الحقوني بسرعة

[wlelw2003]

شوفت شكل البوجيهات القديمه ولا لا

وياريت تكشف تانى على البوجيهات الجديده
وشوفها معرقه زيت ولا لا


وهل بتابع منسوب زيت المكنه كويس والمقاس ثابت ولا بتزود

البوجيهات كويسة لان الميكانيكي كشف عليها و قال حرقها كويس
مقاس الزيت لسة مغير و اللى غير الزيت قاس الزيت القديم و قال ان المكنة مش بتاكل زيت

[wlelw2003]

ومتعرفش الميكانيكى

عمل ايه علشان تشتغل معاك تانى

لعب فى الفيشة بتاعة و الموبينة ز مشيت و بعد ما ارجع البيت و اجي انزل تاني تدور و تفصل

[wlelw2003]

الاعراض اللي حضرتك بتقولها اقرب حاجة ليها هي الطرمبة او بمعنى اصح موتور الطرمبة

جبت كهلربائي قال ان الطلمبة كويسة و ضغطها كويس

[samirayad]

لعب فى الفيشة بتاعة و الموبينة ز مشيت و بعد ما ارجع البيت و اجي انزل تاني تدور و تفصل

حل ياباشا فيشة البوبينا
وروقها كويس هى وبيتها على البوبينا
بمنظف ألكترونيات من النوع الرطب وليس الجاف
وقفلها تانى كويس
وتوكل على الله وشغل

[wlelw2003]

حل ياباشا فيشة البوبينا
وروقها كويس هى وبيتها على البوبينا
بمنظف ألكترونيات من النوع الرطب وليس الجاف
وقفلها تانى كويس
وتوكل على الله وشغل

شكرا يا باشمهندس سمير على المتابعة هجرب و اقولك بس اية هو منظف الالكترونيات ممكن مثال

[wlelw2003]

هو ممكن اغير الفيشة دى بتاعة الموبينة

[samirayad]

وتغيرها ليه ...........؟
ماتجرب اللى قولتلك عليه الأول

ماهو الميكانيكى لما لعب فيها أشتغلت على ماروحت

يعنى الأطراف تمام

بس عندك عيب أتصال فقط

[wlelw2003]

الحقوني يا سمير و الشامي و ممدوح و باقي الاعضاء العربية الحمد لله مش بتدور ولو دارت 3 ثواني و تفصل امبارح الميكانيكي قال ان العيب ممكن يكون الكونتاكت بيفصل او حساس الكرنك على ما اعتقد طب اية هو حساس الكرنك دة و موجود فين في العربية و لو عاوز يتغير بكام جديد ولا استيراد

[samirayad]

لو الكونتاكت لما بتفتحه ....لمبات البيان اللى فى التابلوه بتنور عادى

وبتشغل الكاسيت والأزاز عادى
يبقى شيل الكونتاكت من اللعبه

- حساس الكرنك على بلوك المكنه من الخلف بجوار طلمبة الزيت

- برضه أطمن على فيشة الطلمبه بتاعة البنزين

وأتأكد أنك بتسمع صوت تحضير الطلمبه ( صوة التشه المعروف بتاعها لمدة ثانيتين )
بعد فتح الكونتاكت مباشرة

وركز شويه فى كل النقاط اللى قولنا عليه
قبل ماتروح لحساس الكرنك


_ يعنى شوف العيب منين الأول ( حتى شوف ميكانيكى يأكدلك على الكلام ده ........لو أنت مش عارف )

من دايرة البنزين ( بسبب عدم أستجابة الطلمبه الفورى لفتح الكونتاكت )

أو من دايرة الأشعال ( زى ماقولنا قبل كده على البوبينا )

[wlelw2003]

الموضوع طلع ان الموبينة الجديدة الاصلى باظت من 5 ايام شغل و الراجل مرضيش يرجعها لانها ملهاش مرتجع يعني طلع العيب من الموبينة لاني جبت موبينة تانية اشتغلت العربية زي الفل و شكرا ليكم جميعا و ليك يا سمير
اخوكم وائل ربيع