتش ويتنفخ للخارج وممكن ينقطع ويتهتك بسبب أنهيار التماسك بين جزيئاته



عادى برضه
أفلا تسمع عن مرض تصلب الشرايين
وتراكم الدهون الضاره والكوليسترول على جدران الأورده والشريان
نفس القصه

بعض الراتنجات الزيتيه والكربونيه ( مع حريق المكنه وتغير خصاص الزيت ) بتكلبش فى جدران الماسوره دى من الداخل

وتعمل الوضع اللى أنت شوفته



تصرف سليم ...........وليه سلبياته للأسف

ولو كنت طلعت الماسوره بره
فى أى مرات تغيير الزيت مثلا
وقمت بالواجب ......فكان ذلك هو الأفضل



لاحظ التعليق السابق مباشرة

وأنت وهى بره المكنه ( حتقدر تصرف معاها صح )



تصلب شرايين



عمر أفتراضى لكاوتشة البخار ( علشان دى لغة السوق )

بسبب تعرضها للحراره وضغوط أبخرة الكارتير


وطالما مش مقطوعه أو مخرومه ومحكومه من نهايتها
ممكن تسيبها شويه (مع المتابعه )

أو تتخلص منها

طالما هى رخيصه زى مابتقول ( 5 ج )

رد رائع
وافى وكافى
الله يفتح عليك

[Dr.lancer]

ألف ألف شكر لجميع من جاوبنى و فعلا يا باشمهندس سمير يظهر إن الفسيخ كان حامى عليها شوية. أو قالت أفتح فتحة فى الخرطوم أشم هوا شم النسيم أنا كمان إشمعنى صاحبى!!!! ألف ألف شكر

[samirayad]

رد رائع :b4_388:
وافى وكافى
الله يفتح عليك

الله يخليك يا أخى

ألف ألف شكر لجميع من جاوبنى و فعلا يا باشمهندس سمير يظهر إن الفسيخ كان حامى عليها شوية. أو قالت أفتح فتحة فى الخرطوم أشم هوا شم النسيم أنا كمان إشمعنى صاحبى!!!! ألف ألف شكر

هههههههه

[msobhy]

احب أزود على كلام الاخوة مع انها قطعه صغيرة وواضحه ومش فى مكان مزنوق لكن تركيبها مقرف مووووووووووووووووووووووووووووووووووووووووووووووووو وووت

[yssryaae]

احب أزود على كلام الاخوة مع انها قطعه صغيرة وواضحه ومش فى مكان مزنوق لكن تركيبها مقرف مووووووووووووووووووووووووووووووووووووووووووووووووو وووت

اه والله معاك حق انا قعدت ساعة اركب فيها ومعرفتش برده روحت لميكانيكى ركبهالى واخد 5 جنيه مع ان الكاوتشه تمنها 5 جنيه وعجبى

[Dr.lancer]

الحمد لله تم تغيير الكاونشة النهاردة و فعلا معروفة بإسم كاوتشة بخار و جبتها من محل فى عرب المعادى و على فكرة فى منها الأصلى بتاع اللانوس (الكاوتشة كانت فى كيس متبرشم و عليه علامة دايو) و سعرها 10 جنية و فى منه مصرى منغير كيس بخمسة جنيه. الله أعلم إن كان فى فرق أو لا. المهم جبت الأصلى و غيرتها بعشرة جنية تركيب.