اشتريت طقم عدادات غريب

[faron525]

- النهاردة رحت الحرفيين واشتريت طقم عدادات علشان عربيتي هاف اوبشن المهم انا كنت مركز ان العدادات متكنش بالميل ولكن الخيبة التقيلة ولله الحمد ان عداد السرعة 200 كم وليس 220 كم زي العداد القديم ياتري في مشكلة كده ؟؟؟
وكمان لمبة التشيك في بدايه الدوارة لقتها غريبة برده مكتوب عليها service بدل من check

- الحاجة التانية الكهربائي شغلي الا بي ام بطريقة غريبة مش زي ما عملها الاستاذ/ محمد ممدوح هو وصل السلكة الخضراء اللي في الفيشة بتاعة العداد مباشرة بالكنترول وقالي هو ده الصح

- وكمان عداد الحرارة بيثبت علي الشرطة اللي في النص بالظبط غير العقداد القديم كان تحت النص !!!!!


تنصحوني اعمل ايه ولكم جزيل الشكر

[Ahmed Galal]

اللى قدرت افهمه من كلامك ان انت تقريبا ما كانش عندك ار بى ام و جبت عداد العربية المزود بيه بدل ما تركب عداد خارجى و تقريبا العدادين بيمشوا على نفس العربية يا ريت بقا تقوللى انا فهمت صح و لا لأ و لو فهمت صح هل ينفع الحركة ديه تتعمل فى انواع تانية؟

و بالنسبة لاسالتك اعتقد بدام لمض الدينامو و الزيت و الحرارة مظبوطة يبقا ما فيش قلق

[faron525]

فعلا انا مكنش عندي ار بي ام علشان كده اشتريت العدادات ده

[Ahmed Galal]

بس هل خليت الكيلومتر زى ما هوا و لا عدلته على عربيتك و شكل كده الموضوع ده احسن ما الواحد يجيب عداد ار بى ام خارجى لان فى الغالب بقا و اللى انت اكدته بموضوعك ده ان لو العربية نازل منها موديلات بعداد و بدون يبقا الوصلات بتبقا جاهزة و شيل وركب

[shikorose]

الكنترول للانوس الهاف اوبشن لا يوجد به اي شيء يخص الrpm
وممكن اي كهربائي يشغل عليه ال rpm بس بيبقى العداد مش مظبوط يطلع فجاه ينزل فجاه وقرائته مش دقيقه زي الكامله .

[samirayad]

وصل السلكة الخضراء اللي في الفيشة بتاعة العداد مباشرة بالكنترول وقالي هو ده الصح

ده فعلا التوصيل الأساسى كما هو موجود باللوحات الهندسيه

- وكمان عداد الحرارة بيثبت علي الشرطة اللي في النص بالظبط غير العقداد القديم كان تحت النص !!!!!

عادى ....كل عداد وليه معايرته الهندسيه

ولكن الخيبة التقيلة ولله الحمد ان عداد السرعة 200 كم وليس 220 كم زي العداد القديم ياتري في مشكلة كده ؟؟؟

مفيش مشكله ....هو أنت حتوصل ل200 كم / س

تنصحوني اعمل ايه ولكم جزيل الشكر

أأقولك تعمل أيه

تصلى ركعتين شكر لله

وتقول الحمد لله على أختياره

[Lion_Heart]

تصلى ركعتين شكر لله

وتقول الحمد لله على أختياره

عندك حق

[Lion_Heart]

عندك حق
لان عربيتى 1300 و جبت عدادات ال 1500 فيها rpm
و رحت للكهربائى حسيت انه هيلبخ قالى هاغير فى الضفيرة ومش عارف ايه
و خاف يركبه و العداد لسه عندى مع انى حاسس ان تركيبه مش مشكلة خاصة و ان فى اخوة عملوه فى رابطة اكسل
لكن بدور على كهربائى بيفهم يركبه و ما يعكش
مرة تانية عندك حق

[kh_elshiemy]

انا اشتريت واحد زي بتاعك بالظبط service هي check هي مجرد علامه ...وعلي فكرة انا يدلت عداد السرعة يالعدادات بالي كانت في المجموعة القديمة علشان يبقي نفس الكيلو متر بتاع العربية ...وتغيرها سهل جدا هتلاقي مسمارين في ضهر العداد فكهم هتلاقي عداد السرعة طلع بمنتها السهولة غيره وحط بتاع العربية الأصلي ..
وياريت تقولي الكهربائي اللي عملك وصلة rpm مكانة فين

[Shiref_mohamed]

- النهاردة رحت الحرفيين واشتريت طقم عدادات علشان عربيتي هاف اوبشن المهم انا كنت مركز ان العدادات متكنش بالميل ولكن الخيبة التقيلة ولله الحمد ان عداد السرعة 200 كم وليس 220 كم زي العداد القديم ياتري في مشكلة كده ؟؟؟
وكمان لمبة التشيك في بدايه الدوارة لقتها غريبة برده مكتوب عليها service بدل من check

- الحاجة التانية الكهربائي شغلي الا بي ام بطريقة غريبة مش زي ما عملها الاستاذ/ محمد ممدوح هو وصل السلكة الخضراء اللي في الفيشة بتاعة العداد مباشرة بالكنترول وقالي هو ده الصح

- وكمان عداد الحرارة بيثبت علي الشرطة اللي في النص بالظبط غير العقداد القديم كان تحت النص !!!!!


