مرجع لجميع اعطال و مشاكل الانوس و حلولها

[ahmedezzat78]

ايه رايكم يا جماعة نعمل موضوع مثبت فى منتدى الدايو و كل واحد يكتب فيه المشكله او العطل اللى حصل معاه فى عربيتو الانوس و يكتب طريقة الاصلاح باختصار دون الخوض فى تفاصيل كثيره و ردود متبادله بين الأعضاء و اهم حاجه اختيار عنوان مناسب و مختصر يدل على نوع العطل تسهيلا للبحث

سبب الاقتراح انى لاحظت تكرار المواضيع و تكرار الاجابات

يعنى لو فيه حد عندو مشكله معينه محتاج يبحث فى كل مواضيع القسم و احيانا يتم ذكر بعض الأعطال خلال موضوع بعنوان مختلف و ممكن واحد يكسل يدور فيعمل موضوع مكرر

أما اذا تم تثبيت الموضوع و كانت كل المشاركات مختصره فسوف يتكون لدينا مرجع لكل الأعطال يستطيع كل ملاك السيارة الرجوع اليه عند الحاجه دون اضافة مواضيع اخرى مكررة

============================
برجاء وضع شكل ثابت لكل المشاكل وهى كالتالى
* بداية ظهور المشكلة
* المحاولات الفاشلة لحل المشكلة
* الخبرات الجانبية اثناء حل المشكلة (ايه الجديد اللى اتعلمته / ايه اللى المفروض اخد بالى منه / نوع قطع الغيار اللى فيها مشكلة والنوع الكويس / حاجه اتفكت جنب المشكلة واتعلمت منها حاجة)
* الطريقة النهائية لحل المشكلة
* اذا امكن اضافة صور للمشكلة قبل واثناء وبعد حلها
* التكلفة النهائية لحل المشكلة مفصلة قطع غيار / مصناعية (برجاء ملاحظة عدم الاعلان عن اى ورشة ابوس ايدكم علشان اللى بيحصل فى المنتدى - كفاية كده)
* على جميع الاعضاء الألتزام بعدم الرد على اى عضو الا فى الضروره القصوى (انا داخل اشوف اعطال وحلولها ومش عايز اقرأ أى تعليق)
* الردود تكون للأستفسار عن العطل بعينة فقط وليس لعطل شبية (عندك عطل تانى اكيد هاتلاقى موضوع بنتكلم فيه عن العطل بتاعك فى المنتدى أو ممكن تبدأ موضوع جديد)

مشرف القسم

[elrasy]

موضوع جميل اوى يا باشمهندس احمد,,

ابتدى باول عطل و ازاى اتحل,,,

- العطل :كان فى هزة فى الدريكسيون يمين وشمال على اى سرعة اقل من 100 كيلو.
- الحل : كان فى فردة كاوتش بايظة غيرتها والموضوع اتحل تماما.

[badblood]

موضوع راااائع جزاك الله خير

[mohamed ismail]

تسلم يا هندسة علي الفكرة الجميله دي وان شاء الله الناس كلها تستفيد

[KarimAbulEla]

سيارتى لانوس 2004 اشتريتها زيرو ، المشكلة التالية حدثت بعد سنة و نصف من شرائها
اثناء السير فوق ال 70 او 80 كم ساعة اعتقد ، فجأة اكتشفت ان عزم السيارة قل كثيرا عن الاول و بصعوبة ممكن توصل لل 100 كم و رحت للتوكيل فى ابو رواش راحو غيروا لى سلوك البوجيهات و بعدها انحلت المشكلة .

مشكلة اخرى :

اثناء السير خبطت حجر كبير مر تحت السيارة و خبط ما خبط
الاضرار ( خبطات بالعلبة الخلفية و العلبة الوسطى للشكمان بجانب خبطة بالكارتيرة بتاعة زيت )

رحت لمركز بيع الشكمانات الخاص بابو اليزيد ( نفس النوع الى موجود فى السيارات الدايو المجمعة فىمصر ) و هذه المركز فى داخل شركة النصر للسيارات اللى موجود فى اول مكرم عبيد على طريق النصر ) و يعمل بشكل منفصل عن شركة النصر و لاوقات عمل بعد الاوقات العمل الرئيسية للنصر
و رفع السيارة و غير الشكمانات و كانت العلبة الخلفية 180 و الوسطى اعتقد 150 و هذا الحل
كان افضل من وجهة نظرى من تغييرها فى التوكيل و طبعا افضل من اصلاحه لدى بتوع الشكمانات

___________________________________
يا جماعة محمد ممدوح نشر اكثر من مرة رابط به كتيب الاصلاح ( السيرفس مانيوال) الخاص بالسيارة الدايو اللانوس يا ريت تستفيدوا منه لان به معلومات قيمة جدا جدا جدا عن طريق فك و تركيب الاجزاء المختلفة فى كل السيارة و كمان تحليل المشاكل من قبل الشركة المصنعة و انا لسة محملة من ساعة قبل ما اروح العمل و انطباعى الاولى انه اكثر من ممتاز فتحياتى لمحمد ممدوح

