العربيه بتعتى مش بتعدى 160 كيلو / ساعه فى السفر

[titanicsee100]

يا جماعه انا العربيه بتعتى مش بتعدى 160 كيلو / ساعه فى السفر رغم انى اعرف ان اللانوس بتفتح اكتر من كده حد عارف ليه

انا كنت ديما بسمع صوت شخشخه فى الماتور وو مكنتش عارف الصوت منين لفيت كتير اوى اللى يقولى الديناموا و اللى يقولى سير اليدناموا واللى يقولى صوت عادى عمر الماتور و فى النهايه روحت لواحد شاطر اوى قعد يفك فى الماتور لحد ملقى طلمبه المياه كانت رايحه خالص و سايحه من الحراره و كان صوت الشخشخه منها المهم غيرتها ب نوع ايطالى 120 جنيه و الصوت بقى عال اوى و حراره الماتور اتظبطت لانها كانت بتعلى برده

[احمد المصرى]

يا باشا العربيه بتجيب 160 ما شاء الله انت عايز ايه تانى وكمان 160 فى الانوس يبق تقريبا مفيش فرامل علشان فرامل اللانوس مش حلوه اوى ومالها 120 علشان ترجع لبيتك واولادك بالسلامه ان شاء الله

[wael_dosoky]

العربية ما عدتيش 160؟؟
لا بس هتلاقي فيه عطل في ميكانيكا فرد الأجنحة عند في الطيارة (اقصد السيارة)
يا اخي خد بالك السرعة الزائدة اوي كده صعب اوي وخصوصاً ان الطرق عندنا موش متصممة علي كده لا في طبيعة مواد الطريق ولا في ملفاته وبعدين ياعني في الأخر وفرت نصف ساعة علي الطريق لما تدخل المدينة سواء القاهرة او الأسكندرية او اي مدينة في مصر الزحام داخلها هيأكل اي وفر انت عملته
ربنا يستر طريقك وطريقنا جميعاً

[hosar]

يا باشا العربيه بتجيب 160 ما شاء الله انت عايز ايه تانى وكمان 160 فى الانوس يبق تقريبا مفيش فرامل علشان فرامل اللانوس مش حلوه اوى ومالها 120 علشان ترجع لبيتك واولادك بالسلامه ان شاء الله

+111111111

[ahmad--ezzat]

السرعه كويسه...انت عايز اكتر من كده ايه

[dr.hany]

احمد ربنا انها مابتجبش السرعه ديه

[karimmelegy]

ياجماعة الراجل مش بيقول أنه حيمشى فى السفر على السرعة دى على طول ... بس الواحد دايماً بيحب أنه يشوف العربية اللى معاه بتوصل لكام ( آخر السرعة )

يعنى الأداء بشكل عام


وربنا يسترها معاك

[محمد الشامي]

والله انا شايف ان العربيه ممكن تجيب اكتر من كده , بس المهم تكون موفرلها العوامل المساعده
يعني مثلا من العوامل اللي بتأثر في سرعه العربيه :-
1- وزن الحموله الموجوده في العربيه
2- مستوى الطريق اللي انت ماشي عليه
3- جودة الأسفلت اللي ماشي عليه
4- نوع الكاوتش والنقشه بتاعته , وكمان أبعاد الكاوتش نفسها , ومدى نسبه الإحتكاك بين الكاوتش والأسفلت
5- حاله الموتور العامه , وحاله الرشاشات و ........ مثلا يعني

وكمان انا شايف الاسلوب المتبع للنقلات بيفرق كتير في الوصول لسرعه معينه

يعني انا شخصيا لما بتبع اسلوب نقل الغيارات على الـ rpm العادي من 3000 الى 3500 لفه , فبيكون انسب سرعه ممكن توصلها عل الغيار 5 هي 150 كم/ساعه
انما لو اتبعت اسلوب النقل على الـ rpm من 6000 الى 6500 لفه فبيكون الوصول بالغيارات لسرعات اكبر اسهل واسرع , وعلي سبيل المثال وعن التجربه : وصلت بالغيار 3 لسرعه حوالى 130 كم/ساعه , والرابع يوصل لغايه 160 كم/ساعه مستريح وممكن اكتر , وبصراحه انا لسا مجبتش الخامس لغايه دلوقتي نظراً لضعف حاله الطرق

لكن بشكل عام اتوقع ان الطريقه دي تخليك توصل للـ 190 او 200 كم/ساعه مستريح

وعالعموم دي مناقشه بخصوص نفس النقطه اللي بتكلم عنها

http://www.nilemotors.net/Nile/128748-a.html

مع مراعاه اننا مش بنتكلم عن عربيه فيها فلتر رياضى مثلا او متسقطلها موتور او اي حاجه من التعديلات دي , احنا بنتكلم عن عربيه بحالتها الاصليه

[Samir Elshahawy]

يعني انا شخصيا لما بتبع اسلوب نقل الغيارات على الـ rpm العادي من 3000 الى 3500 لفه , فبيكون انسب سرعه ممكن توصلها عل الغيار 5 هي 150 كم/ساعه
انما لو اتبعت اسلوب النقل على الـ rpm من 6000 الى 6500 لفه فبيكون الوصول بالغيارات لسرعات اكبر اسهل واسرع , وعلي سبيل المثال وعن التجربه : وصلت بالغيار 3 لسرعه حوالى 130 كم/ساعه , والرابع يوصل لغايه 160 كم/ساعه مستريح وممكن اكتر , وبصراحه انا لسا مجبتش الخامس لغايه دلوقتي نظراً لضعف حاله الطرق

لكن بشكل عام اتوقع ان الطريقه دي تخليك توصل للـ 190 او 200 كم/ساعه مستريح

أستاذ / محمد ...

