دخان من التكييف... ده حله ايه ؟؟

[Hunting_Eagle]

عندي سؤال للخبراء من يويمن كنت مشغل التكييف طول اليوم وكان شغال تمام و جيت طفيته شويه وبعدين شغلته تاني لقيته بيطلع دخان روحت قفلته بسرعه ونزلت فتحت الكبوت مالقتش اي دخان وكمان مؤشر الحرارة كان عادي خالص
ممكن ده يكون دخان من بره العربية؟ يعني دخان عربية كانت ماشية قدامي؟؟
مع العلم اني كنت عامل ريسيكل جوه العربية يعني مفيش هوا من بره
بس اساسا انا لما بعمل الريسيكل كده بكون شامم روائح من بره العربية مع انه المفروض يكون مفيش رائحة ولا حاجه ولا انا بتكلم غلط؟
عربيتي لانوس موديل 2008 برجاء الاهتمام لاني مش بستغني عن التكييف خالص
شكرا مقدما

[samirayad]

سلك خط فائظ التكييف

وتابع الأداء الجديد

[Hunting_Eagle]

سلك خط فائظ التكييف

وتابع الأداء الجديد

معلش يا باشمهندس مفهمتش حاجة
يعني اعمل ايه

[samirayad]

كان فيه موضوع للأخ : سترونج

عن عربيه لانوس بتطير فى الهواء

أنا فاكر أنى حطيطله صوره وفيها مكان فتحة الفائظ

ححاول أدور على الموضوع علشان تشوف الفتحه وتسلكها من الأوراق وخلافه

[Hunting_Eagle]

اللي فهمته ان في حاجة مش نظيفة عاوزة تتنظف صح كده ولا لا؟؟
طيب انا ممكن اعمل ده بنفسي ولا اروح لمتخصص؟
سؤال كمان معلش عندي زرار سحب الهو لما بيكون مقفول بردو بيدخل هوا ده حله ايه

[samirayad]

شوف يا أخى

أنا حوصفلك الوضع لأنى مش عارف أصرف فى صوره ولا لاقى الموضوع اللى فيه الصوره

أنت حتنزل تحت العربيه أو ترفعها فى أى بنزينه أو تبص عليها من تحت فى أى محطة غسيل سيارات

فى المنطقه اللى فى نص الأسكترا تحديدا

حتلاقى بزبوز فيبر تقريبا عامل زى الحنفيه فى الشبه ( ده بيجيب الميه المتكثفه على المبخر ويرميها لبره العربيه من تحت )

المفروض ده يبقى سالك ومفتوح لتحت

سلكه كويس أوى من الحاجات اللى سداه وجرب

[MMamdouh]

الدخان كان له ريحة؟؟؟

لو الاجابة لا يبقى عادى و دة تكثيف لبخار المية اللى كان فى كابينة العربية لما عدى على سربنتينة التكييف الباردة

MMamdouh

[Shiref_mohamed]

الدخان كان له ريحة؟؟؟

لو الاجابة لا يبقى عادى و دة تكثيف لبخار المية اللى كان فى كابينة العربية لما عدى على سربنتينة التكييف الباردة

mmamdouh

+111111111111
انا عندي لما التكييف بيبقى شغال لفترة طويلة واطفيه واشغله تاني بيطلع هواء ابيض لمده ثواني ويختفى

[Hunting_Eagle]

شوف يا أخى

أنا حوصفلك الوضع لأنى مش عارف أصرف فى صوره ولا لاقى الموضوع اللى فيه الصوره

أنت حتنزل تحت العربيه أو ترفعها فى أى بنزينه أو تبص عليها من تحت فى أى محطة غسيل سيارات

فى المنطقه اللى فى نص الأسكترا تحديدا

حتلاقى بزبوز فيبر تقريبا عامل زى الحنفيه فى الشبه ( ده بيجيب الميه المتكثفه على المبخر ويرميها لبره العربيه من تحت )

المفروض ده يبقى سالك ومفتوح لتحت

سلكه كويس أوى من الحاجات اللى سداه وجرب

انا فهمت كده كلام حضرتك بس احسن بقي اروح لحد بتاع تكييف يعمل كده لاني مش بفهم في اجزاء السيارة وكده
وشكرا علي الاهتمام

[Hunting_Eagle]

الدخان كان له ريحة؟؟؟

لو الاجابة لا يبقى عادى و دة تكثيف لبخار المية اللى كان فى كابينة العربية لما عدى على سربنتينة التكييف الباردة

mmamdouh

والله يا اخي انا اول لما حصل كده مركزتش وقفلته علي طول بس بعدها بيوم شغلته وكان شغال كويس

