مشاكل الدايو عموما

[ads]

ايه رايكم يا جماعه كل واحد يكتب المشاكل الى واجته فى عربيه الدايو علشان نتجنب الاتى:-
1- اذا لقدر الله حصل مشكله مفاجأه فى العربيه اثاء القياده نعرف نتصرف ازاى سواء عملناها بنفسها او اذا استنجدنا بفنى امكنياته ومعلوماته ضعيفه .
2-اذا روحنا الى فنى وحب يعمل علينا شغل فبتالى لما يبقى عندنا الخلفيه بالمشاكل فالموضوع هيبقى صعب على الفنى انه يخدعنا .
فياريت اى حد معاه دايو سواء كانت لانوس او جوليت او نوبيرا او ليجانزا او كانت معاه وباعها ,يكتب لنا المشاكل الى واجهته اثناء استخدامه للعربيه من تاريخ الشراء الى الان .
وانا هبتدى بنفسى
انا معايا لانوس 99 فول اوبشن اوتوماتيك اشترتها مستعمله فى 10/2005 ومعايا لحد دلوقتى والمشاكل الى واجتنى هى
1-اول لما جبت العربيه لاحظت ان استهلاك النزين عالى كانت بتعمل 80كم فى الصفيحه روحت التوكيل غيرو حساس الاوكسجين والعربيه رجع المعدل بتعها الى 150 فى الصفيحه
2-العربيه كانت بتأخر فى الدواره جامد والعيب طلع من الرشاشات وغيرتهم.
3-الكوبلن الشمال كان بيطقق فى الدوران غيرت الكوبلن بالكامل.
4-العربيه كانت بتقطع فى السلانسيه وفى اثناء المشى البوجيهات كانت بايظه وغيرتهم .
5-العربيه كانت بتبطل لما ادوس فرامل او اهدى طلع منظم egr وهوه واحد شكل استوانى مثبت فوق الرشاشات بايظ طبعا علشان مفيش منه جديد الفنى لغاه (بصراحه طلع عينى لحد ما الميكانيكى عرف ان العيب منه )وغيرت حاجات كتير قبله ملهاش لازمه انها تتغير.
6-النور عندى كان ضعيف زودت كتاوت نور.
7-رمان بلى الدكسيون فرط طبعا الدكسيون بقى ملخلخ كان ممكن وانا ماشى لاقى الدكسيون طالع فى ايدى روحت جبت من الحرفين عامود الدكسيون كامل شامل البلى.
8-رمان بلى العجل كان خشن كان بيعمل ونه مع المشى وغيرته هوه وبيض جلب المقصات وبارات علبه الدكسيون
9-الدنيمو سعات بيشخن وسعات لا روحت جبت دينمو استيراد من عزبه شلبى وريحت دماغى
10-الفتيس كان بيرزع فى النقل جامد وسعات مبينقلش روحت التوكيل وغيرت حساس الفتيس
11-مره مختش بالى من مطب جامد وخذته جامد بعد شويه لقيت بركه زيت تحت العربيه اتارى المطب تنى كارتيره الفتيس وغيرتها هيه والجيوان .
12-التكيف كان ضعيف جدا روحت لفنى تكيف طلع ان فلتر التكيف باظ (حاجه كده شبه الكانز بس طويله شويه موجوده امام السربنتينه ) الفلتر لما بيبوظ بيطلع بالبى الى جواه فبتالى البلى بيدخل جوه مواسير التكيف ويخنق الكباس ويبوز معاه الاكسبنشن والاخير ده موجود خلف الدرج الى فى التبلوه
limo

حساس الاوكسجين بيبقى فين بالظبط وبرده حساس الفتيس الاوتوماتيك

[kimo_scorpion]

علي فكرة انا كنت ناوى أجيب لانوس بعد العيد بس كده أكيد حافكر كتير

[kimo_scorpion]

علي فكرة دايو لانوس 2009 مش مستعملة

[m_media]