الرابط هو

http://www.daewootech.com/forum/viewtopic.php?t=5085

_____________________________________

أشكرك احمد عزت على فكرة تبادل الحلول و المشكلات حيث ان من فائدتها الاستفادة من القاعدة العريضة من مالكى دايو اللانوس و تحويل هذا الى عائد فعلى فى التعامل مع السيارة

[fakoussa]

انا معايا لانوس جولييت 1998 اتوماتيك مواصفات اوروبى ( العربية منطقة حرة بورسعيد) انا كنت بسمع اصوات غريبة فى العفشة و غيرت بيض و تيش و كله باءا تمام .

[MMamdouh]

لانوس 99

زيت بيجى على المنطقة خلف الدواسات مع نقص زيت الباور

تلف اويل سيل علبة الدكسيون...

MMamdouh

[eng_mkhalaf]

موافقين طبعا على التثبيت وياريت يبقى فى موضوع زى دة فى كل غرفة

[limo]

http://nilemotors.net/Nile/showthread.php?t=1238

ده المشاكل الى واجهنى فى عربيتى اشترها مستعمله فى 2005 وبعتها فى 2008 العربيه كانت لانوس 99 كامله اوتوماتيك

[ahmedezzat78]

ثقل عصايه الفتيس فى الغيار الثانى و المارشدير

تعليق المارشدير و ثقل الغيارات دى مشكله تم حلها فى التوكيل

لحل هذه المشكله قام التوكيل بعمل رجلاش لتيش عصايه الفتيس (اسفل الجلد) و التحسن ملحوظ

[MMamdouh]

صوت زنة من الكنبة الخلفية

طلمبة بنزين

MMamdouh

[ahmedezzat78]

العيب: صوت خبط الزلط و الرمل فى عتب الابواب (الصوت واضح جدا فى الصالون)

السبب: عزل الارضيه لا يغطى عتب الابواب الاربعه و العتب عباره عن علبه حديد مفرغة و الصوت بيرن فيها

الحل: فك الاربعة اعتاب بلاستيك عند الاربعة ابواب و حقن فوم داخل العلب الحديد عن طريق الثقوب والموضوع محتاج سته علب اسبراى فوم (تباع فى شارع الجمهوريه عند محلات لوازم التبريد و التكيف)

[ghanem]

بفضل الله عندى سيارة لانوس 2005 اشترتها زيرو وبعد حوالى 6شهور حسيت بدبدة تحت الموتور وكأن العربية مفككة روحت ابو رواش قالولى العربية مفهاش حاجة دة الكاوتش كان مريح شوية ..طبعاً استغربت جداً والموضوع مدخلش دماغى جربت العربية اكتر من مرة قبل ما اخرج من التوكيل ملقتش دبدبة ولا حاجة..وبعد اسبوع كما توقعت رجعت الدبدبة تانى روت مركزو الصيانة بطريق الاسماعيلية القاهرة عرفت ان المشكلة فى بيض الدريكسيون ودة عيب صناعه فى الموديل دة غيرتها على حسابهم طبعاً عشان الضمان ونفس المشكلة حصلت مع زميلى معاة نفس الموديل ودلوقتى حاسس ان المشكلة بدات تظهر تانى

على فكرة يا جماعة نسيت اقولكم انى كان عندى لانوس 99 اشتريتها استعمال وكانت ممتازة ..وبعدين ابعتها واشتريت نوبيرا2003استعمال وكان فيها عيب صناعة وهو كاوتش المقص بيتقطع بسرعة ودة فى منتهى الخطورة لذا انصح كل الزملاء الى معاهم نوبيرا يكشفوا دايماً على كاوتش المقص ..وبعد كدة بعت النوبيرا واشتريت لانوس 2005زيرو وفوجئت بالمشكلة الى قولتلكو عليها

[ahmedezzat78]

صوت شخلله من طارة الدركسيون

السبب: قطع بلاستيك صغيره مكسوره بتتحرك فى تجويف الكلاكس اثناء دوران الطاره

الحل : فك ضاغط الكلاكس من الطاره و اصطاد قطع البلاستيك بطرف قطعة لزق او سلوتيب او ما شابه

[ahmedezzat78]

صوت حركة خلف التابلوه

وانا مسافر مشغل التكيف و قافل الزجاج سامع صوت حاجه بتتحرك فى التابلوه بالرغم من ان الدرج فاضى

السبب : فيشه الكاسيت خاف الكاسيت بتتحرك و بتعمل اصوات

الحل : ربط الفيشه بجسم الكاسيت بكوليه بلاستيك (زى بتاع الطاسات)