التكييف والحر الشديد

[abo_lamar]

السلام عليكم يا شباب
طبعا شوفنا الجو من يومين كان شكله ايه ولا نار جهنم ..
كنت عايز اعرف حاجة بقى .. هو فعلا غلط ان التكيييف يشتغل والجو كان حر اوي كده زي ماحصل من يومين عشان العربية ماتسخنش ولا عادي مفيش مشكلة ؟
انا كتبت الموضوع ده في قسم الورشة بس محدش سأل فيا خالص قولت اكتبه في قسم الدايو بيتي ومطرحي

[samirayad]

مفيش مشكله

كله حيتظبط أوتوماتيك من خلال الدايره الكهربيه للمراوح

[heshamzaky]

ازى حضرتك انا معديش لانوس بس عموما لو الدبتا حر جدا ومشغل التكيف متر واقف وسط البلد او زحمة بتجهد الموتور لو الطريق سالك و مفتوح عادى مفيش مشكلة

[samirayad]

أمال أيه فايدة التكييف

إن مكنش يفيد فى الحر الشديد ............؟

وأكيد أنت عندك مشكله فى دايرة تبريد المكنه

[wlelw2003]

مفيش مشكلة في الحر

[nab!l]

ياراجل يعنى تسيح ولا تسيح التكييف

[Mohamed.Fawzy]

ازى حضرتك انا معديش لانوس بس عموما لو الدبتا حر جدا ومشغل التكيف متر واقف وسط البلد او زحمة بتجهد الموتور لو الطريق سالك و مفتوح عادى مفيش مشكلة

مفيش مشكله نهائى انا السبت اللى فات كنت مشغل التكييف فى عز الحر و العربيه واقفه 45 دقيقه كامله علشان امى كانت راكبه معايا و منتظرين حد ... المهم ان مفيش مشاكل خالص

امال ايه فايد كمبيوتر العربيه و الحساسات دول محطوطين عياقه يعنى !!!

اكيد لا ...

الكمبيوتر بيفصل التكييف لما يحس ان فيه حمل زياده على العربيه لوحده اتوماتيك و دى حصلت معايا اكتر من مره

يبقى طالما مفيش اصلا مشكله فى العربيه و كل المؤشرات بتاعه العدادات تمام يبقى الحمد لله مفيش خوف خالص

عيش حياتك و اتكييف زى ما انت عايز

[MMamdouh]

هو فعلا غلط ان التكيييف يشتغل والجو كان حر اوي كده زي ماحصل من يومين عشان العربية ماتسخنش ولا عادي مفيش مشكلة ؟

امال التكييف اتعمل عشان يشتغل امتى يا باشا؟

شغل التكييف و اتبسط يا باشا... انت مش راكب شاهين

MMamdouh

[MMamdouh]

ازى حضرتك انا معديش لانوس بس عموما لو الدبتا حر جدا ومشغل التكيف متر واقف وسط البلد او زحمة بتجهد الموتور لو الطريق سالك و مفتوح عادى مفيش مشكلة

هو التكييف بيجهد الموتور و العربية واقفة اكتر من و هى ماشية؟؟؟ ياريت تشرحلنا الموضوع دة

MMamdouh

[eng_oss]

طيب سؤال:
هل تشغيل التكييف لفترة طويلة وأنا مسافر مثلا 3 أو 4 ساعات متواصل واللا الأحسن انى افصله شويه واشغله شويه فى هذه المدة .... أنا بسأل السؤال ده لأنى لاحظت ان التكييف مش بيفصل أبدا مهما طالت المده مع ان واحد صاحبى عنده عربيه ستروين فيها التكييف عامل زى بتاع البيت بيفصل شويه ويشتغل شويه ....

[MMamdouh]

شغلة عادى

MMamdouh

[El Prince]

بعد اذن الباشمهندسين طبعاً
أعتقد ان تشغيل التكييف فى الحر الشديد أفضل لموتور العربيه

بسبب تشغيل المروحه الخاصه بالتكييف بالأضافه الى مروحة الموتور الاصليه
وبكده انت بتكون مبرد كابينة القياده
و بتكون فى نفس الوقت بتحسن تبريد الموتور
فائده تبريد مزدوجه - بره و جوه يعنى ..

