أفيدونا افادكم الله هل موتور وفتيس لانوس شيفروليه 2010 صيني

[Mohamed.Mohsen]

السلام عليكم ورحمة الله وبركاته

اخواني الاعزاء

منذ فترة بفكر اشتري لانوس لكفاءتها وكانت معي واحدة 2002 كوري من الزيرو اتباعت قريب لظروف سفرية سريعة وبحثت عن الحالات المتوفرة بالسوق لم اقابل حالة ممتازة فابريقة بالكامل لذلك بفكر اشتري شيفروليه لانوس لكن يقال ان الموتور والفتيس واجزاء من العفشة صيني والتقفيل كله فرق كبير عن الدايو والخدمة بتوكيل منصور سيئة جدا مما يجعل القديم وهو دايو لانوس حتي 2008 متفوق تماما هل هذا الكلام صحيح وما الفرق بين دايو وشيفروليه لانوس .وبماذا تنصحوني
ولو احد الاعضاء لديه حالة دايو لانوس فابريقة بالكامل من الزيرو 2006-2008 انا مستعد للشراء الجدي بالسعر المرضي له ومعاملة راقية جدا
ولكم جزيل الشكر والتقدير

[engaass]

الموتور رومانى واعتقد ان الفتيس بيكون زى الموتور واعتقد ان الفرق بين الدايو والشيفرولية ليس كبير الى هذه الدرجة

[Mohamed.Mohsen]

شكرا لاهتمامك وردك اعتقد ان موتور وفتيس والات جر الدايو الماني ؟كما يقال ولا كوري ؟

[yahiahelaly]

الموتور والفتيس همة همة مفيش فرق الفرق فعلا ف حجات بسيطة ف التقفيل بس يعني كان معاك لانوس ورايح تجيب لانوس طيب ماتفكر ف اللوجان او لو امكانيتك تسمح اعلى شوية

[MMamdouh]

شكرا لاهتمامك وردك اعتقد ان موتور وفتيس والات جر الدايو الماني ؟كما يقال ولا كوري ؟

لا مفيش حاجة المانى فى العربية... اللى اكيد هو ان البوبينة و الطلمبة صينى

MMamdouh

[bshndi]

السلام عليكم ورحمه الله وبركاته
طبعاً ما فيش فرق خالص يذكر ، بس موضوع عيوب التقفيل ده هو إلي مش لطيف (ومع إني معايا شيفورليه لانوس) بس النصيحة تقتضي إنك لو لقيت في أحد المعارض في الأقاليم واحده دايو لانوس مستخبية كده ولا كده تبقي أحسن من الشيفورليه .
إحتراماتي وتحياتي

[wael_dosoky]

لو معاك ثمن الشيفورليه لانوس يبقي انصحك لو تقدر تزودها شوية وخش في نيو اكسنت او زودها شوية كمان وخش في نيسان صني او بروتون جين 2 او وفر شوية وخش في ويجا بروتون
لكن لو علي الفرق انا اعتقد انه زي ما قال إستشارينا (محمد ممدوح) ما فيش غير البوبينة والطلمبةهما إلي صيني
وانا سمعت والعهدة علي الراوي ان خط إنتاج الملاكي غير خط إنتاج التاكسي عند منصور
والتوكيل والصيانة فعلاً الفرع الرئيسي في ابو رواش موش حلو لكن فيه فروع تانية كويسة اوي زي اوتو ماستر والعوض جروب والتجمع
اما علي التقفيل ففعلاً تقفيل الشيفورليه لانوس موش اد كده
انا كان معايا لانوس 99 ودلوقتي معايا شيفورليه لانوس 2010
الموديل القديم كان احلي وبيستحمل اكتر

[Mohamed.Mohsen]

شكرا جزيلا للأعزاء المنتدي لاهتمام
ولم افكر في الرينو للخوف منها وارتفاع اسعار قطع الغيار وخدمات مابعدالبيع وملهاش سوق قوي وكمان لم تنتشر اللوجان انا تقريبا بشوف عربيه كل 3 شهور منها اعتقد ماباعتش كتير وكمان من تجارب رينو السابقة القريبة في مصر غير مشجعة
ولو هفكر في اعلي ممكن ماتركس لكن الحالات المستعمل الكويس السليم نادرة شوية

[Mohamed.Mohsen]

بالنسبة لو زيرو يا استاذ وائل دسوقي النيو اكسنت المانيوال ب 76 الف اغلي من اللانوس 10 الاف بالاضافة الي الصالون ضيق جدا والعفشة ناشفة جدا انا ركبتها وعارفها والجين 2 مشكلتها قطع غيار التوكيل الغالية جدا وسوقها في المستعمل مش ماشي خالص لو حصل ظروف واضطريت ابيع هتعب جدا و افضل ما اقترحته هو النيسان صني بس المانيوال تبدأ من 86 الف والتوماتيك 93 الف ففي فرق كبير عن الشيفروليه لانوس اكتر من 20 الف جنيه في المانيوال لو تقريبا السعر هينزل الخاص بالشيفروليه حوالي 3 الاف جنيه من 66 الي 63 الف وبالنسبة لمعلومة خط انتاج التاكسي يختلف عن الملاكي دي حاجة تطمن شوية بالنسبة للشيفروليه

وسؤالي للمهندس محمد ممدوح بعد تحيته ايضا علي معلوماته القيمة جدا عن اللانوس هل موضوع الموبينة والطلمبة الصيني فقط دول هيفرق كتير وهل ممكن تغييرهم في المستقبل بقطع غيار دايو لو عملوا مشاكل واي طلمبه كنت تقصد حضرتك ؟

[Mohamed.Mohsen]

الف شكر يا بشندي وانا فعلا بدور علي دايو لانوس مستخبية 2006-2008 وربنا يكرم

[khalid9411]

لا مفيش حاجة المانى فى العربية... اللى اكيد هو ان البوبينة و الطلمبة صينى

mmamdouh

+11111111111111

[Mohamed.Mohsen]

اتفرجت في معرض جنبي علي شيفروليه لانوس 2010 فعلا في فرق كبير ما بين الانوس دايو من شيفورليه وانا لاحظتها في التقفيل عربيات زيرو وانا متاكد ان الاكصدام الخلفي مش اصلي حتي تركيبه فيه فروقات زيها بالضبط زي الفيرنا الكوري 2004 والمصري 2010 لو قارنت بينهم

[prince2005]

خط إنتاج الملاكي غير خط إنتاج التاكسي

[ahmed_gouda]

انا اتخايلت بمعرض عندنا في الشرقيه عنده لانوس زيرو دايو مش شيفروليه اديني يومين و اسال علي الموديل و السعر بس برضه مش متأكد

[Mohamed.Mohsen]

حضرتك قصدك زيرو ماتباعتش ومرخصتش دايو لانوس دي اخرها 2008 معقول متخزنة سنتين ولا تقصد مستعملة بحالة الزيرو اي كسر زيرو ارجو التوضيح يا استاذ احمد جودة وشكرا لتعاونك