بقيت اسمع صوت شخشخة

[weka_sa]

ياجماعة ممكن سؤال؟
انا عربيتى دايو لانوس2005 معايا من 5 سنين جايبها زيرو
الاول لما جبتها كنت لما انزل فى نقرة او حاجة زى كدة مش بسمع صوت فى العربية غير الدبدبة بس
لكن دلوقتى بقيت اسمع صوت شخشخة كأنى فى حاجات مفكوكة فى الابواب الامامية والخلفية او فى الطابلو بس وفى الحتة اللى عند الماعات الخلفية بحس انى فى حاجة بتترزع ورا لحد دلوقتى مش عارف ايه السبب بس انا عن نفسى بقول ممكن تكون العفشة عايزة تتربط او فى حاجة فى الابواب او المساعدين عايز يتشحم لان الدبدبة بقت اعلى تحس ان العربية منغير مساعدين خالص
ارجو المساعدة
ممكن تساعدونى مافيش حد هنا حصلت معاة المشكلة دى انا عايز اسمع صوت الدبدبة لما العربية كانت زيرو ممكن حل

[احمد المصرى]

متروح تربط عفشه احتياطى ممكن يكون فيها اى مشاكل


ولو عندك حاجه مفكوكه فى الشنطه ذى الاستبن ممكن يكون مش مربوط مكانه صح

[samirayad]

أنت محتاج تراجع على كل شغل العفشه فى العربيه

وتغير التالف من الأجزاء

لأننى أعتقد أنك مكشفتش على العفشه ولا شوفت نظامها من 2005

على الرغم من نزولك الكثير فى النقر والحفر وخلافه

[h_zahra]

لو كنت غيرت فرش الصالون الناس دي بتنسي مسامير كتير من غير تربيط
اقترح عليك تروح لسروجى يفك فرش الابواب ويكشف
كمان اي صنايعي بيفك وش الطابلوه علشان يركب كاست او انذار او غيره مش بيرجع كل حاجة زي ما كانت وهي دي الضريبة
لازم تكون واقف على ايديهم علشان ترجع كل مسمار زي ما كان

[weka_sa]

انا مغير ارضية العربية بس مافكتش الببان خالص غير فى الانذار واساسا انا طبعتي انى مابسبش العربية بتاعتى عند اى صنايعى مهما كان امين او غير امين وتمم وراهم على كل ذرة مسمار
على فكرة انا بسمع صوت شخشخة فى الببان دى المشكلة
بس واحد صحبى قالى روح ربط مكينة الازاز وربط كل حاجة فى الباب من جوة
بس دة اروح عند سروجى ولا اى حد؟

[samirayad]

على فكرة انا بسمع صوت شخشخة فى الببان دى المشكلة
بس واحد صحبى قالى روح ربط مكينة الازاز وربط كل حاجة فى الباب من جوة
بس دة اروح عند سروجى ولا اى حد؟

أسمع كلام صاحبك

وروح أطمن على رباط مكن الأزاز

عند بتاع أبواب

وخليه برضه يبص على وضع سماعات الأبواب الأماميه

[weka_sa]

انا فعلا ما روحتش عند اى حد بتاع عفشة خالص لان فى التوكيل بيربطوها كل ما اروح وساعات بيرشوا عليها wd عشان كدة مابروحش اكشف على العفشة خالص

[Akram]

صوت الرزع اللي ورا عند السماعات ممكن يكون الكاوتش العلوي للمساعد الخلفي ,

من الآخر انت محتاج تروح لواحد بتاع عفشة كويس يتمم على كل أجزاء العفشة الامامية و الخلفية ,
و محتاج تروح عند بتاع ببان يتمم على كل الأبواب و على كاوتش الأبواب ,

و إن شاء الله الأصوات دي هتختفي ....