الى الخبراء بجد

[alynubira]

اولا الف شكر للبشمهندس سمير لانى سالته على البنزين قبل كده بس باسم تانى ورد احسن من التوكيل
ثانيا المشكله
العربيه الحمد لله مظبوطه كلها بس بتاكل بنزين بطريقه غريبه انا حطيت انهارده stpعلى امل يمكن!!!!!!
على فكره اغلب العربيات الدايو بتشتكى من البنزين ارجو من الساده الاعضاء عمل موضوع منفصل للبنزين
اهعربيتى نوبيرا 1

[engoss1990]

يعني بتستهلك اد ايه بنزين مثلاً؟

[alynubira]

العربيه بتستهلك حوالى 6.5ك/1لتر
يعنى حوالى 130كيلو فى الصفيحه

[engoss1990]

طب ايه اخبار الزيت(بينقص؟) و الفلاتر و البوجيهات واسلاكها والبوبينة و الطرمبة و الرشاشات و حساس الشكمان والشكمان والسيور؟

طب سواقة حضرتك عاملة اذاي؟ بتنقل علي كام؟

[alynubira]

ماهو اللى مجننى:b4_237: ان كله تمام
والعربيه اتوماتيك

[engoss1990]

ماهو اللى مجننى:b4_237: ان كله تمام
والعربيه اتوماتيك

زيت الاتوماتيك ايه اخباره؟
سحب العربية؟
اخبار الفرامل و البلي؟

ولو دول كمان تمام يبقى دي مسابقة الغاز حضرتك عاملها في المنتدي و اقدر اقولك غلب حماري


و استنى رآي الخبراء

[alynubira]

ولو دول كمان تمام يبقى دي مسابقة الغاز حضرتك عاملها في المنتدي و اقدر اقولك غلب حماري


مش باقولك هاجنن
و استنى رآي الخبراء

وانا معاك مستنى

[samirayad]

العربيه بتستهلك حوالى 6.5ك/1لتر
يعنى حوالى 130كيلو فى الصفيحه

طيب بتحسبها ازاى الاول.............؟

[batviser]

لو العربيه مش بتشتكى من حاجه حطها على اسكانر و خلى الصنايعى يبص على قيم حساس الشكمان ... لان لما حساس الشكمان بيعطل استهلاك البنزين بيزيد بغباوه ....

بس فى الحاله دى هتحس ان العادم ريحته نيه ... يعنى ريحته فيها بنزين ...

[alynubira]

طيب بتحسبها ازاى الاول.............؟

اولا بافول وبعدين اصفر العداد وبعدين افول تانى واحسبها
طيب انا عايز اعرف حاجتين
1-هل اضع بنزين 80
2-او اغير الرشاشات لرشاشات هيونداى مع العلم ان رشاشاتى كويسه جدا

[samirayad]

زيت الاتوماتيك ايه اخباره؟
سحب العربية؟
اخبار الفرامل و البلي؟

لو دول تمام

وعملت أسكانر وكله تمام

والمكنه مبتكلش زيت والبوجيهات نظيفه

يبقى أنت عندك تسريب بنزين لخارج السياره من أى منطقه

[alynubira]

اولا شكرا يا سمير بيه
ثانيا العربيه تمام انا كنت مشتريها من واحد بيعملها احسن من عياله فعلا بجد مش هزار
ثالثا اعرف ازاى موضوع تسريب البنزين من خارج السياره بس لما اركنها لفترات مايبنقص ولا حاجه
على فكره قابلت صاحبها السابق اليوم وقلتله الموضوع ده قالى مانا بعتها علشان ده اللى كان مجننه
ياترى فى حل مع العلم ان كل حاجه غير كده الحمد لله كويسه بس انتوا عارفين تكلفه البنزين

[samirayad]

ياترى فى حل مع العلم ان كل حاجه غير كده الحمد لله كويسه بس انتوا عارفين تكلفه البنزين

الحقيقه أنا مش شايف فيه حاجه سيبناها

فى تحليل المشكله
طالما أنت بتحسب الأستهلاك صح

غير أنه ممكن يكون تسريب من أى منطقه

__________________________


وفيه سؤال كده على الماشى

هل بتقابلك مشاكل وقت التموين فى البنزينه ..........؟

يعنى الراجل بيقلل سرعة مسدس التموين علشان تعرف تفول كويس

( علشان لما بتمون بنزين سريع )
ممكن المسدس يفصل معاه كذا مره

[dr.hany]

وفيه سؤال كده على الماشى

هل بتقابلك مشاكل وقت التموين فى البنزينه ..........؟

يعنى الراجل بيقلل سرعة مسدس التموين علشان تعرف تفول كويس

( علشان لما بتمون بنزين سريع )
ممكن المسدس يفصل معاه كذا مره

نفس الموضوع عندى برضه.وسالت اكتر من راجل من عمال البنزينه قالوا تقريبا كل الانوس كده

[engoss1990]

*ممكن يكون حضرتك مركب كاوتش اصغر من الاصلي بتاع العربية فالمكنة بتقطع مسافة اقل بنفس كية البنزين

*ممكن يكون عند حضرتك مشكلة برمجية(خلل في المعادلات الحسابية) في الecu يعني هو اكيد كمبيوتر نظريته هي زي اي كمبيوتر وممكن يكون المشكلة اللي فيه مشكلة سوفت وير زي ما بيحصل في اي موبايل او الpc
فانا رأي حضرتك تجرب ecu مستعمل مشوار وتشوف الاستهلاك اوتنزل للecu سوفت و دي انا عمري ما سمعت عنها