مشكلة فى الشكمان

[A7MEED]

السلام عليكم
دلوقتى انا عندى مشكلة فى لانوس 2005
العربيه بتعمل صوت ( عنه ) ومزعجه اوى لما بضغط بنزين يعنى على 300 الفه كده
روحت لمكانيكى قلى ورح لبتاع شكمانات
روحت فعلا والراجل قلى العلبه الاماميه بايظه . وممكن تمشى بيها على كده 4 شهور عادى
قلتله طيب اجبها استراد قلى لا هتها جديدة احس .
وفى نفس الوقت العربيه بتأكل بنزين المكانيكى قلى البوجيهات بايظه غيرتها وفعلا العربيه سحبها بقت تماااااام .
المطلوب :
سعر العلبه دى كام
والافضل جديد ولا استرد وبتتباع فين
واية اضررها يعنى ممكن تكون سبب فى استلاك البنزين مثلا . والطبيعى المفروض تعمل كام فى الصفيحه

ولكم جزيل الشكر ،

[pesso]

أخى الكريم اللى انا أعرفه ومتأكد منه ان الشكمان لما يكون بايظ او مخروم اولا السحب بتاع العربيه بيقل + استهلاك البنزين بيزيد

[MMamdouh]

متجيبش شكمان استيراد... العلبة الوسطانية جديدة ب 150 جنية تقريبا

MMamdouh

[msms_ms2001]

طيب العلبه الخلفيه بكام الاصليه ؟

[MMamdouh]

160 او 180 حاجة كدة

MMamdouh

[dr.hany]

أخى الكريم اللى انا أعرفه ومتأكد منه ان الشكمان لما يكون بايظ او مخروم اولا السحب بتاع العربيه بيقل + استهلاك البنزين بيزيد

الكلام ده مظبوط؟؟؟؟؟؟

[MMamdouh]

سحبها حيقل فعلا... انا مقدتش بشكمان مخروم مدة طويلة عشان احسب الاستهلاك بس عموما طالما فيه فقد فى القدرة يبقى الاستهلاك حيزيد

MMamdouh

[A7MEED]

أخى الكريم اللى انا أعرفه ومتأكد منه ان الشكمان لما يكون بايظ او مخروم اولا السحب بتاع العربيه بيقل + استهلاك البنزين بيزيد

شكرا لك هو فعلا فى زياد فى استلام البنزين

[A7MEED]

متجيبش شكمان استيراد... العلبة الوسطانية جديدة ب 150 جنية تقريبا

mmamdouh

شكراً يا بشمهندس محمد على ردك السريع
هو الشكمان ده كام علبه اصل الراجل بيقولى العلبه الاماميه وصوتها تحت الكبوت كده

يبقى هى دى العلبه الوسطانية اللى هو يقصدها

[MMamdouh]

الشكمان فى اللانوس 3 قطع اساسية زى ما فى الصورة و هما من الشمال لليمين:

ماسورة من الفرن الى العلبة الاولى و دى فيها السوستة

العلبة الوسطى

العلبة الخلفية



لو العربية فيها علبة بيئة بتبقى الماسورة الاولى اللى فيها السوستة قصيرة و علبة البيئة بتبقى بينها و بين العلبة الوسطى

MMamdouh

[bakkarahmed]

العلبة الامامية بتكون في منتصف العربية وسعرها 150
العلبة الخلفية ب 175 من عند ابو اليزيد
من اهم اسباب ضعف السحب وكتمة العربية هو الشكمان البايظ علشان المشكلة فية ما بتقفش عند خرم فية بل ان الصدا بيدوب الشكمان من جوة ولما تخبط علية بتلاقة مشخلل ودة بيعمل اعاقة كبيرة لخروج العادم وبيسخن العربية جامد وممكن تلاقي الشكمان لونة محمر شوية كمان من كتر السخونة فلازم يتغير
ضيف علي المكونات اللي في الصورة (علبة البيئة) ودي بتكون في الاول بين السوستة والعلبة اللي في المنتصف ودي سعرها 700 جنية وبتكتم العربية اوي لما تبوظ وبتنزل في الفول اوبشن بس

[hanycapoo]

طيب انا عندى صوت زى شخللة او سلسلة بتحك فى الارض بسمعها بليل وانا ماشى لما بتبقى الشوارع فاضية وعندى علبة الشكمان الاخيرة مخرومة دى ممكن اجبها منين وبكام والشخللة دى تبقة من العلبة والا من اية ؟؟؟

[A7MEED]

الشكمان فى اللانوس 3 قطع اساسية زى ما فى الصورة و هما من الشمال لليمين:

ماسورة من الفرن الى العلبة الاولى و دى فيها السوستة

العلبة الوسطى

العلبة الخلفية



لو العربية فيها علبة بيئة بتبقى الماسورة الاولى اللى فيها السوستة قصيرة و علبة البيئة بتبقى بينها و بين العلبة الوسطى

mmamdouh

هى العربيه فول ابشن يبقى كده فيها علبه بيئه ولا اية
هو الصوت بيبقى تحت الكبوت على طول يبقى اكيد كده العلبه الاولى اللى هيا جيه من الفرن
بس هى لية العلبه دى بتبوظ بسرعه انا مغيرها فى التوكيل من حوالى سنه ونص بـ 1200 جنيه

[A7MEED]

العلبة الامامية بتكون في منتصف العربية وسعرها 150
العلبة الخلفية ب 175 من عند ابو اليزيد
من اهم اسباب ضعف السحب وكتمة العربية هو الشكمان البايظ علشان المشكلة فية ما بتقفش عند خرم فية بل ان الصدا بيدوب الشكمان من جوة ولما تخبط علية بتلاقة مشخلل ودة بيعمل اعاقة كبيرة لخروج العادم وبيسخن العربية جامد وممكن تلاقي الشكمان لونة محمر شوية كمان من كتر السخونة فلازم يتغير
ضيف علي المكونات اللي في الصورة (علبة البيئة) ودي بتكون في الاول بين السوستة والعلبة اللي في المنتصف ودي سعرها 700 جنية وبتكتم العربية اوي لما تبوظ وبتنزل في الفول اوبشن بس

شكرا يا باشا على ردك
طيب ممكن عنوان ابو اليزيد

[MMamdouh]

هى العربيه فول ابشن يبقى كده فيها علبه بيئه ولا اية

yes

هو الصوت بيبقى تحت الكبوت على طول يبقى اكيد كده العلبه الاولى اللى هيا جيه من الفرن
بس هى لية العلبه دى بتبوظ بسرعه انا مغيرها فى التوكيل من حوالى سنه ونص بـ 1200 جنيه

لازم تكشف الاول على الشكمان عند حد بيفهم عشان متقعدش تغير فى حاجات على الفاضى

MMamdouh