زنة فى فتيس دايو نوبيرا ون

[hazim5005]

[justify] [/justify][justify]
ده تانى فتيس اغيره لدايو نوبيرا ون خليجى ستيشن جايبها من بور سعيد مجهزة اوتوماتيك

حصلتلى وانا فى اسكندرية صرير وصفير فى العجلة الشمال الامامية ورحت لمركز خدمة هناك منه لله, وقاللى ده رمان البلى(الرولمن) وهنغيرها ونكبسها فى الطنبور.. المهم استصعبت الطنبورة عن الخلع من البكوبلن فبدأ بالدق بمطرقة بشده وخلع ذراع الكوبلن الشمال بكامله

مما خلى العربية يا عينى تنزف زيت الباور بتاع الحاج فتيس
بعدما نزفت 2 كيلو كاملين تم تركيب ذراع الكوبلن بعدما بعته للخراط ال ايه؟!! فىه عوجة وبيخرطله صامولة غلق للكوبلن
تم تجريب العجلة على نقص الزيت فى الفتيس
وفضل يزود فى البنزين والعربية واقفة ويفرحنى ان الصوت راح من العجلة
المهم انا اللى فكرتهم بتزويد زيت الفتيس الناقص وتم تزويد 2 كيلو
وطلعنا نجرب

فوجئت بزنة معدنية مع السرعة الخفيفة والعالية شوية وهى ماشية و برضه وهى واقفة و على كل الغيارات والN or P كمان, الزنة دى صادرة بصوت شخللة صادرة من الفتيس زى ما يكوت فيه حتة معدن سايبة وبترن مع الزنة والفتيس لون زيتة فيه سواد عالى بس العربية بتمشى وبتقسم فى النقل عادى والصوت عالى اوى مع تزويد البنزين وحاد للغاية طبعاجبتها انا والعيلة على ونش كساحة من اسكندرية للقاهرة وكان يوم ما يعلم بيه الا ربنا رفع العربية بينا ورفع كل اللى فى جيبى
كدة فتيس جديد ولا ممكن اصلاح ولا ايه
افيدونى افادكم الله
[/justify]

[M.Zaher]

هاتروح لواحد بتاع فتيس اوتو
و تنزل زيت الفتيس و تغيره مع الفلتر و تخليه يشوف في الفالف بودي لو فيه اي بلوف اتكسرت
ولو عندك سلك كيك داون غيره و عامة ماتقلقش ان شاء الله قولنا انت منين عشان نقدر نرشحلك واحد كويس تروحله
و الفتيس استيراد سعره مابيعديش 1600 جنيه

[zocor742]

حسبنا الله ونعم الوكيل
فى الصنايعية اللى معندهاش ضمير

ربنا معاك والعيب يطلع بسيط ان شاء الله

[hazim5005]

بشكركم على سرعة الرد وبارك الله فيكم
انا من شبرا , بس الفتيس بتاعى مافيهوش سلك كيكداون هو كهربا تقريبا بنظام tbs
اللى هو بكارتيرة سودة مربعة ابو فيشة وكنترول.
انا عارف انه بيبقى صعب الحصول على النوع ده بالذات
يا ريت تدلونى على اقرب مكان اصلاح او استيراد يكون عنده حاجه نظيفة تستحمل
كمان لو مشيت عليها كده لحد مكان الاصلاح مثلا فيه خطورة ولا لا وكام كيلو وامشى ازاى لو مفيش خطورة..
بشكركم بجد الواحد حس ان له اخوات هنا يفيدوه ويواسوه.

[M.Zaher]

بشكركم على سرعة الرد وبارك الله فيكم
انا من شبرا , بس الفتيس بتاعى مافيهوش سلك كيكداون هو كهربا تقريبا بنظام tbs
اللى هو بكارتيرة سودة مربعة ابو فيشة وكنترول.
انا عارف انه بيبقى صعب الحصول على النوع ده بالذات
يا ريت تدلونى على اقرب مكان اصلاح او استيراد يكون عنده حاجه نظيفة تستحمل
كمان لو مشيت عليها كده لحد مكان الاصلاح مثلا فيه خطورة ولا لا وكام كيلو وامشى ازاى لو مفيش خطورة..
بشكركم بجد الواحد حس ان له اخوات هنا يفيدوه ويواسوه.

ماتمشيش طول ما الزيت ناقص
اقطر العربيه لحد الورشه
تقريبا كان فيه واحد قال على واحد ميكانيكي قريب من شبرا بس مش فاكره والله
عموما استنى يمكن حد يدخل يقولنا على واحد قريب منك

[hazim5005]

هو الزيت دلوقتى مش ناقص لانى زوته هناك بعدما حصلت المشكلة بس فيه حرق, هل كده فى خطورة من مشيها وقيادتها لحد الورشة
وهل لو اطررت لقطرها هل هذا خطر على الكلتشات ولا لاء لانى اعرف ان الاوتوماتيك متتقطرش
وشكرا اخوانى

[M.Zaher]

يعني ايه حرق

مفيش خطر ولا حاجة من القطر اقطرها عادي بس هاتها على n

[hazim5005]

معلش فى الاطالة بس هل فى مشكلة على العربية لو قلبتها منيول.
ولو تم اصلاح الفتيس الاوتوماتيك بتركيب طقم اصلاح هيبقى افضل ولا اجيب واحد استيراد احسن لانى محتار واللى بيفتوا كتييييير دلونى.
وشكرا لسعة صدركم