الدركسيون بيزايق

[Sherif Khalifa]

من يومين ملاحظ ان الدركسيون مع الحركة البسيطة يمين و شمال بيزيق
مشعارف دا سببة اية و الصوت جى من الدركسيون نفسة و حاسس بالتزيق فى ايدى

انا عاندى زيت البور ناقص شوية من فترة بس مش عند ال min و مش بيجى فى بالى ازودة
هل دا لى علاقة ؟

[sab3aawy]

ممكن يكون التزييق ده بسبب تلف الكاوتشات اللى بتتحط بين علبة الديريكسيون وبين الأفيزين اللى بربطوها فى شاسيه السيارة، وممكن يكون بسبب تلف بيض تيش الديريكسيون وممكن يكون ببساطة بسبب ان علبة الديريكسيون مش مربوطة فى مكانها كويس، وممكن يكون من تلف بيض المقص، وممكن يكون من بطاحات المساعد، اقترح عليك تكشف على الحاجات دى عند عفشجى كويس وتغير اللى بايظ منها

[Sherif Khalifa]

شكرا على الرد
بس انا متاكد ان الصوت جى من عصاية الدركسيون نفسة قبل الصليبة علشان لما بحط ايدى عليها يحس بية
العجيب ان الصوت دة بيجى و يروح مش على طول
و طبعا كلنا عرفين عفريت العربية اول ما اروح للعفشجى الدركسيون هيبئا حرير :)

[ahmedezzat78]

شكرا على الرد
بس انا متاكد ان الصوت جى من عصاية الدركسيون نفسة قبل الصليبة علشان لما بحط ايدى عليها يحس بية
العجيب ان الصوت دة بيجى و يروح مش على طول
و طبعا كلنا عرفين عفريت العربية اول ما اروح للعفشجى الدركسيون هيبئا حرير :)

هههههههههه

ياباشا العفريت فعلا فى القطمه نفسها
انا كان عندى مشكلتك و العربيه جديده ضبطوها فى التوكيل و لما ناقشت المهندس قاللى انهم ريحو الصليبه اللى فى اخر عمود الدركسيون و ضبطو البلى اللى على العامود (يعتى تلاقيهم شحموه او زيتوه مثلا) و فعلا الشغل كله كان بالكابينه عند القطمه

[Sherif Khalifa]

القطمة دى هيا الصليبة؟
اصل انا عندى الصليبة محتاجة تتغير من فترة

[ahmedezzat78]

القطمه دى اللى هيه الحته من اول التاره لغايه ما العامود يعدى بره الكابينه

لو انت تقصد الصليبه اللى فى اخر العامود (عندسدر العربيه) يبقى 90 % هيه السبب جرب ترش عليها Wd40 قبل ما تغيرها و بلاش تفك القطمه او تشتغل فيها الا لما تحل مشكله الصليبه

[Sherif Khalifa]

many thanks

[Sherif Khalifa]

الارتفاع المناسب للمساعدين

ممكن لو حد عندة الواصفات الفنية للعربية يقولى على ارتفاع العربية من الارض كام سم بظبت
علشان بدئت احس ان العربية وطيت شوية من قدام


تانى حاجة لما اجى ابوص على العربية من ورا بحس ان العجل الخلفى مفتوح لبرة بنسبة بسيطة جدا و لاحظتها فى كذا عربية 99 فا مشعارف دا طبيعى ولا لا
ولو مش طبيعى مين ممكن يكشف عليها العغشجى ولا بتاع الزوايا؟؟

المشكلة انى بدئت احس بخبط مع المطبات على الرغم من السبات العالى جدا مشاء اللة بس صوت الخبط دا مش مريحنى
- العافشة تعتبر مش مستهلكة اى من حوالى 7 شهور
- مساعدين Kyb
- بطاحات و صدادة جديدة لكل مساعد
- كبايت جديدة و قاصص منها جزء علشان بتخبط فى المساعد
- مبطن السوست بخرطوم بلاستك

العربة كانت معيا حلوة جدا لحد مؤخرا ابتاديت احيس بالخبط داة فانا شاكك تكون السوست وطيت فا مشوار المساعد مش كامل

[ahmedezzat78]

انا ما عنديش مقاسات بس ممكن اقيس عربيتى و اقولك

العجل الخلفى فعلا مفتوح بزاويه قليله جدا بس ده مش بيتغير الا اذا تعرضت العجله لصدمه جانبيه لكن عجل ورا فى الانوس مالهوش ضبط زوايا على حد علمى

[Sherif Khalifa]

معلش انا عملت الموضع هنا عن طريق الخطاء
انا هعملة فى موضوع منفصل

[Sherif Khalifa]

مشكلة التزيق راحت بعد ما راشيت W40 على صليبة عمود الدركسيون

[ahmedezzat78]

طيب الحمد لله طلعت حاجة بسيطة