دبرياج لانوس 2007

[samy33]

السادة مشرفى المنتدى الكريم واعضائه برجاء إفادتى عندى مشكلتين فى سيارة لانوس 2007 كل اللى مشيته 27 الف كيلو لسه شريها من 15 يوم
1-صوت عالى من ناحية سير الكاتينة مش عارف ده سببه ايه بالضبط
2-كل ما ادوس على دواسة الدبرياج اسمع صوت حشرجة واكن فى رجة فى الدواسة تحت رجلى
فبرجاء الرد على سريعا قبل ما اروح لميكانيكى ويشتغلنى

[samirayad]

بما أنك شارى العربيه أستعمال

وتوجد لديك شكوى من وجود أصوات غير طبيعيه بمنطقة الكاتينه

فيجب عليك

أعطاء تلك المنطقه الأولويه أولا

ويفضل مبدئيا

لكى تكون فى مأمن من لعب الصنايعيه

أنك تحدد سبب العيب تحديد كالآتى

1- نزل سير الباور والدينامو وحاول تلفف الدينامو بأيديك ونفس الوضع لطلمبة الباور وشوف أيهما به خشونه مع الدوران

2- نفترض لقيتهم الأثنين دورانهم طبيعى ولا يوجد خشونه فى بلى أحدهما

يبقى تركب سيرهم تانى وتعاود المحاوله مع سير التكييف وشداده

قبل مانقول العيب قادم من منطقة التقسيمه ولا لا

بالطريقه دى حتكون فى مأمن من تلاعب الصنايعيه

ولما يتحدد العيب ويعالج

نبقى نشوف الوضع العام للعربيه حيقول أيه تانى

قبل الدخول على ملاحظتك رقم 2

[samy33]

ماشى ياباشمهندس سمير هعمل كده لما اروح علشان انا فى الشغل بس فى حاجة نفسى تقولى تعليقك على الملحوظة رقم 2 بالمرة علشان انا بصراحة كنت مستنى اول الشهر علشان اكشف على كل حاجة بالمرة والحمد لله فى قبض النهارده

[samirayad]

والحمد لله فى قبض النهارده

يعنى أنت ناوى بأه تضيع القبض على العربيه

وعموما موضوع الدواسه ده حتلاقيه بسيط

ممكن ترش شوية أسبراى wd40

على مكونات الدواسه بغرض تليين حركتها

وتشوف الجديد أيه معاك

[samy33]

شكرا يا باشا على الرد السريع ولاكن المشكلة فى الدبرياج انا بسمع صوت جاى من عند الفتيس نفسه لما بدوس دوسه خفيفة يبان ولما ادوس دبرياج للاخر يظهر اكتر واكتر

[MMamdouh]

رش WD40 على الفورش

MMamdouh

[samirayad]

رش WD40 على الفورش

MMamdouh

+1

[samy33]

متشكر جدا على الردود بس انا معرفش يعنى ايه فورش هدور عليه فى المنتدى ده لو ما حدش دلنى عليه
بس على فكرة الصوت بيبقى عامل اكن بلية الدرك فيها حاجة

[khalid9411]

هو ممكن الفرش يكون باين قدام اعيينا من تحت يا جماعة

[samy33]

على فكرة انا رحت للميكانيكى امبارح وقال لى ان بلية الدبراج بايظة وفى الغالب بيكون طقم الدبرياج كله عاوز يتغير الكويس منه بيعمل فى حدود 450 جنيه ومصنعية 120 جنيه ايه رايكم فى الكلام ده الصوت عالى جدا وبيزيد اكتر لمل بدوس دبرياج مع العلم انى قولت للميكانيكى ان العربيى كل اللى عملته 27 الف كيلو فقط وده قليل جدا على تغير طقم الدبرياج فقال لى هذا مش شرط ممكن اللى انت شارى منها العربية اتعلمت عليها
انا انتظر من الاخوة فى المنتدى النصيحة والمشورة قبل ما اروح للميكانيكى الساعة 6 مساء اليوم

[MMamdouh]

هو ممكن الفرش يكون باين قدام اعيينا من تحت يا جماعة

yes

تابع خرطوم الباكم اللى معدى تحت قاعدة البطارية حتلاقية رايح للماستر التحتانى... الماستر بيزق الفورش بتاع الدبرياج

MMamdouh

[MMamdouh]

على فكرة انا رحت للميكانيكى امبارح وقال لى ان بلية الدبراج بايظة وفى الغالب بيكون طقم الدبرياج كله عاوز يتغير الكويس منه بيعمل فى حدود 450 جنيه ومصنعية 120 جنيه ايه رايكم فى الكلام ده الصوت عالى جدا وبيزيد اكتر لمل بدوس دبرياج مع العلم انى قولت للميكانيكى ان العربيى كل اللى عملته 27 الف كيلو فقط وده قليل جدا على تغير طقم الدبرياج فقال لى هذا مش شرط ممكن اللى انت شارى منها العربية اتعلمت عليها
انا انتظر من الاخوة فى المنتدى النصيحة والمشورة قبل ما اروح للميكانيكى الساعة 6 مساء اليوم

ألاعراض كلها بتقول طقم دبرياج بالرغم من قلة الكيلومترات

MMamdouh

[samy33]

متشكر جدا على الردود بس انا كنت عاوز اعرف ايه هو احسن نوع من انواع طقم الدبرياج وعند مين فى الحرفيين
وكمان المصنعية كدا كويسة ولا كتيرة ولا قليلة
والف شكر كمان مرة يا باش مهندس ممدوح

[samirayad]

فقال لى هذا مش شرط ممكن اللى انت شارى منها العربية اتعلمت عليها

انت شاريها من واحده ست كانت بتتعلم عليها السواقه.....؟

وأشتريتها بكام .........؟

[MMamdouh]

متشكر جدا على الردود بس انا كنت عاوز اعرف ايه هو احسن نوع من انواع طقم الدبرياج وعند مين فى الحرفيين
وكمان المصنعية كدا كويسة ولا كتيرة ولا قليلة
والف شكر كمان مرة يا باش مهندس ممدوح

الطقم الValeo بيعمل حوالى 300 جنية (اسطوانة و دسك و بلية و فورش)

الطقم الGM (صناعة شركة Valeo برضة) يزيد عن كدة بناع 150 الى 180 جنية

انا لما غيرت طقم الدبرياج دفعت مصنعية 150 جنية

MMamdouh