[heshamzaky]

أزيكو يا رجالة معلش للايضاح انا لست فنيا او مهندس تبريد وتكيف ولست خبيرا الموضوع كلة ان لة الطريق زحمة جدا وانت ماشى متر وتقف ومتر وتقف العربية اساسا الملاوحة بتشتغل اكثر لان مافيش تبريد مكن الهوا الرانى الى بيقى فى وش العربية وهى بتجرى مثلا والطريق مفتوح والسوال علشان انا ما عنديش عربية دايو ركبتها اة وسوقتها شوية صغيرة السوال لما التكيف بيشتغل العربية ما بيقاش سحبها ولا اية يا جماعة فى النهاية العلابية 1500 سى سى مش لوجانزا 2000 سى سى موتور جامد جدا عموما شغل التكيف فى عز الزحمة علشان الحر بس و الله اعلم دة بيأثر شوية فى السحب وزى ما فلت لحضراتكم انا لست خبيرا عن اللانوس بس لما بكون على الطيق ممكن نجرى بالعربية شوية و الغلبة بتكون لللانوس طبعا ..............

[Mohamed.Fawzy]

أزيكو يا رجالة معلش للايضاح انا لست فنيا او مهندس تبريد وتكيف ولست خبيرا الموضوع كلة ان لة الطريق زحمة جدا وانت ماشى متر وتقف ومتر وتقف العربية اساسا الملاوحة بتشتغل اكثر لان مافيش تبريد مكن الهوا الرانى الى بيقى فى وش العربية وهى بتجرى مثلا والطريق مفتوح والسوال علشان انا ما عنديش عربية دايو ركبتها اة وسوقتها شوية صغيرة السوال لما التكيف بيشتغل العربية ما بيقاش سحبها ولا اية يا جماعة فى النهاية العلابية 1500 سى سى مش لوجانزا 2000 سى سى موتور جامد جدا عموما شغل التكيف فى عز الزحمة علشان الحر بس واللة اعلم دة بيأثر شوية فى السحب وزى ما فلت لحضراتكم انا لست خبيرا عن اللانوس بس لما بكون على الطيق ممكن نجرى بالعربية شوية و الغلبة بتكون لللانوس طبعا ..............

اولا طبيعى جدا ان التكييف ياخد من عزم العربيه يعنى مش عيب ولا حاجه ... التكييف يباخد من عزم الموتور حسيب الكتالوج 8 جصان و دول مش شويه بس الأداء بيبقى طبيعى برضه

ثانيا التكييف ملوش دعوه انت واقف ولا ماشى .... لو انت بتجرى و مشغل التكييف ممكن مروحه التكييف تفصل شويه و تشتغل شويه حسب الكمبيوتر ما بيقول انما لو انت واقف المراوح بتفضل شغاله برضه حسب الكمبيوتر ما بيقول ... من الأخر انت شاغل نفسك بالمراوح ايه ؟؟ ما تشتغل وقت ما هيا عايزه .. تشغيل التكييف ملوش دعوه لا بمراوح ولا بواقف ولا ماشى ولا بزحمه ولا بالكلام ده كله

ثالثا التكييف المخصص لكل عربيه مصمم حسب السعه اللتريه ليها و لحجم العربيه انا كان عندى عربيه برودوا 850 سىسى مكيفه و كان تكييفها ثلاجه

[samirayad]

لو انت بتجرى و مشغل التكييف ممكن مروحه التكييف تفصل شويه و تشتغل شويه حسب الكمبيوتر ما بيقول انما لو انت واقف المراوح بتفضل شغاله برضه حسب الكمبيوتر ما بيقول ... من الأخر انت شاغل نفسك بالمراوح ايه ؟؟ ما تشتغل وقت ما هيا عايزه .. تشغيل التكييف ملوش دعوه لا بمراوح ولا بواقف ولا ماشى ولا بزحمه ولا بالكلام ده كله

طول ما التكييف شغال

طول ما المراوح شغاله فى أى وقت

سواء وأنت واقف مكانك بالعربيه أو ماشى بالعربيه