العربية مركونة من 15 يوم بسبب الاصلي

[wlelw2003]

السلام عليكم ورحمة الله وبركاته
اخواني الاعزاء طبعا انا كنت عملت موضوع عن الموبينا لما باضت و نصحتوني باني اجيب موبينا جديدة اصلي و بالفعل جبت واحدة اصلية ب450 جنية و اتأكدت انها اصلية من السيريال و داك و بعد ان ركبتها اشتغلت 5 ايام و بعدين فصلت و اكتر من كهربائي و ميكانيكي اجمعوا انها باظت بس محدش عارف لية
ها ممكن يكون فية حاجة تبوظ الموبينا مع العلم اني اعرف انها من الاحاجات المعمرة
و شكرا للجميع

[bakkarahmed]

البوجيهات لو وحشة وكذلك اسلاك البوجيهات

[amgada7555]

انا دوخت على البوبينة الأصلى لحد ما لقيت واحدة

[dr_mak]

استعوض الله فيها ...دي مشكة قطع الغيار اليومين بيقعد التجار يقولو اصلي اصلي وفي الاخر بتبقى مضروبة بعد ماتكون دفعت مبلغ محترم فيها

[ahmedhilmy]

ربنا يعوض عليك خير

[محمد الشامي]

لو أسلاك البوجيهات وحشه او بايظه ممكن جدااا تبوظ البوبينه

من رأيي اكشف على كهرباء العربيه كويس قبل ما تجيب بوبينه تانيه , لان حرام الفلوس اللي بتضيع دي

وربنا يعوضك خير , بس والله عايز اطمنك ان فعلا البوبينه الأصلي موجوده وبتعيش زي اللي كانت في العربيه بالظبط , لكن هي يمكن حظوظ

[wlelw2003]

البوجيهات لو وحشة وكذلك اسلاك البوجيهات

انا لسة مغير اسلاك البوجيهات معاها

[wlelw2003]

لو أسلاك البوجيهات وحشه او بايظه ممكن جدااا تبوظ البوبينه

من رأيي اكشف على كهرباء العربيه كويس قبل ما تجيب بوبينه تانيه , لان حرام الفلوس اللي بتضيع دي

وربنا يعوضك خير , بس والله عايز اطمنك ان فعلا البوبينه الأصلي موجوده وبتعيش زي اللي كانت في العربيه بالظبط , لكن هي يمكن حظوظ

فية موبينا اتحاد اوروبي لاني اتعقدت من الاصلي و الناس بتشكر فيها اية رايك فيها

[محمد الشامي]

فية موبينا اتحاد اوروبي لاني اتعقدت من الاصلي و الناس بتشكر فيها اية رايك فيها

والله يا باشا انا مليش مغامرات مع البوبينه كتير , لكن ابن عمي كان جايب الإتحاد الأوروبي للجولييت من سنه تقريبا من شارع دمشق وشغاله معاه حلو لغايه دلوقتي ومفيش اي مشاكل

[mahmoudbadr]

كان فيه عربية قدامى عند الميكانيكى كل ما يركب بوبينة تضرب

و فى الآخر طلع فيه شريحة إلكترونية (بيسموها مشط ) فيها مقاومة ضاربة واحد بتاع الكترونيات صلحها له و اشتغلت على طول

العربية كانت فيليشيا مش عارف عربيتك فيها كدة ولا لأ

إطمن عليه لو عندك

[wlelw2003]

كان فيه عربية قدامى عند الميكانيكى كل ما يركب بوبينة تضرب

و فى الآخر طلع فيه شريحة إلكترونية (بيسموها مشط ) فيها مقاومة ضاربة واحد بتاع الكترونيات صلحها له و اشتغلت على طول

العربية كانت فيليشيا مش عارف عربيتك فيها كدة ولا لأ

إطمن عليه لو عندك

اولا انا كنت اخدت بوبينة صيني من كهربائي و شغلتها في العربية لمدة 15 يوم و ماكنش فية اي مشاكل بعد البوبينة الاصليية يعني لو في حاجة كانت ضربت
ثانيا اذاي اعرف موضوع الشريحة دي

[mahmoudbadr]

اولا انا كنت اخدت بوبينة صيني من كهربائي و شغلتها في العربية لمدة 15 يوم و ماكنش فية اي مشاكل بعد البوبينة الاصليية يعني لو في حاجة كانت ضربت
ثانيا اذاي اعرف موضوع الشريحة دي

والله العربية مكانتش بتاعتى بس الموضوع حصل قدامى

و كانت العربية بتمشى برده شوية يومين أو أسبوع و تضرب

و المشط دة اللى عرفه الميكانيكى و بالصدفة كان فيه واحد جاره بتاع إلكترونيات و هو اللى عرف المقاومة دى و صلحها

بس لو ممكن تنبه الميكانيكى ليها

و دى كانت مجرد نقل لتجربة حصلت قدامى

[engoss1990]

المشط ده في العربيات الكربراتير

[MMamdouh]

كان فيه عربية قدامى عند الميكانيكى كل ما يركب بوبينة تضرب

و فى الآخر طلع فيه شريحة إلكترونية (بيسموها مشط ) فيها مقاومة ضاربة واحد بتاع الكترونيات صلحها له و اشتغلت على طول

العربية كانت فيليشيا مش عارف عربيتك فيها كدة ولا لأ

إطمن عليه لو عندك

الدايو مفيهوش امشاط

MMamdouh

[wlelw2003]

الدايو مفيهوش امشاط

mmamdouh

يعني الموضوع كان صدفة و اجيب بوبينة تانية و لا هتقطع او ان ممكن يكون في العربية حاجة بتفصل البوبينة