سؤال لأهل الخبره

[Dodo2009]

أنا معايا لانوس 99 فى حاله كويسه متابعه مع الصيانه على طول ولسا مغيره جنوط وكاوتش 14 ومساعدين وطبعا ضبط زوايا وعفشه وماشاء الله العربيه أحسن فى المطبات وكمان فى الثبات على السرعات العاليه وبأشكر كل اللى ساعدنى فى موضوع تغيير الكاوتش .....بس أنا عندى مشكله وياريت لو حد يقدر يساعدنى
أول لما يأدور العربيه الصبح بتدور على طول بدون أى مشاكل وأمشى بيها عادى بس لما بأركنها حتى ولو نص ساعه وأرجع أدورها تانى مش بتدور على طول ويتاخد وقت وساعات تدور وكأنها شرقانه وحتبطل بس بعد كده بتبأه تمام ....أنا مش عارفه سبب المشكله ياريت لو حد يقدر يفيدنى ولكم كثير الشكر

[gonow]

رشاشات
الحالة رقم 2233445566

[gamal_tx]

رشاشات
الحالة رقم 2233445566

+1111111

[khalid9411]

والله مش فاهم الارقام ده ايه
هل هى عدد الرشاشات؟ مش عارف
هل ارقام فتحها؟مش عارف
افيدونا يا اهل الخبرة والعلم

[Dodo2009]

والله مش فاهم الارقام ده ايه
هل هى عدد الرشاشات؟ مش عارف
هل ارقام فتحها؟مش عارف
افيدونا يا اهل الخبرة والعلم

متهيألى والله أعلم ان المقصود بيها ان ديه الحاله المليون مثلا اللى بتعانى من مشكلة الرشاشات
ياريت حد يفيدنا ولو ممكن كمان أعرف ايه هوه جهاز اسكانر اللى بنكشف عنده على الرشاشات يعنى شكله ايه وعند
مين وياريت لو مكان قريب من الهرم وفيصل وشكرا

[samirayad]

والله مش فاهم الارقام ده ايه
هل هى عدد الرشاشات؟ مش عارف
هل ارقام فتحها؟مش عارف
افيدونا يا اهل الخبرة والعلم

ده التحويل من أنالوج ....الى ديجيتال

لكلمة رشاشات

_______________

سوفت وير جديد ياعنى ( أو تسطيبه جديده كده زى بتاعة الوندوز )

ومعاها الأنتى فيروس بتاعها

ياحج : خالد

[Dodo2009]

ده التحويل من أنالوج ....الى ديجيتال

لكلمة رشاشات

_______________

سوفت وير جديد ياعنى ( أو تسطيبه جديده كده زى بتاعة الوندوز )

ومعاها الأنتى فيروس بتاعها

ياحج : خالد

معلهش يا باشمهندس أنا بردوا مش فاهمه الارقام ديه فايدتها ايه ولا حتساعد فى حل مشكلة الرشاشات ولا ايه بالضبط

[A.samy]

الارقام دى عدد اللى سألو فى نفس العطب ومن كتر ما اترد على الموضوع دة بقنا بنعد الناس اللى عندها نفس العطب .

[samirayad]

معلهش يا باشمهندس أنا بردوا مش فاهمه الارقام ديه فايدتها ايه ولا حتساعد فى حل مشكلة الرشاشات ولا ايه بالضبط

معلش ده نوع من الأختصارات نظرا لكون المشكله سببها غالبا الرشاشات ومكرره

ودى طبعا من وجهة نظر كاتب ومؤلف الأرقام

_____________________

والصح بالنسبه ليكى

لقطع الشك باليقين

المفروض تعملى أختبار لكفاءة الرشاشات من جهة التسييل ( بتشر بنزين )

على مكنة الألتراسونيك

والله المكنه قالت الرشاشات بتسيل

يبقى ما باليد حيله وحتغيريها

______________________

طلعت الرشاشات سليمه ....يبقى حندور فى أتجاهات أخرى

[ahmedhilmy]

