حساس الشكمان وعلاقته بالرشاشات

[Dr.lancer]

من مشاهداتى لكل مواضيع تغييرالرشاشات للانوس لقيت شوية أسئلة متكتبش فيها إجابة وافية :

1) إتكتبت مشاركات عن شكوى من رشاشات الهيونداى من الخنقة قبل السحب مع قرصة البنزين و أعضاء تانية أشتكت من زيادة إستهلاك البنزين عند تغييرها برشاشات BMW M40 و كان رد الإستشاريين بالنفى فى الحالة الثانية لوجود حساس الشكمان اللى بينظم الموضوع ده جزئيا. طيب و العربيات اللى مافيهاش حساس فى الشكمان زى عربيتى موديل 99 هاف اوبشن؟ هل ممكن تركيب حساس جديد فيها لما أغير الرشاشات. لأنى وجدت مشاركات لأعضاء الميكانيكى بتعهم طلب تغيير حساس الشكمان عند تغيير الرشاشات علشان يحسوا بفرق؟


2)فى أعضاء غيروا رشاشات هيونداى لكن موش عارفيين نوعها؟ الأستاذ محمد ممدوح قال الأكسنت و فى أعضاء غيروا من اكسيل و أخريين من نوبيرا؟ فهل ينفع أى رشاش كورى 1600؟

3) عند تغيير الرشاشات لازم تتنضف على الألتراسونيك و يتغير معاها البوجيهات علشان بتأثر عليها؟ ولا على التجربة؟ شكرا

[3ateef]

2)فى أعضاء غيروا رشاشات هيونداى لكن موش عارفيين نوعها؟ الأستاذ محمد ممدوح قال الأكسنت و فى أعضاء غيروا من اكسيل و أخريين من نوبيرا؟ فهل ينفع أى رشاش كورى 1600؟
افتكر..لأن على ما اتذكر انى قريت ان فى ناس بتغير برشاشات الانترا....
3) عند تغيير الرشاشات لازم تتنضف على الألتراسونيك و يتغير معاها البوجيهات علشان بتأثر عليها؟ ولا على التجربة؟ شكرا
افتكر ان الافضل انها تتنضف ويتغير معاها البوجيهات عشان تدى افضل اداء...

فى انتظار رد اهل الخبرة وباقى الاعضاء.....

[A.samy]

لو عربيتك موديل 99 يبقى فيها حساس شكمان
حتى لو هاف اوبشن

[Dr.lancer]

لو عربيتك موديل 99 يبقى فيها حساس شكمان
حتى لو هاف اوبشن

طيب لو أفترضت هذا هل لازم يتغير مع تغيير الرشاشات

[Hany A Fattah]

طيب لو أفترضت هذا هل لازم يتغير مع تغيير الرشاشات:f_eyeb1[1]:

لا مش لازم بس انت لازم تحط العربيه على اسكانر وتشوف هو محتاج تغيير ولا لأ

[MMamdouh]

من مشاهداتى لكل مواضيع تغييرالرشاشات للانوس لقيت شوية أسئلة متكتبش فيها إجابة وافية :

1) إتكتبت مشاركات عن شكوى من رشاشات الهيونداى من الخنقة قبل السحب مع قرصة البنزين و أعضاء تانية أشتكت من زيادة إستهلاك البنزين عند تغييرها برشاشات BMW M40 و كان رد الإستشاريين بالنفى فى الحالة الثانية لوجود حساس الشكمان اللى بينظم الموضوع ده جزئيا. طيب و العربيات اللى مافيهاش حساس فى الشكمان زى عربيتى موديل 99 هاف اوبشن؟ هل ممكن تركيب حساس جديد فيها لما أغير الرشاشات. لأنى وجدت مشاركات لأعضاء الميكانيكى بتعهم طلب تغيير حساس الشكمان عند تغيير الرشاشات علشان يحسوا بفرق؟

اولا انا مش شايف "زيادة" فى استهلاك البنزين سواء فى عربيتى - لانوس 2 هاف اوبشن بدون حساس شكمان - ولا عربية الوالد - لانوس 1 هاف بحساس شكمان - و العربيتين فيهم رشاشات BMW... الشكوى كانت دايما من خنقة فى العربية بعد تركيب رشاشات الهيونداى فا واضح ان معدل سريانها اصغر من المطلوب

بالنسبة لموضوع تغيير الحساس فا دة مش ضرورى الا لو الحساس تالف... اللى بيبقى ضرورى هو تغيير البوجيهات لانها غالبا بتكون اتهببت و حالتها سيئة من تسييل الرشاشات

2)فى أعضاء غيروا رشاشات هيونداى لكن موش عارفيين نوعها؟ الأستاذ محمد ممدوح قال الأكسنت و فى أعضاء غيروا من اكسيل و أخريين من نوبيرا؟ فهل ينفع أى رشاش كورى 1600؟

شروط تغيير الرشاشات اربعة... معدل السريان و فيش الكهرباء و المقاومة الداخلية و مكان التركيب... لو الرشاش اللى انت عايز تركبة بيوفى الاربع متطلبات دول يبقى ممكن تركبة بغض النظر هو من عربية ايه او بلدة ايه

3) عند تغيير الرشاشات لازم تتنضف على الألتراسونيك و يتغير معاها البوجيهات علشان بتأثر عليها؟ ولا على التجربة؟ شكرا

التنظيف بالالترا سونيك طبعا مفيد بس هل حتنضف طقم رشاشات قبل ما تجربة؟؟؟ ممكن يطلع رشاش بيسيل او قاطع و ساعتها حتكون صرفت علية... و ممكن يكون حالتة كويسة و مش محتاج نضافة على الاقل فى الوقت الحالى

يعنى باختصار هى حاجة كويسة بس مش ضرورية و متعملهاش الا لو اتاكدت ان الرشاشات اللى اشتريتها شغالة تمام

MMamdouh