متى يقل مستوى زيت الوتور

[mido70007000]

انا عربيتى لانوس 1997 ومغير زيت من شهرين واصبح الان مقياس الزيت فى منتصف العلام بتاع المقياس
هل ده طبيعى ولا ايه ؟
انا عملت حوالى 3000 كيلو فى الشهرين دول
ارجو الافادة من اخوانى الاعضاء لان الموضوع ده قالقنى جدا
مع تحياتى

[ابوهاشم]

طيب انت مغير زيت نوعه ايه
وعلى العموم الفتره اللى فاتت
كان فى شوية ايام حر جدا
احتمال كبير يكون الزيت حل وبدأ يتبخر

[mido70007000]

الزيت نوعه بترومين اللى بيعمل 3000كيلو

[ابوهاشم]

طيب طالما هو 3000ك يبقى احتمال كبير زى ماقولتك
من يومين الحر
وبعدين لما يكون الزيت 3000ك يبقى المفروض تغير قبل كده بشويه
خلى بالك ان فى اوقات كتير بتقف فى طرق زحمه بتعد على الزيت
لفكن مش بتعد فى العداد
يعنى مثلا داخل البلد انت ممكن تعمل مشوار 30ك فى حوالى ساعتين
فى نفس الوقت اللى ممكن تسافر فى الساعتين دول اسكندريه
غير الزيت وان شاء الله خير

[ابوهاشم]

معلش سؤال تانى
انت اول مره تستعمل الزيت ده ولا متعود عليه

[A7MED_PHARMA]

وبعدين شوف لو فيه تسريب عندك من غطا التاكيهات ولا لأ؟؟
وشوف العادم بتاع العربية لونه عامل إزاي؟؟؟



صباح الفل يا أبوهاشم

[yahiahelaly]

ا مش طبييعي حتى لو الدنيا حر جدا مش ده البترومين الي بحاجه وتسعين الي جركنه سلفر والكتابه احمر الترا فين انا بمشي عليه خمسه وهوة خمس الاف فعلا ومش بيقل اطلاقا لو قل بيبق لا يتعد الملي لما بوصل ل5000 ممكن تكون المكنه بتاكل زيت فوتت يعني بس شوف فعلا لون العادم والعزم عامل ايه

[mido70007000]

شكرا على اهتمامكم
انا لقيت فعلا تنقيط على خفيف لما أقف بالعربية بعد المشوار ورحت أغير زيت النهارده وقلت للعامل اللى بيغير الزيت شوف الطبة فيها مشكلة ولا ايه قاللى الزيت بينزل من فوق الطبة ومش عارف اعمل ايه ؟
على فكرة انا ساكن فى 6 اكتوبر لو حد يعرف ميكانيكى كويس قريب من 6 اكتوبر يبقى كتر خيره يبقى يكشف لى على الجوان اللى فوق الكرتيرة
مع تحياتى

على فكرة عزم المكنة كويس جدا ولون العادم ممتاز (ملوش لون يعنى ) الحمد لله
انا باشك فى موضوع التنقيط دة هو اللى بينقص الزيت والا ايه رأيكم
مع الشكر

مساء الفل يا احمد باشا

مساع الفل يا ابو هاشم با شا

[محمد الشامي]

على فكرة انا ساكن فى 6 اكتوبر لو حد يعرف ميكانيكى كويس قريب من 6 اكتوبر يبقى كتر خيره يبقى يكشف لى على الجوان اللى فوق الكرتيرة

في ميكانيكي اتعاملت معاه كذا مره بس فـ حاجات خفيفه كده , والراجل محترم وأمين ومش من النوع اللي بيعمل شغل ويبيع كلام

هو مكانه عند النجده , ورا حسنى الكبابجي

لو انت جاي من الميدان هتكون البنزينه على يمينك وبعدها على طول حسنى الكبابجي , ادخل الشارع اللي جنبه , هو شارع قصير طوله اقل من 50 متر

هتلاقي ورشه الاسطي احمد واخده ناصيه صغيره على يمينك , قوله انت عايز تعمل ايه وخليه يبصلك على العربيه بشكل عام , واسمع منه , لو كلامه ريحك وحسيت انه راجل كويس يبقه على خيرة الله

هو الراجل معايا لغايه دلوقتي كويس , بس بصراحه مدخلتش معاه في حاجه فنيه اوي , يعني كلها صيانه عامه او تغيير بلي او سير كاتينه والشغل ده يعني

وممكن لو حبيت , قوله انك من طرفي (طبعا انا اخوك الصغير) بس قوله محمد اللي معاه اللانوس البيضاء اللي كان بيغير عندك بلي العجل الامامي من اسبوعين وربنا يستر عليك بعدها طبعا بهزر معاك

[mido70007000]

شكرا يا سعادة الباشا وربنا يخلليكوا لينا على طول يا احلى شباب فى مصر
مساء الفل يا شامى يا حبيبى وانت كبير المقام والله

[محمد الشامي]

مساء الفل يا شامى يا حبيبى وانت كبير المقام والله

العفو يا باشا متقولش كده

[ابوهاشم]

طيب هو التنقيط ده بيبقى كتير ولا مجرد كام نقطه بتلاقيهم
تحت عربيتك بعد الركنه
على العموم لو من فوق الطبه يبقى جوان كارتيرة الزيت
محتاج يتغير وبعده اغسل الموتور وتابع تانى اذا كان فى نشع
بس مبدئيا لازم تغير الزيت طالما نقص كده

[mido70007000]

فعلا بعد المشاوير بيتم تنقيط نقطتين تلاتة كدة
وغيرت الزيت الحمد لله ومازال التنقيط شغال على خفيف