Tweet
السلام عليكم اخوانى واحبابى بقسم الدايو النهاردة كالمعتاد روحت افول العربية زى كل اسبوع وانا للعلم على طول بفول على اول فصلة للمسدس وبعد 185 كم داخل البلد كالمعتاد فوجئت انها اخدت 27 لتر فى حين انها بتاخد 21 لتر كل اسبوع فكدة بتعمل 7 كم فى اللتر جوة البلد وانا حوصف استخدامى للعربية بالضبط انا ساكن عند دير الملاك فى مصر والسودان حدائق القبة وشغلى عند مجلس الدولة يعنى حسبة 8 او 9 كم انا بنزل الساعة 6 صباحا يعنى الطريق فاضى خالص وبروح الساعة 4.30 كدة يعنى عز الزحمة وطبعا الاسبوع اللى فات كان حر جدا فكنت على طول بشغل التكييف وانا راجع بالاضافة لبعض المشاوير العائلية بالليل ومش فى الزحمة اوى دة تقريبا بيتكرر كل اسبوع بس مش عارف اية اللى زود الاستهلاك الاسبوع دة مع العلم انى مغير فلتر هوا وبنزين من 3 اسابيع والزيت موبيل xhp وعامل 1500 كم و بستعمل بنزين 92 من موبيل او وطنية وفى حاجة تانية مش عارف ليها علاقة و لا اية المية بتنقص قيمة فنجان او نص كوباية كل اسبوع او 10 ايام وبالذات من ساعة الحر الجامد دة ما بدا فا مش عارف دة ممكن يكون لية علاقة برضو وشكرا واسف على الاطالة بس حبيت اوضح الصورة كاملة العربية اسبيرو 94 auto
-
-
نسيت اقول بس انى نضفت دورة الانجكشن بالاسبراى وانا بغير الفلاتر وعمر التانك ما فضى اكتر من نصة -
هي عربيه حضرتك حقن الكتروني ؟؟[CENTER] شكـــــــراً نايـــــــــل موتـــــــورز
[/CENTER]Comment
-
بالضبط كدة يا استاذ محمدComment
-
طيب حضرتك مش يمكن استهلاك البنزين ده نتيجه انك كنت مشغل التكييف الفتره اللي فاتت شويه مع زحمه الشوارع و و و و
واحتمال كمان ان الرشاشات تكون بدات تسييل بعد التنضيف اللي حضرتك عملته للإنجكشن
معلش انا بحاول اجتهد معاك لان من كلام حضرتك مفيش اي احتمال غير الاحتمالين دول[CENTER] شكـــــــراً نايـــــــــل موتـــــــورز
[/CENTER]Comment
-
معني كده ان تنظيف الرشاشات ممكن يبوظ الرشاشات ارجوا التوضيح لو سمحت للاهمية بعد اذن صاحب الموضوعالمشاركة الأصلية كتبت بواسطة محمد الشامي مشاهدة المشاركة[URL]http://www.nilemotors.net/Nile/showthread.php?t=78628[/URL]Comment
-
التنضيف ميبوظش رشاشات ولا حاجه
بس لو في رواسب او تراكمات شديده على الرشاشات فده بيعمل نوع من القفل النسبي للرشاش , بيخنقه او بيكتمه يعني
لكن لما الرشاشات بتنضف (بتسلك يعني) ممكن تدي نسب اعلى من اللي كانت بتديها قبل التنضيف وبالتالى بتحس ان في فرق في استهلاك البنزين
انا سمعت الكلام ده والله اعلم , وممكن نتابع سوا لغايه لما حد يفيدنا بشكل قاطع في المعلومه دي[CENTER] شكـــــــراً نايـــــــــل موتـــــــورز
[/CENTER]Comment
-
لية استهلاك البنزين عندى زاد فجأة+1التنضيف ميبوظش رشاشات ولا حاجه
بس لو في رواسب او تراكمات شديده على الرشاشات فده بيعمل نوع من القفل النسبي للرشاش , بيخنقه او بيكتمه يعني