تنصحوني اعمل ايه ولكم جزيل الشكر

بالنسبة لعداد الكيلومتر ممكن تفك عداد الكيومتر من عدادك القديم وتركبه في العداد الجديد وهتلاقيه مربوط من خلف العدادات بـ 4 مسامير .
هتفك الأول الوش الأمامي بتاع العدادات وتفك 4 مسامير عتلاقي عداد الكيلو متر طلع معاك وبعدين فك عدادك القديم بنفس الطريقة وبدل الأتنين مكان بعض وهيبقى كله تمام.
اما بخصوص لمبة التشيك مش مهم طالما شغالة وكل اللمبات التانية برضه شغاله

[faron525]

الف شكر يا جماعة علي ردودكم واهتمامك بموضوعي وشكر خاص للبشمهندس الكبير / سمير عياد

بس انا عايز اتاكد ان عداد الار بي ام بيقراء صح اعمل ايه علشان اختبر ه ؟
لان التوصيلة اللي عملها الكهربائي غير المتعارف عليها في المنتدي هنا !!!!!!!!

ولو اي حد من الاخوة في المنتدي عايز يعرف الكهربائي اللي ركب العدادات انا ممكن ابعتله علي الخاص

تحياتي للجميع

[MMamdouh]

- النهاردة رحت الحرفيين واشتريت طقم عدادات علشان عربيتي هاف اوبشن المهم انا كنت مركز ان العدادات متكنش بالميل ولكن الخيبة التقيلة ولله الحمد ان عداد السرعة 200 كم وليس 220 كم زي العداد القديم ياتري في مشكلة كده ؟؟؟

اولا مبروك على العدادات... جبتها بكام؟؟

ثانينا قصة 200 او 220 ولا تفرق فى حاجة... اساسا انا كنت ناوى اقولك فك عداد السرعة اللى فى العداد و ركب مكانة عداد السرعة بتاعك عشان قراية عداد الكيلومتر... انا عملت كدة فى عربيتى

وكمان لمبة التشيك في بدايه الدوارة لقتها غريبة برده مكتوب عليها service بدل من check

مش فارقة حاجة... المهم ان اللمبة بتشتغل... و لو ضرورى عايز اللى مكتوب عليها تشك يبقى فكها برضة من عدادك القديم... حتلاقيها مكتوبة فى لوحة سوداء صغيرة متثبتة بلزق... فكها بحرص و ركبها فى العداد الجديد

- الحاجة التانية الكهربائي شغلي الا بي ام بطريقة غريبة مش زي ما عملها الاستاذ/ محمد ممدوح هو وصل السلكة الخضراء اللي في الفيشة بتاعة العداد مباشرة بالكنترول وقالي هو ده الصح

طالما الRPM شغال يبقى مفيش مشاكل... مهم قوللنا السلكة دى انهى واحدة فى الكونترول عشان نستخدمها مستقبلا بدل حوار الدايودات و كدة

- وكمان عداد الحرارة بيثبت علي الشرطة اللي في النص بالظبط غير العقداد القديم كان تحت النص !!!!!

العداد بيتصرف بشكل طبيعى؟؟؟ لو الاجابة نعم يبقى متلعبش فى اى حاجة

تنصحوني اعمل ايه ولكم جزيل الشكر

1- انقل عداد السرعة بتاعك
2- انقل البلاستكة اللى عليها كلمة check للعداد الجديد
3- غير لمبات العداد بلمبات 5 وات عشان ميبقاش النور باهت

MMamdouh

[hosar]

مبروك على العدادات

[faron525]

الله يبارك فيك يا استاذ / محمد
وحقيقي انا سعيد جدا بمشاركتك وردك

1- انا اشتريت العدادات و الساعة ب 220 جنيه من بعد الفصال الرجل كان عايز يبيع العدادت 250 جنيه و الساعة 70 جنيه

2- انا العداد بتاع السرعة عندي بيخرف و هو ده سبب الاساسي للتغيير .. قراءة العداد الجديد اقل من اللي عندي بحوالي 6000 كم تقريبا .
3- باذن الله بكرة هروح للكهربائي وهعرفلك و وصل السلكة فين في الكنترول من عينيه

4- بس انا عايز اعرف اذا كان العداد بتاع الار بي ام بقراء صح ولا لا ازاي ؟؟ ياريت تعرفني الطريقة

تقبل تحياتي

[hobaz]

الف مبروك ياباشا........