غيرت علبة الردياتير لنهارده

[yssryaae]

النهارده لقيت الردياتير من عند الكوعه الشمال اللى داخله على الردياتير بتسرب ميه روحت لبتاع الردياتير قالى ان المكان اللى بتركب فيه الكوعه متاكل خالص ولازم العلبة تتغير
انا بصراحة قعدت افكر اغير العلبة بس والا اجيب ردياتير جديد وخلاص وبعد تفكير قولتله فك وركب علبة جديدة والحمد لله تم التركيب وتوقف تسرب المياه
فيه بس ملحوظة ان الراجل وهو بيفك الردياتير والخراطيم من تحت لاحظت انه وهو بيفك احد الخراطيم انه نزل منه زيت احمرهما حوالى ربع كوبايه ومنزلشى حاجة تانى بعدها فانا سالته ايه الزيت ده قالى ده زيت فتيس
انا بصراحة قلقت فسالته ده ياثر على العربية قالى لا دول شوية كانوا متخزنين ونزلوا وخلاص انا مستغرب اساسا ايه جاب زيت الفتيس للردياتير انا شاكك فى كلام الراجل ده
ايه رايكم ياجماعه فى الحكاية دى اروح اكشف على زيت الفتيس والا اعمل ايه

[dr.hany]

زيت فتيييييييييس ازاى؟؟؟؟؟؟؟؟؟؟؟؟؟؟؟

دى دورة مغلقه ومالهاش اى اختلاط باى زيت

احتمال يكون صدا من الريداتير

كويس انه ماقالكش ده زيت طعام ..:b4_237:

[محمد الشامي]

صحيح ايه علاقه دوره التبريد بزيت الفتيس ؟؟؟؟؟؟


هو فعلا الاحتمال ان يكون اللون الاحمر ده صدأ
لكن طبعا كثافه السائل مختلفه بين الميا والصدأ

[Mo.Kareem]

لو العربية اوتو يبقى فعلاً زيت الفتيس ، ولازم يتزود ، علشان زيت الفتيس الاوتوماتك لازم يخش على الرداتير علشان يحصله عملية تبريد 0

[yssryaae]

والله زى مبقولكم كده انا لاحظت ان السائل للى نزل ده لونه احمر وكثافته عاليه تعرفوا الخرطومين اللى مربوطين بافيزين فى الردياتير من تحت السائل اللى نزل كان من الخرطوم التحتانى انا هتجنن والله هو الصدا ممكن يبقا بالكثافة دى مع مرور الوقت يعنى يبقا قوامه زى قوام الزيت
تعرفوا انا شكلى روحت لواحد اى كلام وكده شكيت انه ممكن يكون ركب الخراطيم دى غلط

[yssryaae]

لو العربية اوتو يبقى فعلاً زيت الفتيس ، ولازم يتزود ، علشان زيت الفتيس الاوتوماتك لازم يخش على الرداتير علشان يحصله عملية تبريد 0

اه فعلا عربيتى اوتوماتيك
طيب ازود الفتيس بمقدار الكمية اللى فقدها والا اقيسه الاول

[محمد الشامي]

بيني وبينك الزيت الوحيد اللي شوفته في العربيه ولونه احمر هو زيت الباور

لكن بشكل عام مفيش فعلا حاجه في دوره التبريد ليها علاقه بأي زيوت

لكن انت تقصد انهي خرطومين بيركبو في الريدياتير من تحت ؟؟

تقصد الخرطوم التخين اليمين وبيكون راكب في نص العلبه الفبر بتاعت الريدياتير ؟ والخرطوم التاني التخين اللي بيكون راكب في اعلى العلبه الشمال ؟

[yssryaae]

بيني وبينك الزيت الوحيد اللي شوفته في العربيه ولونه احمر هو زيت الباور

لكن بشكل عام مفيش فعلا حاجه في دوره التبريد ليها علاقه بأي زيوت

لكن انت تقصد انهي خرطومين بيركبو في الريدياتير من تحت ؟؟

تقصد الخرطوم التخين اليمين وبيكون راكب في نص العلبه الفبر بتاعت الريدياتير ؟ والخرطوم التاني التخين اللي بيكون راكب في اعلى العلبه الشمال ؟

لا يامحمد باشا دول خرطومين تحت خالص الراجل اضطر ينزل تحت العربية عشان يفكهم هما خرطومين رفيعين زى بعض وراكبين بافيزين فوق بعض الناحية اليمين اسفل الردياتير يارب تكون الصورة واضحة معلشى دوشكم معايا

[wesam_salom]

ده زيت الفتيس فى الاوتوماتيك

لازم تقيسه فعلا وتزوده

[MMamdouh]

لو العربية اوتو يبقى فعلاً زيت الفتيس ، ولازم يتزود ، علشان زيت الفتيس الاوتوماتك لازم يخش على الرداتير علشان يحصله عملية تبريد 0

+1

و لو الزيت ظهر فى دورة التبريد يبقى فيه تسريب من رادياتير تبريد زيت الفتيس اللى جوة خزان الزيت اللى ناحية البطارية

MMamdouh

[yssryaae]

+1

و لو الزيت ظهر فى دورة التبريد يبقى فيه تسريب من رادياتير تبريد زيت الفتيس اللى جوة خزان الزيت اللى ناحية البطارية

mmamdouh

واعرف ازاى ان فيه تسريب من زيت الفتيس داخل دورة التبريد ياريت توضيح اكتر لكلامك ده ياسيادة المستشار

[MMamdouh]

حتلاقى مية التبريد فيها زيت باور و زيت الفتيس بينقص باستمرار

MMamdouh