مشكلة فى النوبيرا (أرجو المساعدة)

[bolamaged]

يا جماعة أنا معايا نوبيرا 2004 . من فترة لقيت الدركسيون فيه صوت وأنا بألفّه وأنا ماشى بالراحة .
فا رحت لواحد قاللى دى جلب المقصات والمفرود انو غيرها . بس بعد كدة الصوت فضل موجود فا وديتها لواحد تانى قاللى دى عايزة تشحيم ومن بعدها فعلا الصوت راح لمدة 10 أيام ورجع تانى :)
فهل لو غيرت المقصات خالص الموضوع هايتحل؟ وللا ده ممكن يكون عيب حاجة تانية؟
و سمعت ان أحسن مقصات الأسبانى فهل لو هاجيبها أجيب نوع ايه و بتبقى بكام وكده؟
شكراً

[noni67]

اللى بتقولى عليه دة بلى البطاحة مش بيض الدركسيون
خلى حد يدخل يدور المحرك وانت حط ايدك على صرة البطاحة الكاوتش من عند الكابود وخليه يلف الدركسيون يمين وشمال ببطء شوية هتسمع الصوت ده فى ايدك كويس اوى لو كده فعلا يبقى بلى بطاحات

[bolamaged]

لأ بالراحة عليّا علشان أنا خبرتى محدودة قوى فى الحاجات دى
أنا لا أعرف بيض الدركسيون ولا بلى ولا صرة البطاحة :)
معلش أنا أسف بس حد يفهمنى بالراحة أعمل ايه علشان أعرف المشكلة فين .

[bolamaged]

و برضه عايز أعرف ليه ما تبقاش المقصات ؟

[MMamdouh]

المقصات ملهاش علاقة بحركة الدكسيون... بيض الطرف او بيض المقص هو اللى ممكن يعمل مشكلة

بالنسبة لمشكلتك فا دى بطاحات و البطاحات دى هى الجزئين المدورين اللى فى حوض الموتور على الجنب اليمين و الشمال فوق العجل

MMamdouh

[bolamaged]

شكرا يا جماعة بجد على اهتمامكم