فوجات النوبيرا اخيرا نورت كويس

[Sherif Khalifa]

للاسف نسيت اصور الموضوع بس طريقة الفك كانت موضحة فى موضوع قبل كدة بالصور

1- تفك صوميل الربط بالاكصدام
2- تنطر كلبسات وش الفانوس
3- تحط الفانوس فى فرن دافئ لمدة 5 دقائق (مش اكتر من كدة علشان الفريم البلاستك ميسحش و تخسر فانوس كامل)
4- بمفك عادة هتدخل بوزة مابين الوش الزجاج و جسم الفانوس و تنطر الوش براحة لبرة و اول ما يطلع معاك كامل بأيدك
5- هتغسل العواكس (بس بحزر علشان ممكن الطلاء العاكس يقشر معاك

6- هتفك عاكس اللمبة (هنستغنى عنهم)

7- انا بدلت اللمبات الاصلية الفيليبس 50 وات باخرى اوسروم 100 وات سعرهم 25 جم

8- اعادة التركيب بانك تدفى الفانوس تانى لمدة لا تزيد عن 1 دقيقة علشان السيليكون يلين معاك تانى

9- تكبس الوش الزجاجى مكانة و تركي الكلبسات مكانها

10- ركب و ظبط ارتفاع الفانوس

النتيجة اكثر من ممتازة بصراحة مصدقتش الفرق و كويسين جدا فى الشوارع البطيئة

كنت بفكر انى اغير الوش الزجاجى لأخر بلاستك شفاف بس البياع قال ممكن يسيح فأكتافيت بالنتيجة دى

[faron525]

الف مبروك وعقبال عندنا

[M.Zaher]

مبروك ياباشا
والله انا نفسي اغير الفوجات عندي لانهم عندي نورهم زي الزفت

[Sherif Khalifa]

مبروك ياباشا
والله انا نفسي اغير الفوجات عندي لانهم عندي نورهم زي الزفت

جرب تعمل زى ما انا عملت قبل ما تكلف نفسك

[sasaid]

السلام عليكم،عاوز انبهكم ان تغيير اللمبات الاصلية الفيليبس 50 وات باخرى اوسروم 100وات حيعمل مشكلة انصهار البلاستيك بتاع الفوج وده عن تجربة.الافضل هو وضع الزينون لان حرارتو مش زي اللمبات ابو 100وات.وشكرا

[nab!l]

100
جامدين جدا عن تجربه

[Sherif Khalifa]

السلام عليكم،عاوز انبهكم ان تغيير اللمبات الاصلية الفيليبس 50 وات باخرى اوسروم 100وات حيعمل مشكلة انصهار البلاستيك بتاع الفوج وده عن تجربة.الافضل هو وضع الزينون لان حرارتو مش زي اللمبات ابو 100وات.وشكرا

انت تقصد اى جزء من الفوج بظبط ؟

[pesso]

السلام عليكم،عاوز انبهكم ان تغيير اللمبات الاصلية الفيليبس 50 وات باخرى اوسروم 100وات حيعمل مشكلة انصهار البلاستيك بتاع الفوج وده عن تجربة.الافضل هو وضع الزينون لان حرارتو مش زي اللمبات ابو 100وات.وشكرا

اولا مساء الخير يأستاذ sasaid بس ليه سؤال هو ممكن اشترى لمبتين زينون للأسبوت فقط علشان انا بأسمع انه بيتباع الطقم الزينون بالكامل ولو كان ممكن يبقوا بكام والف شكرا لاهتمامك

[nab!l]

فعلا الحراره اللى بتطلع منهم جامده
بس مش لدرجة الانصهار
انت كده خوفتنى منهم

[M.Zaher]

اهوه ده اللى كنت خايف منه بقى اني اركب لمض عاليه فتحرق الفانوس
بس انا سمعت برده من كهربائي ان الزينون برده هايسيح الفانوس

[Sherif Khalifa]

يا جماعة وش فوجات النوبيرا زجاج مش بلاستك عاشان يسيح بالسهولة دى

[nab!l]

بس هو قصده عالضهر

[organic_magic]

ممكن صوره ليهم وهم راكبين

[sasaid]

السلام عليكم،استاذpesso لازم تشتري الطقم الزينون بالكامل بالنسبة لثمنهم حد من الاخوة ممكن يفيدك (اصلي انا من المغرب).اما لمبة 100وات اوسرام فدي بتسيح جوانب الفوج وده حصلي شخصيا وغيرت طقم جديد.معلش يا جماعة احنا نعمل تجربة بسيطة نفك الفوجات ونخلي نورهم مولع ساعة او اقل شوية (متنسوش تخلو العربية دايرة عشان البطارية )ونلمس اطراف الفوج البلاستيك فلو لقينا البلاستيك المحيط بالفوج سخن اوي لدرجة الانصهار يبقى نعرف نعمل ايه.