Tweet
المشاركة الأصلية كتبت بواسطة ahmadaly1999
مشاهدة المشاركة
-
سرعة المحرك المذكورة تكون سرعة الأيديل اى ان المحرك يكون عند 1800 فى الأيديل . ام ان هذه المشكلة تظهر عند السير وسرعة المحرك معدى 1800 . ارجو الرد لأن عندى مشكلة ولم اجد لها حل . -
لا انا اسف انا كتبتها بطريقة تتفهم غلطالمشاركة الأصلية كتبت بواسطة yassermcv مشاهدة المشاركة
انا قصدى التانية يعنى الايدل سليم ( بين ال 800 ل 850 ) و المشكلة بتحصل اثناء السير و اى سرعة للعربية مع اى نقلة المهم بيبقى ال rpm معدى ال 1800 حتى لو واقفة و زودت انا بايدى الماتور حيرج + العربية توصل لدرجة حرارة التشغيل الطبيعية ( و ده طبعا كارثة لان مفيش حد حيقدر يمشى ب rpm اققل من 1800 الا بقا ينقل بدرى جدا و العربية تبقى بتنازع )
المهم الكلام ده حصل و العربية كانت لسة جديدة 8000 كم و مكنتش فاهم فيها حاجة بس فعلا وصفت العطب مظبوط ل 3 توكيلات و منكرش ساعتها اهتموا جدا و داخوا علشان يريحونى بس معرفوش و علشان مظلمهموش ميأسوش بس انا الى قررت احاول اصلحها بنفسى
و توكلت على الله و مسكت عربية حمايا الله يبارك له ( كانت لانوس 1 ) و انا 2 و قعدت لمدة شهر افك سنسور سنسور و ابدل و اجرب و ادخل على النت و اعرف كل حاجة من دول بتاعة ايه و وظيفتها ايه لغاية لما وصلت لجزء ملقيتوش فى عربية حمايا الى هو طلع فى الاخر صمام تدوير الغازات يتبع نظام الحفاظ على البيئة من العوادم EGRV طبعا تنحت لانى مش حاعرف ابدله مع حمايا بس ربنا هدانى انى افصل منه خرطوم الهواء الوحيد الى راكب فيه و كانت المفجاه الى ان المشكلة راحت بس رجعت سالت نفسى طب ايه بقى حكاية الجزء ده و الحمد لله الراجل بتاع قطع الغيار كان عنده كتالوج طرازات فطلعت منه طراز الجزء و اسمه و دخلت على النت حضرت فيه دكتوراه و اطمنت ان تاثيرفصله حيبقى مضر للبيئة بس مش حيضر العربية بالعكس كفائتها حتزيد شوية ( ممكن فى حالات نادرة تسقف ضعيف جدا )
انا اسف طولت عليك بس علشان لو طلعت هى نفس مشكلتك يبقى اقدر اساعدك
Comment