صوت تزييق

[tarek_asem]

السلام عليكم ورحمه الله وبركاته
خالص تعازينا لأهل الفقيد محمد جمعه واسأل الله ان يجعله في عليين مع الشهداء والنبيين والمرسلين ان شاء الله
الفتره الاخيره بقيت بسمع صوت تزييق او تكتكه خفيفه كده في الناحيه اليمين تقريبا كده عند العجله اللي ورا .. الصوت بيظهر في المطبات او الطرق الغير ممهده كويس لكن في الوضع العادي لا
يا ترى ده مساعدين ولا ايه ؟؟ ياريت حد يوضح لي ويقوللي ايه ده واعمل فيه ايه ؟؟
العربيه لانوس 2006
عامله 39000 كيلو

[tarek_asem]

ايه يا جماعه 11 مشاهده ومحدش قال حاجه ؟؟ اي حاجه يا جدعان .... ولا انا عندي حاجه عويصه ولا ايه

[dr.hany]

ممكن يكون المساعد محتاج شويه تزييت او حاجه.

جرب انك تدوس على الشنطه لتحت بايديك الاتنين وحدد بالظبط الصوت جاى منين

[tarek_asem]

لما علمت كده لقيت لما العربيه بتطلع وبتنزل الصوت بيحصل
وهو من عند العجله اللي ورا يمين
ده كده مساعد ولا ايه ؟؟؟ ولو كده ايه الحل ؟؟؟

[samirayad]

أكد برضه على صاموله رباط عمود المساعد ده من داخل الشنطه

جايز تكون مهويه

وأكشف على جلد السوسته اليمين العلوى والسفلى جايز يكون فيه واحده مقطوعه والسوسته بتحك مع الحديد بتاع الطبق العلوى أو السفلى للسوسته

[tarek_asem]

الصوت بالظبط زي ما يكون حاجه مفكوكه
يعني زي ما يكون جزئين حديد بيخبطو في بعض مع الطلوع والنزول
الصوت ده في الاول عمل لي وش لدرجه اني شكيت ان الباب اليمين مفتوح

[tarek_asem]

حد يفيدني يا جماعه الصوت موجود والصاموله مربوطه وزي الفل

[ahmed31031]

السلام عليكم ورحمه الله وبركاته
خالص تعازينا لأهل الفقيد محمد جمعه واسأل الله ان يجعله في عليين مع الشهداء والنبيين والمرسلين ان شاء الله

امين يارب العالمين