دي حقيقة المقصود بالارقام دي تعبير مجازي عن التكرار البالغ التعدد لنفس المشكلة

[mohfud]

دي حقيقة المقصود بالارقام دي تعبير مجازي عن التكرار البالغ التعدد لنفس المشكلة

ولية متكنش البوجيهات أو السلوك أو حتى المارش نفسة

[MMamdouh]

لو اى حاجة من دول هى المشكلة مكانتش مشكلة غياب الدوارة تختفى الصبح و تظهر لما العربية تتركن نص ساعة

MMamdouh

[Dodo2009]

لو اى حاجة من دول هى المشكلة مكانتش مشكلة غياب الدوارة تختفى الصبح و تظهر لما العربية تتركن نص ساعة

mmamdouh

فعلا هى المشكله بتبان لما أركن العربيه وأرجع اشغلها تانى وأنا النهارده عملت اختبار دواسة البنزين قبل ما أدورها بعد ساعه من ركنها ودارت على طول فغالبا حتكون رشاشات بس ليا سؤال بعد اذنك هوه جهاز السكانر ده ايه يعنى بيطلع أرقام ولا بيانات علشان بس لما أروح للميكانيكى أباه فاهمه ايه اللى بيحصل
وهوه مش ممكن الرشاشات الاصليه اللى راكبه تتنضف وتركب تانى وياترى فيه علاقه بين تغيير طلمبة البنزين(العام الماضى غيرتها) ومن بعدها بدأت تظهر المشكلة وبين عيب الرشاشات
معلهش حأتعبك معايا ربنا يجازيك كل خير وشكرا

[MMamdouh]

السكانر بيحدد زمن فتح الرشاشات... لو الزمن دة كبير (اكتر من1.8 الى 2.0 مللى ثانية) يبقى الرشاشات بترمى بنزين بالزيادة

عموما الاختبار اللى انتى عملتية بالفعل دليل كافى على تلف الرشاشات... تنظيف الرشاشاتمش حيحل المشكلة لان دى مش مشكلة ترسبات و اوساخ... دى مشكلة فنية فى النوع دة من الرشاشات و بالتالى انا بنصح انك متشتريش رشاشات دى اللى فى العربية

مفيش اى علاقة بين تغيير الطلمبة و تلف الرشاشات بدليل ان فيه فارق زمنى سنة كاملة بين المشكلتين... هى طبيعة الرشاشات دى كدة

MMamdouh

[Dodo2009]

السكانر بيحدد زمن فتح الرشاشات... لو الزمن دة كبير (اكتر من1.8 الى 2.0 مللى ثانية) يبقى الرشاشات بترمى بنزين بالزيادة

عموما الاختبار اللى انتى عملتية بالفعل دليل كافى على تلف الرشاشات... تنظيف الرشاشاتمش حيحل المشكلة لان دى مش مشكلة ترسبات و اوساخ... دى مشكلة فنية فى النوع دة من الرشاشات و بالتالى انا بنصح انك متشتريش رشاشات دى اللى فى العربية

مفيش اى علاقة بين تغيير الطلمبة و تلف الرشاشات بدليل ان فيه فارق زمنى سنة كاملة بين المشكلتين... هى طبيعة الرشاشات دى كدة

MMamdouh

ألف شكر على الرد وأنا قريت لحضرتك قبل كده انى أشترى رشاشات بتاعة ال bmw ديه طبعا بتبأه مستعمله من الحرفيين فهل ليها رقم معين ولا أقوله انها تنفع للعربيه اللانوس 1500 وياترى ما هو سعر رشاشات الbmw الجديده وعلى فكره العربيه عامله 210000 كم ولم أغير الرشاشات قبل كده متهيألى ان عمرها الافتراضى انتهى
وشكرا على تعبك معايا