احترس من الصامولة

[shok]

الموضوع باختصار شديد انا كنت راجع من العريش وقبل القنطرة ب20 كيلو بدات اسمع صوت طقطقة فى العجلة الخلفية يمين وقفت احاول اجيب الصوت منين بالظبط مش عارف المهم قريت الفاتحة ومشيت الصوت اختفى واحد صحبى قالى مدام الصوت اختفى نروح وخلاص قلتله لا لازم نطمن المهم رحت القنطرة شرق ولقيت ميكانيكى قلتلة بص على البيلية فكها لاقاها سليمة بصيت لقيتة بيقولةى ان الصامولة الة اسكة البلية فوتت ولحست ومبقتش بتمسك وان الفردة كلها واقفة على التيل فقط والتيل عبارة عن ابرة بتركب وتتنى يعنى العربية كانت ماشية على ابرة ربنا ستر
بس يا ريت تخالى بالكم وتحتفظوا ببلية والصامولة معاكم احتياطى

[yassin_samir]

طيب ما تقول لنا الصامولة مقاس كام و البلية و صفها اية علشان انا هسمع كلامك و اشترى احتطياطى و شكرا يا سيدى الفاضل

[shok]

طيب ما تقول لنا الصامولة مقاس كام و البلية و صفها اية علشان انا هسمع كلامك و اشترى احتطياطى و شكرا يا سيدى الفاضل

متهايالى كل عربية لها مقاس
انا عربيتى نوبيرا علشان كدة لقيت المقاس بتاعها بسهولة الانوس والنوبيرا مقاس واحد
يا ريت الخبراء يفيدونا فى موضوع المقاسات

[samirayad]

فعلا الكلام ده بالضبط

حصل مع واحد زميلى ومعاه نوبيرا برضه

وفى نفس الفرده الخلفيه اليمين

ولكنه كان مكبر الليله

ولم يتوقف للكشف على السبب

وبالتالى طارت منه الفرده الخلفيه اليمين

وكاد أن يفعل حادث

[jojowork1]

طيب ايه الموضوع ده يعني الواحد يعمل ايه كده طيب ده في النوبيرا وفي الانوس برده

[samirayad]

وارد فى أى عربيه

سواء لانوس أو نوبيرا أو مرسيدس

مع وجود بوش ولعب فى البلى المخروطى الخلفى

على أساس لو فيه لعب جانبى للبلى المخروطى الخلفى مع حركة السياره السريعه

الصره بالعجله بتحاول تخرج لبره جانيا

وبالتالى بيحصل تحميل جانبى شديد على سن الصاموله ومسمار الركبه

والضعيف فيهم بيحلق

ومن هنا بيحدث الأنفصال للعجله كاملة بالصره

بالجنب كله

[ahmedhilmy]

ارجو التوضيح اكتر ايه الاعراض ؟ الاصوات الوارد حدةثها قبل المشكلة ؟ الاحتياطات الواجب اتخاذها خاصة قبل المشاوير الطويلة؟

[samirayad]

ولقيت ميكانيكى قلتلة بص على البيلية فكها لاقاها سليمة بصيت لقيتة بيقولةى ان الصامولة الة اسكة البلية فوتت ولحست ومبقتش بتمسك

ياريت تشوفلك عفشجى كويس

وتغير البليتين اللى وراء بنوع كويس

كنوع من الأمان

لأن أكيد فيهم بوش جانبى

والفرده اليمين بالذات حتعملك قلق تانى مع صامولة الجنب اليمين

وده أفضل ليك ولسلامتك

وخللى بالك

اللى الميكانيكى عمله مجرد مسكن ومش علاج للسبب الرئيسى

فى حلقان الصاموله

[shok]

ياريت تشوفلك عفشجى كويس

وتغير البليتين اللى وراء بنوع كويس

كنوع من الأمان

لأن أكيد فيهم بوش جانبى

والفرده اليمين بالذات حتعملك قلق تانى مع صامولة الجنب اليمين

وده أفضل ليك ولسلامتك

وخللى بالك

اللى الميكانيكى عمله مجرد مسكن ومش علاج للسبب الرئيسى

فى حلقان الصاموله

الف شكر يا بشمهنس سمير على النصيحة المهمة دى بس انا لسة مغير البلى كلة من حوالى 3 شهور بس
كنت عايز اسئال سؤال انا العفشة عندى عايزة تتربط ممكن تكون هى سبب البوش ؟
ملحوظة البلى الى مركبة nck اليابانى علبتة ازرق فى احمر

[samirayad]

الف شكر يا بشمهنس سمير على النصيحة المهمة دى بس انا لسة مغير البلى كلة من حوالى 3 شهور بس
كنت عايز اسئال سؤال انا العفشة عندى عايزة تتربط ممكن تكون هى سبب البوش ؟
ملحوظة البلى الى مركبة nck اليابانى علبتة ازرق فى احمر

خللى بالك

ممكن يكون البلى مضروب أساسا

ولازم زى ما قولتلك تطمن على وضع البلى كويس أوى

بس حتحتاج صنايعى نظيف

يعرف يحدد البلى مبوش وخفيف ولا فيه حاجه تانيه

أنا عن نفسى

ميال أن البلى خفيف أو مش متركب صح

[mohfud]

طب الصامولة مقاس كام وإية أفضل نوع للبلى والصامولة و أى حاجة تانى فى العجل الخلفى

[shankosi]

الصامولة مشرشرة بيركب عليها تيله عشان متفكش.

إزاي اللي حصل ده ؟؟؟

[ahmed31031]

متااااااااااااااابع

[samirayad]

الصامولة مشرشرة بيركب عليها تيله عشان متفكش.

إزاي اللي حصل ده ؟؟؟

بسيطه

التيله وقعت أو أنقطمت

أو مكنتش موجوده من الأساس من شغل سابق

بسبب كسل بعض الساده العفشجيه المحترمين