لكن لما الرشاشات بتنضف (بتسلك يعني) ممكن تدي نسب اعلى من اللي كانت بتديها قبل التنضيف وبالتالى بتحس ان في فرق في استهلاك البنزينComment
-
بس انا لما نضفتها وغيرت الفلاتر دة كان لزوم دخلة الصيف وكدة بس السحب هوة هوة وكمان الكلام دة من 3 اسابيع يعنى فولت 3 مرات وكان الاستهلاك فى الطبيعى بتاعة و للعلم انا مش بجرى تقريبا بالعربية لانى معظ الوقت معايا مراتى و بنتى فبطلت اجرى فدة مش من الاسباب برضة انا كدة حاحطها على اسكنر اشوف زمن فتح و قفل الرشاشات بس كنت عاوز اعرف منكم هل فى سبب معين للتغيير الفجائى دة بالاضافة لموضوع النقص الخفيف للميةComment
-
طبعا مش طبيعى أن الميه تنقص بأى حال من الأحوالوفى حاجة تانية مش عارف ليها علاقة و لا اية المية بتنقص قيمة فنجان او نص كوباية كل اسبوع او 10 ايام وبالذات من ساعة الحر الجامد دة
فهل كشفت حوالين المكنه وراجعت على رباط الخراطيم
وهل كشفت على البوجيهات بالمره علشان تشوفها عامله أيه فى الحريق
أو لاحظت تعريق ميه حوالين غطاء القربه
وبالمره أيه أخبار حرارة المكنهComment
-
انا بصيت بس مش لاقى تسريب واضح وخصوصا انى ممكن 6 او 7 ايام اقعد اكشف على المية مش تنقص اجى اليوم التامن الاقيها نقصت الفنجان دة وحرارة المكنة طبيعية مش بتعدى الربع ودة الطبيعى فى الاسبيرو ال 94 لان ال95 و ال96 مش كدة فهل نقص المية ممكن يكون كدة عندى مشكلة فاكبس دورة التبريد ولا اية و بالنسبة لاستهلاك البنزين العالى دة راى حضرتك اجرب اسبوع كمان واشوف حتعمل اية لربما يكون بسبب الحر الشديد وتشغيل التكييف باستمرار حتى بالليل مع العلم انى كنت بشغلة بس مكانش بالكتر دة و لا اكشف اسكنر دلوقت احسن وخلاص وبالنسبة للبوجيهات هى فاضل 5 الاف على ميعاد التغيير هل ممكن تكون السبب؟ وشكراComment
-
حقول لسعادتك على حاجهوبالنسبة للبوجيهات هى فاضل 5 الاف على ميعاد التغيير هل ممكن تكون السبب؟
ال5 آلاف دول مش قصه (علشان نستناهم على مانغير بوجيهات )
غير بوجيهاتك وظبط الكاوتش كويس
ولو لاحظت حاجه غريبه على البوجيهات القديمه
ياريت ترفعلنا ليها صوره علشان نبقى ماسكين كل أطراف الموضوع
وأطلع أعملك مشوار كويس ( على الهاى واى ) طريق سريع
لكنس كل التكربن اللى ممكن يكون موجود بالشكمان وعامل رد فعل عكسى على سحب المكنه
وبالطبع ده حيزود أستهلاك البنزين نظرا لأن مشاويرك من حدائق القبه لداخل البلد ودى فرصه لنمو الكربون بعلب الشكمان
وشوف الوضع الجديد
بعد ماتعمل الموضوع ده بتاع البوجيهات والمشوار السريع بعد ضبط ضغط الأطاراتComment
-
شكرا يا بشمهندس حجرب اللى قولت علية وابقى اقول اية الاخبار بس بالنسبة لموضوع الكربون دة كان واحد صاحبى معاة كرستالة كان لما الاستهلاك يعلى يروح التوكيل لظبطولو نسبة الكربون بس مش عارف ازاى فهل الكلام دة موجود عندنا فى الدايو انة لية ظبط ولا حلها مشوار افوق العربية بس وشكرا لاهتمام و متابعة حضرتكComment
-
بالضبط كدهولا حلها مشوار افوق العربية بس
فهذا ما أعنيهComment
Comment