السلا م عليكم ورحمه الله

انا معايا نوبيرا وبتاكل بنزين وفيه واحد تخصص نوبيرا فقط او دايوا عموما وهو ميكانيكي قلي انهم بغيروا الرشاشات بتاعت النوبيرا برشاشات هيونداي استيراد وعامله 350 جنيه وبتفرق في البنزين من 50 لحد 100 ك في الصفيحه وبتريح العربيه كمان وملهاش اي اضرار علي العموم انا لسه مجربتهاش بس ده الكلام الي اتقالي

[MMamdouh]

الموضوع قديم جدا و انا كنت حليتة من زمان باستخدام رشاشات BMW بتكلفة 200 جنية فقط

MMamdouh

[kimo20]

الحمد لله انا كنت زعلان من عربيتى بس انا دلوقتى احترمتها

يرجى مراعاه كتابة لفظ الجلالة بشكل صحيح

مشرف القسم

[ehab4367]

ارجو الافادة:معروض عليا لانوس 1 موديل 2000 عاملة 123000 كيلو.مانول فول اوبشن.صاحبها عاوز 44000 .رايكم اية؟ شكرا

[ZiX]

انا العربيه بتعتى مو2007 العيب الوحيد فيها انى لما اعدى المطب يحك فى بطن العربيه وكل الى فى الشارع يسمع صوت الحكه ياريت تقولولى اعمل ايه

[khaledazizeg]

ايه رايكم يا جماعه كل واحد يكتب المشاكل الى واجته فى عربيه الدايو علشان نتجنب الاتى:-
1- اذا لقدر الله حصل مشكله مفاجأه فى العربيه اثاء القياده نعرف نتصرف ازاى سواء عملناها بنفسها او اذا استنجدنا بفنى امكنياته ومعلوماته ضعيفه .
2-اذا روحنا الى فنى وحب يعمل علينا شغل فبتالى لما يبقى عندنا الخلفيه بالمشاكل فالموضوع هيبقى صعب على الفنى انه يخدعنا .
فياريت اى حد معاه دايو سواء كانت لانوس او جوليت او نوبيرا او ليجانزا او كانت معاه وباعها ,يكتب لنا المشاكل الى واجهته اثناء استخدامه للعربيه من تاريخ الشراء الى الان .
وانا هبتدى بنفسى
انا معايا لانوس 99 فول اوبشن اوتوماتيك اشترتها مستعمله فى 10/2005 ومعايا لحد دلوقتى والمشاكل الى واجتنى هى
1-اول لما جبت العربيه لاحظت ان استهلاك النزين عالى كانت بتعمل 80كم فى الصفيحه روحت التوكيل غيرو حساس الاوكسجين والعربيه رجع المعدل بتعها الى 150 فى الصفيحه
2-العربيه كانت بتأخر فى الدواره جامد والعيب طلع من الرشاشات وغيرتهم.
3-الكوبلن الشمال كان بيطقق فى الدوران غيرت الكوبلن بالكامل.
4-العربيه كانت بتقطع فى السلانسيه وفى اثناء المشى البوجيهات كانت بايظه وغيرتهم .
5-العربيه كانت بتبطل لما ادوس فرامل او اهدى طلع منظم egr وهوه واحد شكل استوانى مثبت فوق الرشاشات بايظ طبعا علشان مفيش منه جديد الفنى لغاه (بصراحه طلع عينى لحد ما الميكانيكى عرف ان العيب منه )وغيرت حاجات كتير قبله ملهاش لازمه انها تتغير.
6-النور عندى كان ضعيف زودت كتاوت نور.
7-رمان بلى الدكسيون فرط طبعا الدكسيون بقى ملخلخ كان ممكن وانا ماشى لاقى الدكسيون طالع فى ايدى روحت جبت من الحرفين عامود الدكسيون كامل شامل البلى.
8-رمان بلى العجل كان خشن كان بيعمل ونه مع المشى وغيرته هوه وبيض جلب المقصات وبارات علبه الدكسيون
9-الدنيمو سعات بيشخن وسعات لا روحت جبت دينمو استيراد من عزبه شلبى وريحت دماغى
10-الفتيس كان بيرزع فى النقل جامد وسعات مبينقلش روحت التوكيل وغيرت حساس الفتيس
11-مره مختش بالى من مطب جامد وخذته جامد بعد شويه لقيت بركه زيت تحت العربيه اتارى المطب تنى كارتيره الفتيس وغيرتها هيه والجيوان .
12-التكيف كان ضعيف جدا روحت لفنى تكيف طلع ان فلتر التكيف باظ (حاجه كده شبه الكانز بس طويله شويه موجوده امام السربنتينه ) الفلتر لما بيبوظ بيطلع بالبى الى جواه فبتالى البلى بيدخل جوه مواسير التكيف ويخنق الكباس ويبوز معاه الاكسبنشن والاخير ده موجود خلف الدرج الى فى التبلوه
limo

