دبرياج اللانوس ودبرياج النوبيرا

[zaza2002]

السلام عليكم دلوقتى ياجماعه انا عايز اعرف حاجه انا معايا لانوس 1( عامله 75.000كيلو)والحمدلله ماشيه كويس ومهتم بكل حاجه فيها وامبارح ركبت عربيه نوبيرا 2008ولقيت حاجه غريبه( الدبرياج) بتاعها(بسم الله ماشاء الله)خفيف جدا واخف من عندى بكتير والسؤال هل ده طبيعى بحكم ان انها عربيه جديده وانا عربيتى قديمه ولا فى حاجه عندى ولا النوبيرا كده واللانوس كده افيدونى يااصدقائى

[محمد الشامي]

من رأيي ان ده فرق موديل زي ما حضرتك قولت

لكن اكيد الدبرياج عند حضرتك مش تقيل بالدرجه السيئه , لانك لو مكنتش ركبت النوبيرا مكنتش هتحس بالفرق !! صح ؟؟

طبعا ده رأيي انا , وانتظر رأي الاخوه الاعضاء الاكثر مني خبره

[mahmoudysf]

انت غيرت زيت الفرامل قبل كدة لو لا غيرة وشوف النتيجه

[samirayad]

من رأيي ان ده فرق موديل زي ما حضرتك قولت

أأويد هذا الرأى

لأن كل حاجه وليها عمر أفتراضى
وكفائتها بتقل مع الأستهلاك والتقادم

وببساطه شديده
عمر ماحتكون صحة الشاب صغير السن (عربيه جديده )

مثل الرجل المتوجه ناحية قطار كبار السن ( عربيه شغاله من زمان وفارمه كيلووات )

[yssryaae]

أأويد هذا الرأى

لأن كل حاجه وليها عمر أفتراضى
وكفائتها بتقل مع الأستهلاك والتقادم

وببساطه شديده
عمر ماحتكون صحة الشاب صغير السن (عربيه جديده )

مثل الرجل المتوجه ناحية قطار كبار السن ( عربيه شغاله من زمان وفارمه كيلووات )

انا معاك يابشمهندس بس احيانا العربيات القديمة بتبقا شغاله كويس جدا واحسن من عربية جديدة كل يوم يظهر فيها مشكلة مع انها لسه جديدة

[samirayad]

انا معاك يابشمهندس بس احيانا العربيات القديمة بتبقا شغاله كويس جدا واحسن من عربية جديدة كل يوم يظهر فيها مشكلة مع انها لسه جديدة

أنا معاك أن العربيات قرف فعلا

وممكن تقع فى عربيه جديده تتعبك معاها

بس أنا بأتكلم على نظرية التقادم والأستهلاك لأى قطعه هندسيه فى سياره هى سليمه فى الأساس

فمش معقول حنلاقى كفاءة دايرة الدبرياج ثابته على مر الزمان
على الرغم أنها كانت ميت فل أول دخولها للخدمه

فكل شىء مهما كان جيدا فى بدايته
لابد أن يبلى مع مرور الزمان

وكل حاجه ليها نهايه
إلا المولى عزوجل

فهو ملك الملوك إلا مالانهايه

ولقد ورد أن كل من فى السموات والأرض سيفنى ويموت إلا هو بعظمته

وهو من سينادى ويقول بعد قبض كل أرواح الخلائق

لمن الملك اليوم ......ويرد العلى القدير على ذاته قائلا
لله الواحد القهار

________________________


ونعم بالله ............جل فى علاه

[yssryaae]

ونعم بالله يابشمهندس ربنا يكرمك ويديلك على قد نيتك ويكفيك شر الطريق

[medhat3377]

يا جماعه بكل بساطه اسطوانه و الديسك و الرمان بلى محتاج يتغير و مجرد انه يتغير حيبقى ملبن معاك
هو بيتقل نتيجه تاكله و بريه هو عمر الافتراضى له ما بين 90000 كيلو و 100000 كيلو ده كده جاب اخره
يعنى حضرتكالجزء المتاكل يفوق 75% متاكل
و باقى حوالى 25% فى الاسطوانه
فغيره حضرتك و ان شاء الله مش حتشكى من تقله بل العكس حتقول هو فين ده بقى اخف من البنزين جرب و قولى

[samirayad]

ونعم بالله يابشمهندس ربنا يكرمك ويديلك على قد نيتك ويكفيك شر الطريق

الله يخليك
ومتشكر لزوقك

[MMamdouh]

ثقل دواسة الدبرياج ناجم عن اجهاد الدسك... جرب عربية موديل عربيتك و يكون لسة متغيرلها طقم دبرياج حتلاقى الدواسة حريييييير

MMamdouh

[mashaly]

ثقل دواسة الدبرياج ناجم عن اجهاد الدسك... جرب عربية موديل عربيتك و يكون لسة متغيرلها طقم دبرياج حتلاقى الدواسة حريييييير

mmamdouh

مع احترامي الشديد لرد الاخوة الكرام كلامهم صح جدا
بس دا مايمنعش برضه انه فيه اختلاف في درجة نعومة الدبرياج من نوع لنوع اخر
من السيارات إذا تمت المقارنة في نفس الظروف والحالة

[MMamdouh]

انت لو بتقيس نعومة الدبرياج بين عربية دايو و بين عربية تانية يبقى دة مش اختبار صح للحكم على حالة الدبرياج... ممكن يبقى حكم على مدى نعومة التشغيل كمقارنة للاستخدام مثلا... لكن ان الخاتبار دة يكون حكم على ان الدبرياج تالف مثلا مش صح

لو على كدة يبقى دبرياج عربية زى اللادا تالف حتى لو لسة جديد زيرو

MMamdouh

[sherif281]

دبرياج اللانوس تقيل سنة عن النوبيرا بس مش لدرجة كبيرة وذلك عن تجربة بس ممكن يكون عندك مشكلة فى طقم الدبرياج

[makkahboy]

احتمال كبير جدا من الكلتش اذا ثقيل مرة او انك تشيك على العلبة الداخلية من جوا ناحية الفيوز او عندك الاصلاح تشيك عليه لاني غيرتها كلها والحمد الله صار عندي خفيف مرة من يوم تشيل رجلك والسيارة تتحرك ما شاء الله
بس عندي مشكلة من يوم ما غيرت الكلتش طبعا الكلام هذا من ثلاثة سنين او سنتين عند تعشيق القير للاول ودوس بنزين بحرق او حتى لو اقوم السيارة للاول بسمع صوت خرفشة في السيارة والثاني كمان الثالث يطلع بسيط بس اذا شديت يطلع الرابع يروح وفي الطلعة يزيد الخرفشة
ولما اروح عند المهندس يجرب السيارة ويحرق ما طلع الصوت انا صرراحة اتجننت وسيبت الحال زي ما هو ياترى اي السبب بكون انا خايف يكون العكس لا قدر الله .....

[kimoo2002]

[QUOTE=mahmoudysf;3872581774]انت غيرت زيت الفرامل قبل كدة لو لا غيرة وشوف النتيجه[/QUOTE
انا مع كلام وموافق علية حيث ان انا اليوم مغير زيت الفرامل لقيت دواسة الدبرياج خفت خالص عن الاول