انا طبعا مش معترض علي كلامك بالعكس بأتفق معاك و لكن أختلافي معك أنك كده بتحمل علي الموتور يعني لما تنقل علي لفات اقل (3000 لفة/دقيقة) بيكون أفضل للموتور علشان كده في العربيات المانيوال 5 سرعات و الاوتوماتيك 4 بس لأن الاوتوماتيك بينظم نفسه علي سرعة 3000 لفة/دقيقة لأن هي دي السرعة المناسبة للتغيير

أما بالنسبة للأخ صاحب الموضوع ...
مافيش مايمنع أنك تمشي بسرعة 160 كم/ساعة بس بشرط توافر الاتي :
- طريق جيد خالي من المطبات و العوائق و المفاجأت
- سيارة جيدة تثق بقدرتها علي الاستجابة لمتطلباتك المفاجئة يعني (فرامل جيدة جدا - توجيه سريع الاستجابة و مظبوط - أتزان جيد جدا - .... ألخ)

و اعتقد الشروط دي صعب توافرها معا في مصر علشان كده بنشوف و نسمع كل يوم عن حوادث سيارات من مختلف الفئات (و منها ماهو أفضل من اللانوس بكثير) و علي مختلف الطرق

أنا مش ضد السرعة و لكني ضد التسرع يعني انا مشيت كثير بالانوس 170 كم/ساعة بس كنت واثق من العربية + قدرتي علي التحكم بها + حالة الطريق اللي كنت بأسافر عليه تقريبا مرتين أسبوعيا
وحاليا متوسط سرعتس بالسيارة اللي معايا هو من (120 - 140) كم/ساعة بس علي طرق انا حافظها و العربية بأعمل عليها كشف دوري أسبوعي بأجريه بنفسي علشان أكون مطمئن

لكن برضه أرجع و أقولك أن أرادة ربنا و عنايته هي أكبر من كل ده و هو خير حافظ

ربنا يسترها معانا جميعا

و تقبلوا جميعا خالص تحياتي
م/ سمير الشهاوي

[محمد الشامي]

أستاذ / محمد ...

انا طبعا مش معترض علي كلامك بالعكس بأتفق معاك و لكن أختلافي معك أنك كده بتحمل علي الموتور يعني لما تنقل علي لفات اقل (3000 لفة/دقيقة) بيكون أفضل للموتور علشان كده في العربيات المانيوال 5 سرعات و الاوتوماتيك 4 بس لأن الاوتوماتيك بينظم نفسه علي سرعة 3000 لفة/دقيقة لأن هي دي السرعة المناسبة للتغيير

مشكور يا باشمهندس سمير على الرد
انا مقولتش ابدا ان الموضوع ده شئ محبوب والمفروض الواحد يعمله في كل وقت لكن انا بعرض للأخ الكريم صاحب الموضوع طريقه مجربه للوصول لأقصى سرعه بأسرع وقت ..


واتفق تماماً مع حضرتك ان ده تحميل على الموتور واكيد كلما زادت السرعه كلما قل عمر المحرك , وعشان كده الأسلوب ده بيتبع بس لما يكون الواحد عايز يفوق العربيه او حابب يجرب السرعه القصوى بالنسبه لعربيته ..

[د.محمود صلاح]

أقصى سرعة مسموح بيها للسفر عشان تتطمئن على نفسك وعلى جيبك من مخالفات الرادار هي 80

[bshndi]

إتقي الله يا سيد لو عندك ولاد ولو ما عندكش برضه ليك ناس هايزعلوا عليك ، عاوز أقولك إني مشيت بالعربية 165 آخر سرعة وصلت لها بلانوس 2010 وعلي طريق مصر إسماعيلية الصحراوي يعني تقريباً حرير بس حاسس إن الدركسيون مش مضبوط في إيدي وكمان شعرة يمينأو شمال تخليك تحدف 20 أو 30 متر بالميت فليه تخاطر إنت مش معدل موتور وكمان إنت ما قولتش أخبار كاوتشك إيه عرضه أد إيه وكمان فراملك أخبارها إيه يعني لو دوست فرامل مش علشان تقف علشان تهدي إيه هايكون رد الفعل ! مش عاوز أخليك تتخيل أكثر من كده بس متهيألي إنك لما تتجوز هاتهدي زينا كلنا :) حاجة كده بتخلي قلب الواحد يبقي خفيف !
تحياتي وإحتراماتي