رسوم ترخيص لانوس وسؤال عن توكيل عيسى

[mmatouk]

السلام عليكم ورحمة الله,
انا نويت ان شاء الله اشترى لانوس زيرو فكنت عايز احسب كل المصاريف, سؤالى يا ريت لو حد اشترى لانوس قريب يقوللى رسوم الترخيص بتبقى كام, لو هرخص 3 سنين.

السؤال التانى, انا ناوى ان شاء الله اشترى من توكيل عيسى, حد اتعامل معاه قبل كده ؟؟

السؤال الثالث: فى واحد صاحبى قاللى ان لانوس الجديده دلوقتى معظمها فيها مشكله فى البارات, والتوكيل عارف كده, حد سمع حاجه عن الموضوع ده؟ ولو حد اشترى قريب ياريت يقوللى لو فى اى حاجه اخد بالى منها او اقول للتوكيل عليها.

وجزاكم الله خيرا على حسن التعاون ..

[m_aash]

أنا كنت مرخص لانوس زيرو من سنة و شهر تقريبا كان التكلفة لل 3 سنوات تقريبا أقل من 300 جنيه
شاملة التأمين و الورق و الضريبة و كله , مش أكتر من 300 جنيه.
مش عارف زادت بعد كده و للا لأ.
مبروك مقدما

[amrokhafagy]

انا رخصت من سنه زيزو لان الزيرو ما بتدفعش تسجيل بس بتجيب طفاية وكانت حوالى 500 جنيه للتلات سنين بس دلوقتى اظن زادات علشان التامين الاجبارى زاد

[أبو ياسين]

انا رخصت من حوالى 6 شهور و اتكلفت 315 من غير الطفايه(كان عندى واحده)
و مبروك على العربيه

[mmatouk]

الف شكر يا جماعه, ده كده تمام انا كنت بحسبها فيها مبلغ..
ياريت لو حد يعرف حاجه عن توكيل عيسى يقوللى
والف شكر

[أبو عبدالله]

اولا الف مبروك على العربيه ان شاء الله
ولكن نصيحه لا تشتري من عيسى سيارات للأمان
لأنه من المعارض اللي كانو بيخبطو العربيات ويصلحوها ويبيعوها تاني وانا متأكد من كلامي جدا

[mmatouk]

الف شكر على النصيحه يا ابو عبدالله, ارجو من الاخوه توجيهى لاحسن توكيل للشراء منه. عيسى كان قريب منى ولذلك فكرت فيه. شكرا

[coool911]

بص يا سيدى انا لسه مرخص من يومين بعد عذاب مع المرور والنمر الى مش موجوده
أنا هفنطهالك وأنت شوف بقى
1- ورق فحص 13 جم
2-طفاية 97 جم
3-تأمين 3 سنوات(طبعا التأمين غلى) 219 جم
4-ضريبة ومعاها 3 أستمارات 219+10+10+10=249
يعنى كله 578 ده طبعا الى انا صرفته وانا مرور السلام ممكن مرورك يختلف ده غير المصاريف الصغيره التانية
بص نصيحه منى أياً كان المعرض أشترط عليه يرخصلك لأن الطوابير دلوقتى مش على العيش وبس, لأ وكمان على النمر, أنا دوخت على النمر وقعدت العربيه 20 يوم بدون نمر وكل ما أسأل يقولوا النمر خلصت

[tmz9111]

موضوع النمر ده صح

[mmatouk]

الف شكر يا جماعه, ومبروك يا باشا على العربيه

[ahm177]

بص يا سيدى انا لسه مرخص من يومين بعد عذاب مع المرور والنمر الى مش موجوده
أنا هفنطهالك وأنت شوف بقى
1- ورق فحص 13 جم
2-طفاية 97 جم
3-تأمين 3 سنوات(طبعا التأمين غلى) 219 جم
4-ضريبة ومعاها 3 أستمارات 219+10+10+10=249
يعنى كله 578 ده طبعا الى انا صرفته وانا مرور السلام ممكن مرورك يختلف ده غير المصاريف الصغيره التانية
بص نصيحه منى أياً كان المعرض أشترط عليه يرخصلك لأن الطوابير دلوقتى مش على العيش وبس, لأ وكمان على النمر, أنا دوخت على النمر وقعدت العربيه 20 يوم بدون نمر وكل ما أسأل يقولوا النمر خلصت

الراجل دة كلامة صح بس مع شوية رش على الناس قول 650 كدة