ما هو الفرق بين لانوس 1و2 ونوبيرا 1و2 (بالتفصيل الممل جداااا) ؟؟؟

[ahmedshoura]

السلام عليكم ورحمة الله وبركاته

بعد المشاركة الأولى لي في هذا المنتدى المميز والردود الجميلة والأمينة والتي تنم عن رقي وسمو أخلاق الجميع
اسمحولي ...
أولا : اتوجه بالشكر لكل أخ أخذ من وقته وأجهد نفسه ليساعدني ويدلني علىالخير
سواء أخطأ أو أصاب فله مني جزيل الشكر وجزاه الله عني خيرا
وأعتذربصفة شخصية عن أي ازعاج أو احراج أو توتر بين أي من أعضاء المنتدى
وتفضلوابقبول اعتذاري وشكري العميق لكم جميعا
وأخيرا "اللهم أصلح ذات بيننا"

ثانيا : أريد من حضراتكم الفروق بين الانوس 1 و 2 وأيهما أفضل ولماذا(بالتفصيل الممل جدا)
وهذا السؤال لأني سمعت أن ال1 أفضل على الرغم من أنها موديل أقدم ؟؟؟ فهل هذا الكلام صحيح ولو كان فما الفرق هل هو الفوانيس فقط أم ان هناك اشياء اخرى وهل الاختلاف خارجي فقط أم في الموتور أيضا
يعني لو جبت ال1 هاتعب عشان جايب موديل قديم ومش هلاقي قطع غياره أو اكسسواره
وهل في إعادة البيع هاتفرق كتير عشان بتبيع شكل قديم (اوقف تصنيعه)
يعني زي مثلا الفرق بين ال1 وال2 في النوبيرا
وبالمناسبة لو فيها تعب لكم لو ينفع كمان الفروق كامله بين النوبيرا 1 و2 وأيهما تفضل ولماذا (بالتفصيل الممل جدا)

ولكم جزيل الشكر وخالص التحية
وجزاكم الله خيرا

[A.samy]

حاول تتعب نفسك شوية وتدور فى المنتدى و هتلاقى اللى انت عايزة وبالتفصيل الممل جدا

[محمد الشامي]

يعني لو جبت ال1 هاتعب عشان جايب موديل قديم ومش هلاقي قطع غياره أو اكسسواره
وهل في إعادة البيع هاتفرق كتير عشان بتبيع شكل قديم (اوقف تصنيعه)

حضرتك ممكن تجيب لانوس موديل 2009 وتكون حالتها سيئه جدا وتتعبك , وممكن تجيب عربيه موديل 2000 وتكون استعمال راقي وتحس انها زيرو حتى بعد 10 سنين من الإستخدام

يعني الحكايه كلها حاله وليس موديل (سواء في البيع او الشراء) , وبالنسبه لقطع الغيار فالإتنين (1 و 2 ) موجودين وبوفره والحمد لله

وبالنسبه للفروق بين لانوس 1 و 2 فكلها فروق ظاهريه

1- شكل الفانوس الخلفي
2- لون التابلوه الداخلي بالنسبه للانوس الكامله
3- شكل الإكصدامات
4- شكل فوانيس الشبوره
5- فرش الأبواب الداخلي (تقريبا)
6- الشبكه الأماميه

لكن بالنسبه للميكانيكا والموتور والعفشه وكل شئ فالإتنين واحد على ما اعتقد

[MMamdouh]

راجع قسم اهم الموضوعات حتلاقى مقارنة لانوس 1 و 2 بالتفصيل الممل موجودة

MMamdouh

[محمد الشامي]

http://www.nilemotors.net/Nile/25969-1-2-a.html

http://www.nilemotors.net/Nile/115367-a.html

http://www.nilemotors.net/Nile/4198-s-se.html

[zaza2002]

http://www.nilemotors.net/Nile/25969-1-2-a.html

http://www.nilemotors.net/Nile/115367-a.html

http://www.nilemotors.net/Nile/4198-s-se.html

بجد انت راجل جدع وخدوم جداجدا يا محمد ربنا يكرمك ويجعله فى ميزان حسناتك

[محمد الشامي]

بجد انت راجل جدع وخدوم جداجدا يا محمد ربنا يكرمك ويجعله فى ميزان حسناتك

ربنا يخليك يا باشا , ده بس من ذوقك والله

[ahmedshoura]

أنا حقيقي عاجز عن شكركم جميعا ...
وأخص بالذكر والشكر أستاذ / محمد الشامي
وبما اني لا اعرف هو هايقرأ الكلام ده ولا لأ
فأنا أقول له بظهر الغيب "جزاك الله خيرا"