خلاصه الكلام عن الفتيس الاتوماتيك لــ لانوس

[ragel_mo7trm]

السلام عليكم يا اخواني الاعزاء الرجاء اعطوني رأيكم وبدون تحيز وبما يرضي الله
الفتيس الاتوماتيك ل دايو لانوس 1 او لانوس 2
هل يوجد بيه عيوب
فيه ناس كتير قالت متجبش اتوماتيك كوري مش بيستحمل
ياريت الافاده بما يرضي الله ودون تحيز وخصوصا اني هشتري العربيه مستعمله
وطبعا العربيات حظوظ بس اكيد فيه حاجه او عيب موجود بصفه عامه في القئه كلها

[jojowork1]

مش عارف افيدك لاني ما جربتش بس عمتا انا ساعت لما كنت بشتري قلولي نفس الكلام بلاش الاتوماتك وبصراحه كانت قدامي عربيه اتوماتك حاله ممتازه وكانت ارخص 2000 جنيه عن قرينتها عاده طبعا قلت وكبرت دماخي من الاتوماتيك

[am79]

عن السمع وليس عن تجربه والله اعلم
بس الكلام عن الكوري بصفه عامه مش حلو في الاتوماتيك
وطبعا الرجاله هنا مش بتبخل بالرأي واكيد هما مجربين وهيفدوك ان شاء الله

[ahmedomara00]

انا معايه لانوس 99 اوتوماتيك اول يد و عامله 140 الف و الحمد لله الفتيس معملش اى مشكله لغاية دلوقتى مع العلم انى مش بعمله اى نوع من انواع الصيانه ، و الفلتر بتاعه متغيرش ولا حتى الزيت ، معلش انا مهمل فى العربية شوية ، لكن عيب الانوس اوتوماتيك فى حاجه واحده ان الانوس اساسا سحبها بطيئ فى الطلعه و الاوتوماتيك بيقلل السحب طبعا زى ما انتو عارفين ، و ياسلام بقه لو مشغل التكييف ، مقدمكش حل غير انك تتصل بواحد صاحبك يزقك ، لكن على الطوالى مفيش اى مشكله .

[Ibrahim Nabil]

انا معايا لانوس 99 اوتوماتيك ، توكل على الله يا باشا مفيش مشكلة ان شاء الله واى فتيس فى الدنيا معرض لاى مشكلة

[M.Zaher]

العيب مش في الفتيس العيب في الصنايعيه

[Mo.Kareem]

معلش يا جماعه سؤال
هو فيه سوفت وير ممكن ينزل على الكمبيوتر بتاع العربية والفتيس

[MMamdouh]

no

MMamdouh

[mohamedrabia]

بس انا ركبت دايو لانوس اوتوماتيك كانت موديل 98 الناس كلها كانت بتقول لا بلاش كوري اتوماتيك ما الفيرنا بتتجمع هنا واتوماتيك والمفروض انها كوري لا بقت بتتجمع في مصر وتركيا كوريا شالت اديها وشغاله وعليها سحب يبقي الكوري علي ابوة الدايو وحشة انا شايف انها كانت كويسه بس السحب مكنش اوووي يعني بالاخص في المطالع انا حسيت ده لاني غيرت بنيسان صني اوتوماتيك هي يباني فيه فرق طبعا في تجميع السرعات بس برده الدايو زي الفل قطع غيار متوفرة ورخيصة وثبات العربية محترم جدااا بس خد بالك من حاجتين دايما ماستر الفرامل والتيل هما اسوء شي بالدايو الاتوماتيك ده كله عن تجربة شخصية وربنا يكرمك ابقي قلنا سعرها كام وحالتها ويفضل صور

[hossamhindawi]

انا عندي لانوس 99 اوتو وماشية معايا زي الفل سواء بالتكييف أو من غيره

[Eslam.Adly]

انا عندى لانوس 1 اتوماتيك وشاريها زيرو ولغاية دلوقتى عمرى ماعملت صيانة للفتيس الاتوماتيك غير انى غيرت الزيت والفلتر وبس وعمرو ما عمل معايا حركة قله ابدا الحمدلله

[mohamedrabia]

الناس متخيله انه فتيس ورق ده ناقل حركة بتروس زي ناقل الحركة المانول بالظبط بس ده في ماجره واحده وعلي فكرة اعتقد ان الفرق بين الفتيس الاوتوماتيك والعادي في الشراء بقا قليل جدااا مع العلم انك بتغير اسطوانة دبرياج باستمرار في المانول الاوتاماتيك لا

[emad aly]

انا معايا لانوس 1 99 اوتوماتيك عاملة لحد دلوقتي 170 الف كيلو .. والحمد لله الفتيس زي الفل عمره ما عمل حاجة معايا ابدا .... اهم شيئ تابع الزيت كل 40 الف كيلو ... اول كل ستة اشهر ...وزود الزيت ومتغيرش، العربية جميلة كل مشكلتها انها مش بتسحب زي باقي العربيات الاوتوماتيك وخصوصا في طلوع الكباري ولكن بعد ما بتجمع بتبقي كويسة وخصوصا في المسافات الكبيرة والسفر زي الفل والمشكلة التانية تيل الفرامل لأن الاوتوماتيك منها ممكن كل 3 شهور بتغير تيل فرامل

[Rafek Orbit]

انا معايا لانوس 1 موديل 99 اتوماتيك والحمد لله كويسه جدا ومريحه جدا فيما عدا مشكلة السحب على الغيار الاول والتانى وده عادى .. جربها الاول وشوف حالة الفتيس بانك على طريق سريع تتحرك بالعربية من الثبات لغاية سرعه 80 على الاقل واتاكد ان ما فيس نتشات فى الغيارات ولا رجه فى العربية بين النقلات بس لازم تعمل الاختبار ده والعربيه سخنه مش بارده علشان عزم المتور ولان حساسية الفتيس بتقل لو الزيت كان بارد .. ونصيحه اسال صاحبها لو غير زيت الفتيس بلاش منها لان زيت الفابريكه مش بيتغير واى نوع تانى مع الوقت بيقلل كفاءة الفتيس وده مكتوب فى الكتالوج بتاعها .. الفتيس الاتوماتيك بتاع اللانوس محترم جدا ومشكلته الاساسيه هو عك الصنايعيه

[Eng.Geo]

في كذا فتيس بيركب في دايو
فتيس واير ... ده كان في النوبيرا المصري
فتيس كهربا ... ده كان بيركب في النوبيرا الأوروبي وبيركب في الليجانزا
الفتيس الكهربا المدفع ... ده فتيس اللي كان نازل في اللانوس من زمان ... اللي هي الكوري وده الفتيس الوحيد اللي معروف انه بياخد 13 لتر زيت

اسوأهم هو الواير وده اللي عمل سمعه زبالة لكل الأوتو الكوري مش الدايو بس ..... بيضرب كلاتشات كل فترة ... وبوردة السيليكتور بتتاكل وفجأة العربية تجيب 4 علي طول
الفتيس الكهربا شبه مافيهوش اي مشاكل تقريبا .... قليل قوي لما بلاقيله مشاكل
الفتيس المدفع وده تقريبا 2فر مشاكل ... عيبه بس ان ممكن تغيرله زيت ب 300 جنيه مثلا !
انما كسحب واداء واعتمادية... هو افضلهم
كدة لو لقيت اي عربية دايو بتاخد 13 لتر زيت يبقي اكشف علي حالة الفتيس ... لو سليم خدها ومش هيحصلها حاجة ان شاء الله
بس اي فتيس محتاج صيانه عامة ... لو أهملت فتحمل النتايج