عندى مشكلة الحرارة فى الدايو

[naguib2005]

عندى مشكلة الحرارة فى الدايو لانوس موديل 2000 و مش لاقيلها حل ابد و مش عارف اعمل ايه بترفع لدجة ان المياه فى الاربة بتغلى بطيقة معبة فبوقف العربية و اسيبها تبد و بعدين احط ميه و ده طبعا مالوش علاقة بحارة الجو

[ahmedsrs]

شوف ياسيد نجيب ممكن يكون سبب ارتافاع الحرارة الأسباب الأتية
1- نقص مياه التبريد نتيجة تسريب بالراداتير او المواسير او ماسير التدفئة بالتابلوه وده بيبان على شكل مياه داخل او خارج السيارة او تلف غطاء القربة
2- عدم تحريك المياه لتقوم بالتبريد وممكن يكون السبب تلف طلمبة المياه تلف سير الطلمبة انسداد بالراداتير او المواسير
3- اسباب اخرى كتلف ترموستات الكوعة المسئول عن تسخين السيارة مشكلة بالمراوح او حساسات الحرارة
4- تلف بالشكمان
ارجو اكون قد اوضحت بعض الأسباب

[Sherif Khalifa]

افتح غطاء الاربة و زود بنزين شوف فى تقليب للمياة من الطرمبة ولا لا
لو مفيش يبئة الطرمبة فيها مشكلة مش بتسحب المياة و تمشيها فى الدورة بتاعتها فا المياة السخنة بترد تانى فى الاربة (العربية عملة كام الف و غيرتها ابل كدة ولا لا؟)

- تانى حاجة شوف الردياتير متسلك ولا مسدود
شوف واحد بتاع ردياتير و هوا بيشوف ضغط المية الى طلعة منة كويسة ولا فى حاجة سداها

- ملحوظة حصرتك بتؤل انك يتسب العربية لما تبرد و تزود مياة فا خلى بالك لازم تكون العربية شغالة علشان وش السلندر ميضربش
لانى معتفدش انك بتسبها لما تبردة و المعدن ياخد درجة حرارة الجو

[coool911]

أتأكد إن العربيه بتقلب الميه....(يعنى الميه بتكون رايحه جاية بين الرديتير والموتور)سواء العيب من طلمبة الميه أو السير أو حاجه مسدوده
نفس المشكله حصلتلى وهو ده كان العيب