[Hunting_Eagle]

يا جماعه طيب محدش رد علي سؤالي
لما بكون عامل زرار سحب الهواء علي داخل العربية بس بشم روائح و اتربة من الخارج بردو ... ده كده طبيعي ولا حله ايه؟

[samirayad]

يا أخى من المستحيل أن تشم روائح مختلطه بالدخان وأنت حاطط زرار التكييف على أعادة التدوير

لأن المروحه مبتسحبش هواء من بره أساسا

وكله منه فيه ( على حسب شكوتك الحاليه )

يعنى هواء الصالون هو اللى بيتحير فى دايره مغلقه

وكون وجود الدخان مختلطا ببعض التراب

فده بيرجع أساسا لتلوث المبخر من جسمه من الخارج بالأتربه وتزويب بخار الماء للأتربه ومن هنا بيت تدوير أتربه مذابه

فى ماء متكثف تحت المبخر ( لأن فتحة الفائظ مسدوده عندك )

يعنى هواء الصالون وهو بيتحير جوه الصالون بياخد فى سكته هواء مختلطا بالماء الملوث بالأتربه الموجوده على المبخر

من العصور القديمه

( اللى كنت بتاخد فيها هواء من بره قبل كده لأن الانوس أساسا مفيهاش فلتر تكييف .....فشىء طبيعى حتكون فى العصور

القديمه ( وأنت مشغل التكييف على وضع عدم أعادة التدوير ...يعنى المروحه بتاخد هواء من بره الصالون )

فبتكون سحبت هواء من بره مختلطأ بالأتربه والملوثات اللى بتتجمع على المبخر أو التلاجه )

ودى ميزة وجود فلتر تكييف فى النوبيرا

__________________________

وشبورة الماء اللى بتجيلك مع تراب هى اللى محسساك بالشعور بالدخنه

وهو فقط عباره عن هواء مروحه محملا بالماء الملوث بالتراب المذاب فيه


مثل شبورة الماء التى نراها فى الأجواء المتربه صباحا

[sam_zen_elden]

دة تكاثف بخار المياه من النفس نتيجة الدورة المغلقة وممكن الفايظ يكون محتاج يتسلك بس لو الفايظ كان جاب مياة جوا الصالون

[Hunting_Eagle]

يا أخى من المستحيل أن تشم روائح مختلطه بالدخان وأنت حاطط زرار التكييف على أعادة التدوير

لأن المروحه مبتسحبش هواء من بره أساسا

وكله منه فيه ( على حسب شكوتك الحاليه )

يعنى هواء الصالون هو اللى بيتحير فى دايره مغلقه

وكون وجود الدخان مختلطا ببعض التراب

فده بيرجع أساسا لتلوث المبخر من جسمه من الخارج بالأتربه وتزويب بخار الماء للأتربه ومن هنا بيت تدوير أتربه مذابه

فى ماء متكثف تحت المبخر ( لأن فتحة الفائظ مسدوده عندك )

يعنى هواء الصالون وهو بيتحير جوه الصالون بياخد فى سكته هواء مختلطا بالماء الملوث بالأتربه الموجوده على المبخر

من العصور القديمه

( اللى كنت بتاخد فيها هواء من بره قبل كده لأن الانوس أساسا مفيهاش فلتر تكييف .....فشىء طبيعى حتكون فى العصور

القديمه ( وأنت مشغل التكييف على وضع عدم أعادة التدوير ...يعنى المروحه بتاخد هواء من بره الصالون )

فبتكون سحبت هواء من بره مختلطأ بالأتربه والملوثات اللى بتتجمع على المبخر أو التلاجه )

ودى ميزة وجود فلتر تكييف فى النوبيرا

__________________________

وشبورة الماء اللى بتجيلك مع تراب هى اللى محسساك بالشعور بالدخنه

وهو فقط عباره عن هواء مروحه محملا بالماء الملوث بالتراب المذاب فيه


مثل شبورة الماء التى نراها فى الأجواء المتربه صباحا

والله يا بشمهنهدس هو ده اللي بيحصل واللي خلاني اتاكد من كده اني لما بعدي جنب مكان ليه رائحة مش كويسه بشم الريحة جوه العربية او لو عربية دخانها كتير كانت ماشية قدامي بردو بشم الدخان بتاعها وحاجة كمان ان في حالة ان يكون في هوا محمل بتراب في الجو بردو بحس بالتراب جوه العربية
يبقي كده عادي ولا ايه انا احترت...

[samirayad]

يبقي كده عادي ولا ايه انا احترت...

ولا حيره ولاحاجه

سلك أنت بس فتحة الفائظ بتاعة التكييف

وكله حيبقى تمام