هوا ممكن يكون اصلا صاحب السيارة الى كان قبلك مهمل فيها شوية

[khaledazizeg]

انا العربيه بتعتى مو2007 العيب الوحيد فيها انى لما اعدى المطب يحك فى بطن العربيه وكل الى فى الشارع يسمع صوت الحكه ياريت تقولولى اعمل ايه

انا عندى نفس المشكلة وليها حلين
اولا:تعلى السوست وداه هيبهدل العفشة ويبوظها بسرعة وداه عن تجربة
ثانيا :تدخل على المطب بالعرض وداه افضل حل ولو فية شارع مينفعش تدخلة بالعرض يبقى يستحسن تنزل كل الى معاك وتعدية وبعدين يركبوا تانى او تبعد خالص عن الشواررع الى فيها مطبات وداه الى انا بعملة

[khaledazizeg]

المشكله انى كنت شارى العربيه مستعمله يظهر ان الاخ الى كان معاه العربيه قبلى كان مهتم بالعربيه جدا لدرجه انى مش محتاج اعمل فيها حاجه :D بس الحمد انا فضلت وراء العربيه لحد ما اصبحت كويسه .
طبعا المشاكل ده كلها ماكنتش اول ما جبت العربيه لا دى جت واحده تلو كنت كل ماخلص من حاجه حاجه تانيه تحصل
على فكره انا نسيت حاجات من ضمن المشاكل الى واجهتنى وهى :-
1-الفرامل كانت سعات بتفرمل وسعات بتبقى ضعيفه وكان فيه زيت بينزل تحت دواسه الفرامل طلع العيب فى الماستر العمومى وغيرته
2-لما كنت بمشى على سرعه 110 العربيه كانت بترج جامد طلع ان العربيه عايزه ترصيص وعملته عن بتاع الزوايا.
3-اخر مواجهنى الان بس لسه معملتهاش هوه انى بحس ان الفرامل فيها على واطى وعالى وكمان على السرعات العاليه لما ادوس فرامل بحس ان الدكسيون بيترج فى ايدى الموضوع طلع طنابير بس إن شاء الله هروح اغيرهم لانى عملتهم عند الخراط قبل كده والواطى والعالى فى الطنبوره زاد بعدها الحمد الله.

ربنا معاك :k30:

[khaledazizeg]

حساس الاوكسجين بيبقى فين بالظبط وبرده حساس الفتيس الاوتوماتيك

بص حضرتك هتلاقى حساس الاكسجين خلف اسطوانة الانجكشن هتلاقى فى ظهرة قبل وصلة الخرطوم الحساس لونة اسود وطالع منه فيشة

[khaledazizeg]

علي فكرة انا كنت ناوى أجيب لانوس بعد العيد بس كده أكيد حافكر كتير

يا استاذ كيمو مش معنى ان لو عربية فيها مشكلة بسبب الاهمال يبقى معنى كدة ان كل العربيات بنفس النظام

[systemany]

عربيه بقالها ست سنين زي مبتقول انتا شاريها 2005 وهيا موديل 99
كتر الف خيرها وطبعا الله اعلم الي انتا شاريها منو كان بيعمل فيها ايه
وبعدين ياجماعه دي مساله محافظة واستعمال مش اكتر

[amramramr]

اية ياعم انت عملت عربية مش صلحتها