عايز اجيب لانوس

[maiae]

السلام عليكم
دى اول مشاركة ليا معاكم و يارب متكونش اخر مرة
انا معايا لانسر بطة موديل 92 و العربية كويسة مش وحشة بس عايزة سمكرة و بوية خارجية و شوية تظبيطات كده و انا مستحرم اصرف عليها 5 الاف جنيه فقلت اجيب زيرو فى حدود 66 الف و فكرت فى اللانوس
ملقتش غيركم اسأله انا كده صح و للا غلط
البطة قديمة أه بس يابانى
تقييمكم ايه للانوس الكاملة و عايز العيوب قبل المزايا
و شكرا على اهتمامكم

[organic_magic]

انا لو منك اضبط اللانسر - لو راح اليابانى مش هيرجع تانى

[mahmoudysf]

الزيرو زيرو
وانت برضة ادرى بحالة عربيتك لو مريحاك اصرف عليها وخليها شوف مرتاح لاية

[tompina]

إيه الكلام اللي بتقولوه ده يا جماعة ..
الدايو دايو برضه ..
ولو إنت يا باشا دورت في منتدى الدايو هاتعرف مدى عملية العربيات دي ورخص قطع غيارها وجمالها ونومتها في السحب واقتصاديتها .

عارف إنت لو معاك الـ5 آلاف دول على عربية دايو ممكن تعمل بيهم إيه ؟
تحب أقوللك إنك هاتحتار على مايخلصوا منك ؟

[maiae]

انا فاهمكم و الله بس انا خايف انى احس انى نزلت فى المرنبة من اليابانى للكورى و التقفيل المصرى
بس هيا حاجة تحير فعلا شغلانى من زمان
يا ريت لو حد يفيدنى اكثر عن اللانوس

[dr.hany]

66 الف ممكن تجيبلك لانسر موديل حديث برضه
اظن 2005 او كده
وكده برضه تكون فى نفس المرتبه

[محمد الشامي]

من رأيي انك مع الدايو (مميزات) :-

1- هتحس فرق في اسعار قطع الغيار
2- هتحس فرق في تكلفه الصيانه الدوريه للعربيه
3- هتحس نفس النعومه والأداء العالى تقريباً
4- أقل تكاليف مصروفه هتديك اعلى نتائج مطلوبه
5- فرق الموديل هيديك راحه نفسيه كبيره
6- هتلاقي موتور بيحافظ على نفسه طالما بتعتني بيه صح , وعن تجربه لمده 10 سنوات (الحمد لله) وطبعا مش انا اللي مجربها لمده 10 سنين , ولكن المقصود انها ماشيه على الأرض من 10 سنين

اما العيوب :-

1- للأسف متانه الصاج في اللانوس اقل من اللانسر شويه

وبصراحه مش لاقي عيوب واضحه جدا غير ده


اما الميزه الفريده من نوعها :-
مش هتلاقي زي قسم الدايو و الشيفروليه لانوس عشان يدعمك فنياً عند حدوث اي مشكله لاقدر الله


مبروك مقدماً على اللانوس

[تامر.محمد]

66 الف ممكن تجيبلك لانسر موديل حديث برضه
اظن 2005 او كده
وكده برضه تكون فى نفس المرتبه

انا مع الرأي ده طالما أصلا راكب ياباني و لو تقدر تستحمل عربية مستعملة كام سنة , لو مش كده يبقى توكل على الله , بس برده , فكر في النوبيرا , هي مش اغلى بكتير - بس مش عارف بصراحة وقفوا الزيرو بتاعها ولا لسه - بس هي عموما افخم و اقوى كموتور من اللانوس

[تامر.محمد]

مش هتلاقي زي قسم الدايو و الشيفروليه لانوس عشان يدعمك فنياً عند حدوث اي مشكله لاقدر الله
مبروك مقدماً على اللانوس

[محمد الشامي]

بس برده , فكر في النوبيرا , هي مش اغلى بكتير - بس مش عارف بصراحة وقفوا الزيرو بتاعها ولا لسه - بس هي عموما افخم و اقوى كموتور من اللانوس

النوبيرا ما شاء الله عليها فعلا على الطريق , خاصه مع السرعات العاليه , معاك لغايه 180 او 190 مستريح وبمنتهى الأمان

بس للاسف يا صديقي الإنتاج بتاعها وقف من 2008 , عشان الأوبترا تحتل الصداره من بعدها

[تامر.محمد]

و الله النوبيرا عربية خسارة , يكفيها ان رينج السبعينات اللي كانت فيه ما كانش معاها فيه غير الأفيو و الجيتز , و بصراحة شتااااااااااااااااااان , و البونتو كلاسيك , و برده فرق امكانيات عالي اوي لصالح النوبيرا

[محمد الشامي]

و الله النوبيرا عربية خسارة , يكفيها ان رينج السبعينات اللي كانت فيه ما كانش معاها فيه غير الأفيو و الجيتز , و بصراحة شتااااااااااااااااااان , و البونتو كلاسيك , و برده فرق امكانيات عالي اوي لصالح النوبيرا

معاك حق والله , عربيه كانت حلوه جدا

النوبيرا موديل 2008 تسليم 2009 (من معارض السيارات) كانت وصلت 79000 جنيه من 83000 جنيه

وسبب خفض السعر من التجار هو ان العربيه بقت بتفضل واقفه ادامهم في المعرض لغايه الربع الأول او نص 2009 احياناً و ده عشان الأوبترا كانت ليها شدتها اول ما نزلت , والناس دايما بتحب التغيير

على فكره النوبيرا كانت بتطلع من المصنع للتاجر بـ 76000 جنيه ,, وطبعا الباقي مكسب التاجر !!!!!! مع انهم كانوا بيقولوا انها لا بتاكل ولا بتشرب يعني

[Lion_Heart]

و الله حاجة محيرة اعمل استخارة وتوكل على الله

[moudy88]

راي لو هتجيب مستعمل كوري ..يبقى خليك في الانسر بتاعتك احسن ..انما لو معاك 65 الف ممكن لانسر بوما 1300 مانيوال موديل 2006 وتبقى معاك عربيه يباني محترمه جدا واعتماديه جدا وموديل حديث

[yssryaae]

الدايو عربية محترمة ومستعد اصرف عليها خصوصا قطع غيارها متوفرة ورخيصة لكن اى عربية تانية زى اللانسر بصراحة مركبتهاش فمقدرشى افيدك